ខេត្ដកណ្ដាល ៖ ទីបំផុត សំណុំរឿងឃា.តកម្មមួយដែលជនដៃដល់បានសម្លា.ប់ជនរងគ្រោះច្រកចូលក្នុងវ៉ាលី ហើយដឹកស.ពយកទៅទម្លាក់ចោលនៅមាត់ទន្លេ ក្នុងភូមិសាស្ត្រភូមិពាមជំនីក ឃុំកំពង់លួង ស្រុកពញាឮ ខេត្តកណ្តាល ខណៈត្រូវបានអ្នកនេសាទ២…
ខេត្ដកណ្ដាល ៖ ទីបំផុត សំណុំរឿងឃា.តកម្មមួយដែលជនដៃដល់បានសម្លា.ប់ជនរងគ្រោះច្រកចូលក្នុងវ៉ាលី ហើយដឹកស.ពយកទៅទម្លាក់ចោលនៅមាត់ទន្លេ ក្នុងភូមិសាស្ត្រភូមិពាមជំនីក ឃុំកំពង់លួង ស្រុកពញាឮ ខេត្តកណ្តាល ខណៈត្រូវបានអ្នកនេសាទ២ នាក់ប្តីប្រពន្ធ ចេញទៅរាយមងប្រទះឃើញវ៉ាលី។
ពេលនេះ សមត្ថកិច្ចនគរបាលខេត្តកណ្តាលសហការគ្នាចាប់ខ្លួនជនជាឃា.តករជាបន្តបន្ទាប់ រហូតមកដល់ថ្ងៃទី១០ ខែមិថុនា ឆ្នាំ២០២៣ បានចំនួន៤ នាក់ ពោល គឺមិនបានដល់១០ថ្ងៃផង សមត្ថកិច្ចបំបែកសំណុំរឿងឃា.តកម្មនេះ ។
ចំពោះជនសង្ស័យទាំង៤ នាក់មាន ៖
១.ឈ្មោះ DAI MINGXING ហៅ QI SHI ភេទប្រុស អាយុ៣៤ឆ្នាំ ។
២.ឈ្មោះ HONG QI ភេទប្រុស អាយុ៣៣ឆ្នាំ ។
៣.ឈ្មោះ ZHANG XI YUAN ហៅ XIAO BAI ភេទប្រុស អាយុ២៦ឆ្នាំ ៣នាក់ជាជនជាតិចិន និងស្នាក់នៅជាមួយគ្នា អគារជងយ័ន ផ្លូវលំ ភូមិកន្ទុយទឹក សង្កាត់ទៀន ខណ្ឌដង្កោ រាជធានីភ្នំពេញ ។
៤.ឈ្មោះ LI CHEN ហៅ BING អាយុ៣៧ឆ្នាំ ជាជនជាតិចិន ស្នាក់នៅអគារព្រីន សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
នៅពេលចាប់ខ្លួនជនសង្ស័យបានដឹងច្បាស់ថា ជនរងគ្រោះមានឈ្មោះ YI MING DALI ភេទប្រុស អាយុ២៥ ឆ្នាំ ជាជនជាតិចិន មុខរបរជាបុគ្គលិកក្រុមហ៊ុន ស្នាក់នៅអគារជងយ័ន ផ្លូវលំ ភូមិកន្ទុយទឹក សង្កាត់ទៀន ខណ្ឌដង្កោ រាជធានីភ្នំពេញ ។
សូមជម្រាបថា កាលពីព្រឹកថ្ងៃទី៤ មិថុនា ឆ្នាំ២០២៣ មានការភ្ញាក់ផ្អើលមួយដោយប្រជាអ្នកនេសាទពីរនាក់ប្តីប្រពន្ធបានប្រទះឃើញស.ពច្រកក្នុងវ៉ាលី នៅចំណុចមាត់ច្រាំងទន្លេភូមិពាមជំនីក ឃុំកំពង់លួង ស្រុកពញាឮ ខេត្តកណ្តាល ដែលស.ពនោះមិនទាន់ត្រូវបានគេស្គាល់អត្តសញ្ញាណទេ ប៉ុន្តែភេទប្រុស ហើយសង្ស័យជាជនជាតិចិន ។
តាមការបំភ្លឺរបស់ប្រជាពលរដ្ឋឈ្មោះ ប៊ន ចន្ទ័ណាវី ភេទស្រី អាយុ៣៣ឆ្នាំ និងប្តីឈ្មោះ ចាន់ មករា ហៅឌាំង មុខរបរនេសាទត្រី រស់នៅភូមិពាមល្វែក ឃុំកំពង់លួង ស្រុកពញាឮ ខេត្តកណ្តាល ឲ្យដឹងថា នៅថ្ងៃទី៣១ ខែឧសភា ឆ្នាំ២០២៣ វេលាម៉ោង៨យប់ ពីរនាក់ប្តីប្រពន្ធគាត់បាននាំគ្នាចែវទូក ដើម្បីទៅនេសាទត្រីនៅតាមដងទន្លេ លុះដល់ចំណុចខាងជើងផ្ទះក៏ចាប់ផ្តើមរាយមង និងរាយបណ្តែតរហូតចម្ងាយប្រហែលជិត១គីឡូម៉ែត្រក៏ប្រទះឃើញវ៉ាលីពណ៌ខ្មៅ១ នៅលើគោកជាប់មាត់ច្រាំងទន្លេ ឃើញដូច្នោះពួកគាត់ទាំង២នាក់ប្តីប្រពន្ធបានចែវទូកចូលទៅមើល ពេលនោះគាត់ជាប្រពន្ធបានយកដៃទៅរ៉ូតវ៉ាលីបង្ហើបមើលបន្តិចក៏បានឃើញវត្ថុក្នុងវ៉ាលីនោះ ដូចជា ស្បែកកង្កែប និងពោះវៀនមាន់ រួចពីរនាក់ប្តីប្រពន្ធបាននាំគ្នាចែវទូកត្រឡប់មកផ្ទះវិញ ។
លុះដល់ថ្ងៃទី៣ ខែមិថុនា ឆ្នាំ២០២៣ វេលាម៉ោង៧ព្រឹក គាត់ (ប៊ន ចន្ទ័ណាវី) និងប្អូនថ្លៃឈ្មោះ ចាន់ លីហ្សា ភេទស្រី អាយុ១៣ ឆ្នាំ មិនអស់ចិត្តក៏បាននាំគ្នាដើរពីផ្ទះទៅមើលវ៉ាលី ដែលបានឃើញពីថ្ងៃមុននោះម្តងទៀត លុះពេលទៅដល់ គាត់ និងប្អូនថ្លៃស្រី បាននាំគ្នាចុះទៅមើល និងរ៉ូតវ៉ាលីនោះ ស្រាប់តែឃើញ ស.ពមនុស្សនៅក្នុងវ៉ាលីក៏ភ័យស្លន់ស្លោ ហើយក៏បានក្រឡេកមើលឃើញវ៉ាលីតូចមួយទៀតនៅក្នុងព្រៃក៏ទៅរ៉ូតមើលវ៉ាលីនោះទៀត ឃើញមានសំលៀកបំពាក់នៅក្នុងវ៉ាលី និងក្រដាសជូតមាត់ប្រឡា.ក់ដោយឈា.ម បន្ទាប់ពីឃើញដូច្នេះទើបគាត់សម្រេចចិត្តរាយការណ៍ប្រាប់កម្លាំងប្រជាការពារភូមិឲ្យបានដឹង ដើម្បីទៅរាយ ការណ៍ជូនសមត្ថកិច្ចនគរបាលប៉ុស្តិ៍មូលដ្ឋានជ្រាបជាព័ត៌មាន ។
ក្រោយពីមានការប្រទះឃើញស.ពច្រកក្នុងវ៉ាលីនោះទើបកម្លាំងផ្នែកជំនាញ សហការជាមួយកម្លាំងការិយាល័យបច្ចេកទេសខេត្ត ចុះទៅកន្លែងកើតហេតុធ្វើការពិនិត្យស.ព ។ បន្ទាប់ពីសមត្ថកិច្ចបានពិនិត្យ និងធ្វើកោសល្យវិច្ច័យលើស.ពរួចរាល់ហើយ ដោយមានការចង្អុលបង្ហាញពីនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ឲ្យចុះបើកការស៊ើបអង្គេត ស្រាវជ្រាវ ក្រោមការសហការជាមួយ នាយកដ្ឋាននគរបាលព្រហ្មទណ្ឌក្រសួងមហាផ្ទៃ និងស្នងការដ្ឋាននគរបាលរាជធានីភ្នំពេញ ដើម្បីបំបែកសំណុំរឿងឃា.តកម្មនេះ ។
លទ្ធផលនៃការស្រាវជ្រាវតាមជំនាញ មិនបានដល់១០ ថ្ងៃផងសមត្ថកិច្ចកំណត់បានអត្ដសញ្ញាណ និងឈានដល់ការឃាត់ខ្លួនជនសង្ស័យចំនួន៤នាក់ ។ នៅចំពោះមុខសមត្ថកិច្ចជនសង្ស័យទាំង៤ នាក់ បានឆ្លើយសារភាពប្រហាក់ប្រហែលគ្នាថា ពួកគេពិតជាបានប្រព្រឹត្តបទល្មើសធ្វើទារុ.ណកម្មវា.យដុំលើជនរងគ្រោះ បណ្តាលឲ្យស្លា.ប់នៅក្នុងបន្ទប់ជាន់ទី៣ ជាកន្លែងធ្វើការរបស់ក្រុមហ៊ុនចិន ស្ថិតនៅភូមិកន្ទុយទឹក សង្កាត់ទៀន ខណ្ឌដង្កោ រាជធានីភ្នំពេញ នោះប្រាកដមែន ។
ការធ្វើទារុ.ណកម្មរហូតដល់មរណៈភាពជនរងគ្រោះ គឺពួកគេខឹងជនរងគ្រោះលួចលុយរបស់ក្រុមហ៊ុនចំនួន៧០០០ ដុល្លារអាមេរិក ។ ក្រោយពីធ្វើទារុ.ណ កម្មរហូតជនរងគ្រោះបាត់បង់ជីវិតហើយ ពួកគេបានរៀបចំយកវ៉ាលីធំមួយច្រកជនរងគ្រោះចូល និងយកស្តុតរុំពីក្រៅ រួចឲ្យបក្ខពួក២នាក់ជាជនជាតិវៀតណាម ដឹកស.ពចេញពីបន្ទប់ធ្វើទារុ.ណកម្ម តាមរថយន្ត១គ្រឿងម៉ាក STAREX ពណ៌ស
យកទៅទម្លា.ក់ចោលនៅច្រាំងទន្លេ ក្នុងស្រុកពញាឭ ខេត្តកណ្តាល តែម្តងទៅ ។ បន្ទាប់ពីមានចម្លើយសារភាព និងការស្រាវជ្រាវរកឃើញបទល្មើសព្រហ្មទណ្ឌឧក្រិ.ដ្ឋជាក់ស្តែង ជនសង្ស័យត្រូវបានសមត្ថកិច្ច កសាងសំណុំរឿងតាមនីតិវិធី ៕
ចែករំលែកព័តមាននេះ