ស្ត្រីជនជាតិវៀតណាមម្នាក់ត្រូវបង្ខំចិត្តសម្រាលកូននៅក្នុងឡានតាក់ស៊ី ព្រោះទ័លខ្លាំង មិនអាចធ្វើដំណើរទៅដល់មន្ទីរពេទ្យឱ្យបានទាន់ពេលវេលា។ នារីវ័យ៣៥ឆ្នាំរូបនេះសម្រាលបានកូនង៉ែតស្រីទម្ងន់៣គីឡូ ៨ខាំ។ នៅពេលនោះ, ស្ត្រីរូបនេះធ្វើដំណើរនៅក្នុងតាមឡានតាក់ស៊ីចេញពីផ្ទះរបស់គាត់នៅខេត្តហុងយេន (Hung Yen) ឆ្ពោះទៅកាន់មន្ទីរពេទ្យដុកយ៉ាង…
ស្ត្រីជនជាតិវៀតណាមម្នាក់ត្រូវបង្ខំចិត្តសម្រាលកូននៅក្នុងឡានតាក់ស៊ី ព្រោះទ័លខ្លាំង មិនអាចធ្វើដំណើរទៅដល់មន្ទីរពេទ្យឱ្យបានទាន់ពេលវេលា។ នារីវ័យ៣៥ឆ្នាំរូបនេះសម្រាលបានកូនង៉ែតស្រីទម្ងន់៣គីឡូ ៨ខាំ។ នៅពេលនោះ, ស្ត្រីរូបនេះធ្វើដំណើរនៅក្នុងតាមឡានតាក់ស៊ីចេញពីផ្ទះរបស់គាត់នៅខេត្តហុងយេន (Hung Yen) ឆ្ពោះទៅកាន់មន្ទីរពេទ្យដុកយ៉ាង (Duc Giang)។ គិតទៅឃ្លាតឆ្ងាយពីគ្នាប្រហែលហាសិបគីឡូម៉ែត្រ ដែលត្រូវធ្វើដំណើរតាមឡានតាក់ស៊ីរយៈពេល១ម៉ោង។
កំពុងជិះឡានសុខៗ, នារីរូបនោះក៏មានអារម្មណ៍ថាចុកពោះខ្លាំងដោយសារកូននៅក្នុងផ្ទៃកំពុងតែបម្រះ។ បន្ទាប់មក, គាត់ចាប់ផ្ដើមបែកទឹកភ្លោះ ដែលជាសញ្ញាថាកូននឹងកើតមកនៅក្នុងពេលបន្តិចទៀត។ ដូចនេះ អ្នករួមដំណើរនៅក្នុងតាក់ស៊ី និងអ្នកបើកតាក់ស៊ី ក៏ជួយខ្នះខ្នែងសម្រាលកូននៅក្នុងឡានតែម្ដង។ ប៉ុន្តែពួកគេមិនទាន់ហ៊ានកាត់ទងសុកទេ។ ពួកគេក៏បន្តដំណើរទៅមុខទៀតដើម្បីធ្វើយ៉ាងណាទៅដល់មន្ទីរពេទ្យ។ ឡានតាក់ស៊ីជូនទៅដល់មាត់ទ្វារនៃបន្ទប់សង្គ្រោះបន្ទាន់តែម្ដង។
នៅពេលទៅដល់, បុគ្គលិកពេទ្យ និងឆ្មបបានផ្ដល់ការមើលថែទាំដោយយកចិត្តទុកដាក់។ ឥឡូវនេះ ស្ត្រីជាម្ដាយ និងទារិកាត្រូវបានអនុញ្ញាតឱ្យចេញពីមន្ទីរពេទ្យដើម្បីសម្រាកនៅផ្ទះ។ រាល់សេវាសុខាភិ បាលនៅពេទ្យនោះត្រូវបានផ្ដល់ជូនដោយឥតគិតថ្លៃ។ ទារិកានេះជាកូនទី៤របស់គាត់។ ស្ត្រីជាម្ដាយប្រាប់ថាទម្រាំធ្វើដំណើរទៅដល់ពេទ្យ, គាត់សម្រាលកូនចប់សព្វគ្រប់ទាំងស្រុង។
វេជ្ជបណ្ឌិតឈ្មោះង្វៀនខាក់ធុយ (Nguyen Khac Thuy) ធ្វើការផ្នែកសម្ភព ប្រាប់ថាស្ត្រីរូបនេះសម្រាលកូនឆាប់រហ័ស និងគ្មានឧបសគ្គ ព្រោះគាត់ធ្លាប់សម្រាលកូនបីនាក់រួចមកហើយ។ គ្រូពេទ្យរូបនេះបញ្ជាក់ថាស្ត្រីជាម្ដាយពិតជាបានសម្រាលកូនរួចរាល់ជាស្ថាពរ មុនពេលដែលគាត់ធ្វើដំណើរទៅដល់មន្ទីរពេទ្យ។ ពេលនោះ កូនង៉ែតស្រែកយំយ៉ាងខ្លាំង។
កាលពីពេលកន្លងមកក៏ធ្លាប់មានស្ត្រីវៀតណាមសម្រាលកូននៅក្នុងឡានតាក់ស៊ីផងដែរ។ ឧទាហរណ៍ដូចជាករណីនារីមានផ្ទះពោះម្នាក់សម្រាលកូនកាលពីឆ្នាំ២០១៥។ អ្នករត់តាក់ស៊ីត្រូវបានកោតសរសើរមិនដាច់ពីមាត់ពីសំណាក់អាជ្ញាធរ និងរដ្ឋមន្ត្រីសុខាភិបាលវៀតណាម។ ក្រោយមកនៅឆ្នាំ២០២០ ស្ត្រីម្នាក់អាយុ២៨ឆ្នាំសម្រាលកូននៅក្នុងឡានតាក់ស៊ី។ ស្ត្រីរូបនោះប្រាប់ថាគាត់មិនអាចស៊ូរង់ចាំរហូតដល់មន្ទីរពេទ្យទេ។ អ្នករត់តាក់ស៊ីជាស្ត្រី ក៏បានសហការជាមួយសាច់ញាតិរបស់ស្ត្រីមានផ្ទៃពោះ ដើម្បីជួយសម្រាលកូន៕
ប្រភព៖ Vietnam Express និងប្រភពដទៃទៀត
https://e.vnexpress.net/news/news/mother-gives-birth-to-daughter-on-taxi-4617046.html
https://vietnamnet.vn/en/minister-praises-taxi-driver-for-helping-pregnant-woman-E127633.html
https://vietnamnews.vn/a-twist-in-the-tale/772592/pregant-woman-gives-birth-in-a-taxi.html
https://tingiaitri.org/de-roi-con-nang-gan-4-kg-tren-taxi/
ចែករំលែកព័តមាននេះ