ស្ត្រីម្ចាស់អចលនទ្រព្យម្នាក់ ត្រូវចៅក្រមសម្រេចឃុំ ក្រោយប្រព្រឹត្តបទល្មើស
- សៀមរាប
លោក ស៊ិន សង្ហា ចៅក្រមជំនុំជំរះនៃសាលាដំបូងខេត្តសៀមរាប បានសម្រេចចេញដីកាឃុំខ្លួនស្ត្រីម្ចាស់អចលនទ្រព្យ «ដាំ សុវណ្ណរី អង្គរ» ម្នាក់មានឈ្មោះ
លោក ស៊ិន សង្ហា ចៅក្រមជំនុំជំរះនៃសាលាដំបូងខេត្តសៀមរាប បានសម្រេចចេញដីកាឃុំខ្លួនស្ត្រីម្ចាស់អចលនទ្រព្យ «ដាំ សុវណ្ណរី អង្គរ» ម្នាក់មានឈ្មោះ
ខេត្តសៀមរាប ៖ លោក ស៊ិន សង្ហា ចៅក្រមជំនុំជំរះនៃសាលាដំបូងខេត្តសៀមរាប បានសម្រេចចេញដីកាឃុំខ្លួនស្ត្រីម្ចាស់អចលនទ្រព្យ «ដាំ សុវណ្ណរី អង្គរ» ម្នាក់មានឈ្មោះ ហែម វ៉ាន់រី អាយុ៣៨ឆ្នាំ មានស្រុកកំណើតនៅខេត្តកំពង់ធំ បច្ចុប្បន្នរស់នៅភូមិខ្នារ ស្ថិតក្នុងសង្កាត់ជ្រាវ ក្រុងសៀមរាប ចោទពីបទ «ក្លែងបន្លំឯកសារ»។
ការចាប់ខ្លួនតាមដីការនេះ ធ្វើឡើងនៅថ្ងៃអង្គារ៍ តាមដីកាបង្កាប់ចាប់ខ្លួនពិរុទ្ធជន លេខ៤២ ចុះថ្ងៃទី២១ ខែមីនា ឆ្នាំ២០២៣ ដែលប្រព្រឹត្តិនៅភូមិខ្នារ ឃុំខ្នាសណ្ដាយ ស្រុកបន្ទាយស្រី ខេត្តសៀមរាប កាលពីអំឡុងខែកក្កដា ឆ្នាំ២០២១ ឱ្យសមត្ថកិច្ចទៅដាក់ពន្ធនាគារបណ្តោះអាសន្ន។
លោកវរសេនីយ៍ឯក នួន ស័ក្តិចំរើនរិទ្ធិ ស្នងការរងនគរបាលបទល្មើសព្រហ្មទណ្ឌ នៃស្នងការដ្ឋាននគរបាលខេត្តសៀមរាប បានឱ្យដឹងថា នៅវេលាម៉ោង១៦និង២០នាទីរសៀល ថ្ងៃទី១៣ ខែមិថុនា ឆ្នាំ២០២៣ កម្លាំងយើងបានចុះអនុវត្តដីកាបង្គាប់ឱ្យចាប់ខ្លួនពិរុទ្ធជនលេខ៤២ ចុះថ្ងៃទី២១ ខែមីនា ឆ្នាំ២០២៣ ដែលចេញដោយលោក ស៊ិន សង្ហា ចៅក្រមជំនុំជម្រះអមសាលាដំបូងខេត្តសៀមរាប បង្គាប់ឱ្យចាប់ខ្លួនពិរុទ្ធជនឈ្មោះ ហែម វ៉ាន់រី ភេទស្រី អាយុ៣៨ឆ្នាំ មានទីកន្លែងកំណើតនៅភូមិពុកយុក ឃុំស្រយ៉ូវ ស្រុកកំពង់ស្វាយ ខេត្តកំពង់ធំ ហើយទីលំនៅបច្ចុប្បន្នភូមិខ្នារ សង្កាត់ជ្រាវ ក្រុង ខេត្តសៀមរាប។
លោកបន្ថែមថា កម្លាំងយើងបានឃាត់ខ្លួនស្ត្រីម្ចាស់អចលនទ្រព្យម្នាក់ ក្លែងបន្លំឯកសារ តាមដីការបស់តុលាការ នៅថ្ងៃទី១៣ ខែមិថុនា ឆ្នាំ២០២៣ នៅស្នងការដ្ឋាននគរបាលខេត្ត និងបញ្ជូនទៅ កាន់តុលាការ នៅថ្ងៃទី១៤ ខែមិថុនា រួចយកទៅដាក់ពន្ធនាគារជាបណ្តោះអាសន្ន នៅថ្ងៃរសៀលថ្ងៃទី១៤ ខែមិថុន ឆ្នាំ២០២៣នេះ។ លោកបានបញ្ជាក់ថា ពិរុទ្ធជនខាងលើនេះ ត្រូវចោទប្រកាន់ពីបទ «ក្លែងបន្លំឯកសារ» ដែលប្រព្រឹត្តិនៅភូមិខ្នារ ឃុំខ្នារសណ្តាយ ស្រុកបន្ទាយស្រី ខេត្តសៀមរាប កាលពីអំឡុងខែកក្កដា ឆ្នាំ២០២១ ។
បច្ចុប្បន្ន ស្ត្រីជាជនសង្ស័យត្រូវបានលោក ស៊ិន សង្ហា ជំនុំជំរះនៃសាលាដំបូងខេត្តសៀមរាប ឱ្យកម្លាំងនគរបាលការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តសៀមរាប បញ្ជូនទៅកាន់ពន្ធនាគារខេត្តសៀមរាបបណ្តោះអាសន្ន នៅរសៀលថ្ងៃទី១៤ ខែមិថុនាឆ្នាំ២០២៣នេះហើយ៕
ចែករំលែកព័តមាននេះ