នគរបាលក្រុងព្រះសីហនុ កាលពីថ្ងៃទី៨ ខែមិថុនា ឆ្នាំ២០២៣ បានធ្វើការឃាត់ខ្លួនជនជាតិចិនចំនួន២នាក់ ពាក់ព័ន្ធករណីផ្ទុះអាវុ.ធជាច្រើនគ្រា.ប់ នៅចំណុចម្តុំឆ្នេរអូរឈើទាល បណ្តាលឲ្យមានការភ្ញាក់ផ្អើលដល់ភ្ញៀវទេសចរ
ខេត្តព្រះសីហនុ ៖ នគរបាលក្រុងព្រះសីហនុ កាលពីថ្ងៃទី៨ ខែមិថុនា ឆ្នាំ២០២៣ បានធ្វើការឃាត់ខ្លួនជនជាតិចិនចំនួន២នាក់ ពាក់ព័ន្ធករណីផ្ទុះអាវុ.ធជាច្រើនគ្រា.ប់ នៅចំណុចម្តុំឆ្នេរអូរឈើទាល បណ្តាលឲ្យមានការភ្ញាក់ផ្អើលដល់ភ្ញៀវទេសចរ។
បើតាមសមត្ថកិច្ចបានឲ្យដឹងថា នៅថ្ងៃទី៨ ខែមិថុនា ឆ្នាំ២០២៣ វេលាម៉ោង២១និង៤០នាទីយប់ មានប្រជាពលរដ្ឋរាយការណ៍មកថា នៅចំណុចម្តុំឆ្នេរអូរឈើទាល ស្ថិតនៅភូមិ៤ សង្កាត់៤ ក្រុង-ខេត្តព្រះសីហនុ មានករណីផ្ទុះអាវុ.ធកើតដែលបង្កឡើងដោយជនជាតិចិន១ក្រុមមិនស្គាល់អត្តសញ្ញាណ ជិះម៉ូតូ១គ្រឿងម៉ាកហុងដា សេ១២៥ ពណ៌ខ្មៅ មិនចាំស្លាកលេខ។ ក្រុមជនសង្ស័យទាំងនោះបានបា.ញ់រះជាច្រើនគ្រា.ប់ទៅលើរថយន្ត១គ្រឿង ម៉ាក Prius ពណ៌ទឹកប្រាក់ ពាក់ស្លាកលេខ ព្រះសីហនុ2B-6673 ហើយរត់គេចខ្លួនបាត់ស្រមោល។
បន្ទាប់ពីទទួលព័ត៌មាននោះភ្លាម កម្លាំងសមត្ថកិច្ចការិយាល័យជំនាញនគរបាលព្រហ្មទណ្ឌកម្រិតស្រាលបានចុះទៅ និងបានធ្វើការដកហូតសម្បកគ្រា.ប់កាទុសចំនួន០៣គ្រា.ប់ និងនាំជនរងគ្រោះដែលនៅក្នុងរថយន្តយកទៅស្នងការដ្ឋាននគរបាលខេត្តព្រះសីហនុ ដើម្បីសាកសួរបំភ្លឺ។
ដោយមានការដឹកនាំបញ្ជាពីលោកឧត្តមសេនីយ៏ស្នងការនគរបាលខេត្ត នគរបាលព្រហ្មទណ្ឌបានបើកការស្រាវជ្រាវយ៉ាងយកចិត្តទុកដាក់ រហូតដល់វេលាម៉ោង១២និង៥0នាទីរំលងអធ្រាត្រឈានចូលថ្ងៃទី៩ ខែឆ្នាំដដែល សមត្ថកិច្ចចាប់ឃាត់ខ្លួនជនសង្ស័យ២នាក់ និងដកហូតវត្ថុតាងចាប់យកបានរួមមាន ៖ អាវុ.ធខ្លី១ដើម ម៉ាក K59 បង់១មាន៣គ្រា.ប់, ស្រោមអាវុ.ធខ្លី១ និងទូរស័ព្ទ២គ្រឿង។ ក្រោយចាប់ខ្លួន ជនសង្ស័យទាំង២នាក់សមត្ថកិច្ចកំពុងសួរយកចម្លើយ ដើម្បីកសាងសំណុំរឿងតាមនីតិវិធីច្បាប់៕
ចែករំលែកព័តមាននេះ