ខេត្តក្រចេះ ៖ ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលខេត្តក្រចេះ បានចេញសេចក្ដីបំភ្លឺពាក់ព័ន្ធសារព័ត៌មានកោះសន្តិភាពបានចេញផ្សាយករណី «ស្ត្រីម្នាក់អំពាវនាវសូមឱ្យមានការស្រាវជ្រាវករណីព្រួតវាយធ្វើឲ្យប្ដីរបស់គាត់ពិការមួយកំណាត់ខ្លួន» កាលពីថ្ងៃទី២៤ សីហា ឆ្នាំ២០២២ កន្លងមក…
ខេត្តក្រចេះ ៖ ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលខេត្តក្រចេះ បានចេញសេចក្ដីបំភ្លឺពាក់ព័ន្ធសារព័ត៌មានកោះសន្តិភាពបានចេញផ្សាយករណី «ស្ត្រីម្នាក់អំពាវនាវសូមឱ្យមានការស្រាវជ្រាវករណីព្រួតវាយធ្វើឲ្យប្ដីរបស់គាត់ពិការមួយកំណាត់ខ្លួន» កាលពីថ្ងៃទី២៤ សីហា ឆ្នាំ២០២២ កន្លងមក បន្ទាប់ពីត្រឡប់មកពីព្យាបាលជាច្រើនខែនៅប្រទេសវៀតណាម ។ សូមរំលឹកថា៖ ស្ត្រីម្នាក់អំពាវនាវសុំឱ្យមានការស្រាវជ្រាវករណីព្រួតវា.យធ្វើឲ្យប្តីគាត់ពិការមួយកំណាត់ខ្លួន
ជុំវិញព័ត៌មានខាងលើ នៅថ្ងៃទី១២ មិថុនា ២០២៣ ស្នងការដ្ឋាននគរបាលខេត្តក្រចេះ បានស្នើសុំឱ្យសារព័ត៌មានកោះសន្តិភាពជួយកែតម្រូវខ្លឹមសារដែលបានចុះផ្សាយឡើងវិញ ដោយស្នងការដ្ឋាននគរបាលខេត្តក្រចេះ យោងតាមកម្មវត្ថុថា ជាករណីចោរកម្ម (លួចកាត់ខ្សែភ្លើង ) នៅចំណុចភូមិរវៀងជ័យ ឃុំស្វាយជ្រះ ស្រុកស្នួល ខេត្តក្រចេះ ដែលពាក់ព័ន្ធនឹងឈ្មោះវ៉ាន់ មុន្នីរិទ្ធ ភេទប្រុស អាយុ៤៩ឆ្នាំ ជនជាតិខ្មែរ ។
ស្នងការដ្ឋាននគរបាលខេត្តក្រចេះបានអះអាងទៀតថា ឆ្លងតាមការស្រាវជ្រាវពិនិត្យឃើញថា ឈ្មោះវ៉ាន់ មុន្នីរិទ្ធ បានរងរបួសដោយសារជិះម៉ូតូធ្លាក់ប្រឡាយទឹកតាមដងផ្លូវដោយខ្លួនឯង ហើយលោកនាយប៉ុស្តិ៍ អ៊ុច សុផាណា ក៏មិនបានរួមគំនិតជាមួយថៅកែចិន និងមេការរបស់ក្រុមហ៊ុនចិនថ្មម៉ាបផ្អឹបសំណុំរឿងអត់ចាត់ការដូចការចោទប្រកាន់របស់អង្គភាពសាព័ត៌មានផ្សេងៗដែលបានចុះផ្សាយនោះទេ ។
ហើយប៉ុស្តិ៍នគរបាលរដ្ឋបាល ក៏ពុំបានទទួលពាក់បណ្ដឹងពីក្រុមគ្រួសារឈ្មោះ វ៉ាន់ មុន្នីរិទ្ធ ដែរ ប៉ុន្តែប៉ុស្តិ៍នគរបាលបានទទួលតែពាក្យបណ្ដឹងរបស់ក្រុមហ៊ុនចិនថ្មម៉ាប់ ករណីចោរកម្មលួចខ្សែភ្លើងនៅក្នុងក្រុមហ៊ុនតែប៉ុណ្ណោះ ករណីនេះ ត្រូវបានកម្លាំងជំនាញធ្វើការកសាងសំណុំរឿងបញ្ជូនទៅស្ថាប័នអយ្យការអមសាលាដំបូងខេត្តចាត់ការតាមនីតិវិធី ។
ស្នងការដ្ឋាននគបាលខេត្តក្រចេះបន្តថា ស្នងការតែងតែយកចិត្តទុកដាក់ក្នុងការអនុវត្តតួនាទីភារកិច្ចស្របតាមនីតិវិធី ទៅលើគ្រប់បទល្មើសដែលកើតមានឡើងក្នុងភូមិសាស្ត្រទទួលខុសត្រូវរបស់ខ្លួន ពិសេសការអនុវត្តគោលនយោបាយ ភូមិ-ឃុំ-សង្កាត់មានសុវត្ថិភាពដែលមានលក្ខណៈសម្បត្តិទាំង៧ ។
លិខិតបំភ្លឺមានដូចខាងក្រោម ៖
ចែករំលែកព័តមាននេះ