រាជធានីភ្នំពេញ ៖ រថយន្តរបស់តារាសម្តែងស៊ុក សុភា ហៅនាយខៀវ មួយគ្រឿង ម៉ាកមែរសឺដែស ពណ៌ស្ករ បានទទួលរងការខូចខាតបែកកញ្ចក់ជាច្រើនកន្លែង ដោយសារសត្វគោមួយក្បាលដែលឈ្មួញដឹកយកទៅកា.ប់នៅទីសត្តឃាតបឹងសាឡាង ស្ថិតក្នុងសង្កាត់បឹងសាឡាង ខណ្ឌទួលគោក បានធ្លាក់ពីលើរថយន្តរត់ពេញផ្លូវហើយបុកជាមួយ
រាជធានីភ្នំពេញ ៖ រថយន្តរបស់តារាសម្តែងស៊ុក សុភា ហៅនាយខៀវ មួយគ្រឿង ម៉ាកមែរសឺដែស ពណ៌ស្ករ បានទទួលរងការខូចខាតបែកកញ្ចក់ជាច្រើនកន្លែង ដោយសារសត្វគោមួយក្បាលដែលឈ្មួញដឹកយកទៅកាប់នៅទីសត្តឃាតបឹងសាឡាង ស្ថិតក្នុងសង្កាត់បឹងសាឡាង ខណ្ឌទួលគោក បានធ្លាក់ពីលើរថយន្តរត់ពេញផ្លូវហើយបុកជាមួយរថយន្តលោកខៀវ ដែលកំពុងបើកបរក៏ជុលជាមួយរថយន្តបណ្តាលឱ្យរថយន្តបែកកញ្ចក់ចំហៀង និងកញ្ចក់មុខខូចខាតអស់មួយផ្នែកធំ ។
ហេតុការណ៍នេះបានកើតមានឡើងលើកំណាត់ផ្លូវលេខ២៧១ ស្ថិតក្នុងសង្កាត់ទួលទំពូងទី២ ខណ្ឌចំការមន កាលពីវេលាម៉ោង២រំលងអធ្រាត្រឈានចូលថ្ងៃទី៦ ឧសភា ២០១១ ។
តាមប្រភពព័ត៌មានទាក់ទិននឹងហេតុការណ៍គ្រោះថ្នាក់ចរាចរណ៍ខាងលើនេះបានឱ្យដឹងថា មុនពេលកើតហេតុ លោកបានជិះរថយន្តរបស់ខ្លួនតែម្នាក់ឯង ធ្វើដំណើរលើកំណាត់ផ្លូវលេខ២៧១ ក្នុងទិសដៅពីកើតទៅលិចតាមសម្រួល ។ លុះដល់ចំណុចកើតហេតុខាងលើ ក៏ជួបជាមួយសត្វគោមួយក្បាល ដែលឈ្មួញដឹកតាមរថយន្តទៅចូលទីសត្តឃាត ហើយរបូតធ្លាក់ពីលើរថយន្តរត់ត្រេងត្រាងពេញផ្លូវហើយឃើញរថយន្តលោកខៀវ បើកភ្លើង បណ្តាលឱ្យចាំងភ្នែកវាសត្វគោនោះក៏រត់បុករថយន្ត ហើយយកស្នែងជល់កញ្ចក់រថយន្តបែកអស់ជាច្រើនកន្លែង ។ បន្ទាប់ពីមានហេតុការណ៍នេះកើតឡើង ម្ចាស់រថយន្តឈ្នួល និងម្ចាស់គោបានចរចាគ្នាសងថ្លៃខូចខាតរថយន្តលោកខៀវ ហើយលោកខៀវ ក៏យល់ព្រម ។
ពាក់ព័ន្ធនឹងព័ត៌មានខាងលើនេះកោះសន្តិភាពបានទូរស័ព្ទទៅសួរនាំលោកខៀវ ហើយត្រូវលោកខៀវបាននិយាយថា លោកបើករថយន្តធ្វើដំណើរពីយប់មិញមានជួបហេតុកាណ៍ដូច្នេះមែន ៕
ចែករំលែកព័តមាននេះ