មន្ត្រីយោធាជាន់ខ្ពស់ប៉ាគីស្ថានបានប្រាប់អ្នកកាសែតមួយក្រុមថា ស្ត្រីម្នាក់ដែលអះអាងថា ជាប្រពន្ធរបស់អូសាម៉ា ប៊ីនឡាដេន បានប្រាប់អ្នកស៊ើបអង្កេតថា ប្តីរបស់គាត់ជាមេដឹកនាំភេរវកម្មអាល់កៃដាបានរស់នៅក្នុងតំបន់ Abbottabad អស់រយៈពេលដល់៥ឆ្នាំ ។ ស្ត្រីរូបនេះបានប្រាប់អ្នកស៊ើបអង្កេតទៀតថា គាត់មិនបានចេញក្រៅបន្ទប់នៃ
មន្ត្រីយោធាជាន់ខ្ពស់ប៉ាគីស្ថានបានប្រាប់អ្នកកាសែតមួយក្រុមថា ស្ត្រីម្នាក់ដែលអះអាងថា ជាប្រពន្ធរបស់អូសាម៉ា ប៊ីនឡាដេន បានប្រាប់អ្នកស៊ើបអង្កេតថា ប្តីរបស់គាត់ជាមេដឹកនាំភេរវកម្មអាល់កៃដាបានរស់នៅក្នុងតំបន់ Abbottabad អស់រយៈពេលដល់៥ឆ្នាំ ។ ស្ត្រីរូបនេះបានប្រាប់អ្នកស៊ើបអង្កេតទៀតថា គាត់មិនបានចេញក្រៅបន្ទប់នៃនិវេសនដ្ឋាននោះអស់រយៈពេល៥ឆ្នាំ ហើយប្តីរបស់គាត់អូសាម៉ា ប៊ីនឡាដេន បាននៅទីនោះរហូតដែរ។
តាមប្រភពព័ត៌មានថា ប្រពន្ធរបស់ប៊ីនឡាដេន ៣នាក់ និងកូនៗ១៣នាក់ត្រូវបានឃុំខ្លួនដោយអាជ្ញាធរប៉ាគីស្ថាន។ ប្រពន្ធប៊ីនឡាដេនម្នាក់ដែលជាជនជាតិយេម៉ែន ដែលត្រូវបាញ់ចំជើងក្នុងប្រតិបត្តិការរបស់កងកុំម៉ង់ដូពិសេសអាមេរិកដែលបានសម្លាប់អូសាម៉ា ប៊ីនឡាដេន និយាយថា ប៊ីនឡាដេន នៅរស់ពេលគាត់សន្លប់ ប៉ុន្តែកូនស្រីម្នាក់របស់ប៊ីនឡាដេន អះអាងបញ្ជាក់ថា ឪពុករបស់នាងត្រូវបានបាញ់ស្លាប់នៅចំពោះមុខនាង។
តាមរបាយការណ៍មួយថា ក្នុងអំឡុងពេលនៃការរស់នៅក្នុងនិវេសនដ្ឋាននោះ ប៊ីនឡាដេន មិនចេញក្រៅទេ គឺនៅសម្ងំក្នុងបន្ទប់សម្ងាត់រហូត ។ ប៉ុន្តែបើទោះបីជាខំប្រឹងលាក់ខ្លួនពួនអាត្មាយ៉ាងណាក៏ដោយ ក៏នៅទីបំផុតប៊ីនឡាដេន នៅតែត្រូវបាញ់ស្លាប់ដដែល។ ការស្លាប់របស់ប៊ីនឡាដេន ធ្វើឱ្យពលរដ្ឋអាមេរិកមានក្តីរីករាយយ៉ាងខ្លាំង ៕
ចែករំលែកព័តមាននេះ