ADផ្ទាំងផ្សព្វផ្សាយពាណិជ្ជកម្ម

Picture

លោកម្ចាស់គ្រូ សាន សុជា ៖ គ្មាននរណាដោះចង្រៃឲ្យនរណាទេ

11 ខែ មុន
  • ភ្នំពេញ

រាជធានី​ភ្នំពេញ ៖ មិន​ថា ប្រទេស​កម្ពុជា ឬ​ប្រទេស​ណាមួយ​ឡើយ តែងតែមាន​ទំនៀមទម្លាប់​ប្រពៃណី​ជា​របស់​សម្គាល់​ជាតិ​សាសន៍​ខ្លួន ឬ​ជំនឿ​ទៅ​លើ​ការ​អ្វីមួយ​តាំងពី​ដូនតា​មក​ម្ល៉េះ តែ​ជំនឿ​ខ្លះ​ក៏​ត្រូវ​បាន​ពលរដ្ឋ​គោរព​ធ្វើ​តាម និង​ខ្លះ​ទៀត​ក៏​ត្រូវ​បាន​បាត់បង់​ផង​ដែរ ។…

រាជធានី​ភ្នំពេញ ៖ មិន​ថា ប្រទេស​កម្ពុជា ឬ​ប្រទេស​ណាមួយ​ឡើយ តែងតែមាន​ទំនៀមទម្លាប់​ប្រពៃណី​ជា​របស់​សម្គាល់​ជាតិ​សាសន៍​ខ្លួន ឬ​ជំនឿ​ទៅ​លើ​ការ​អ្វីមួយ​តាំងពី​ដូនតា​មក​ម្ល៉េះ តែ​ជំនឿ​ខ្លះ​ក៏​ត្រូវ​បាន​ពលរដ្ឋ​គោរព​ធ្វើ​តាម និង​ខ្លះ​ទៀត​ក៏​ត្រូវ​បាន​បាត់បង់​ផង​ដែរ ។

ជាក់ស្តែងពុទ្ធបរិស័ទមួយរូប ធ្លាប់បានចោទសួរលោកម្ចាស់គ្រូ ឧសក សាន សុជា (តាំងពីលោកគ្រូ គង់នៅភេទជាសង្ឃ) ថា ពេលដែលយើងទិញរបស់ថ្មីមកប្រើ តើយើងគួរត្រូវប្រសិទ្ធីដែរឬទេ? ឧទាហរណ៍ ដូចជា ម៉ូតូជាដើម ។

ដើម្បី​ឲ្យ​កាន់តែ​ច្បាស់​នោះ លោក​ម្ចាស់​គ្រូ សាន សុ​ជា មាន​សង្ឃដីកា ៖ គួរ​ឬ​មិន​គួរ​ហ្នឹង ឆ្លើយ​វា​មិនកើត​ទេ ទាល់តែ​យល់​ថា ម៉េច​ទើបបាន​យក​ទៅ​ប្រសិទ្ធី​ហ្នឹង? ​ហើយ​មិន​យក​ទៅ​ហ្នឹង​យើង​យល់​ថា​ម៉េច​ដែរ? ព្រោះ​យើង​រាល់ថ្ងៃ​ហ្នឹង​វា​ឃើញ អ៊ីចឹង​មែន​បាន​ប្រទេស​យើង​រស់នៅ ឃើញ​ញឹក​ៗ​ញយ​ៗ​អា​យើង​អត់​ជឿ​ហ្នឹង​ក៏​វា​ចូល​មក​ដែរ (​ទេ​ខ្ញុំ​មិន​ទៅ​ជឿ​អី​ទេ អា​រឿង​ផ្តេសផ្តាស ប៉ុន្តែ​គេ​ទិញ​ម៉ូតូ​មក​គេ​ឲ្យ​លោក​សូត្រ ឃើញ​គេ​ទិញ​ឡាន​មក​ឲ្យ​លោក​សូត្រ តែ​យើង​អត់​ជឿ​ទេ​ណា​ពី​មុន​មក បើ​យើង​អត់​ទាន់​មាន​លុយ​ទិញ ដ៏​ពេល​មាន​លុយ​ទិញ អេ​មិនកើត​ទេ​ហី គេ​សូត្រ​គ្រប់​គ្នា ។

ជាមួយ​គ្នា​នោះ​ដែរ លោក​ម្ចាស់​គ្រូ សាន​សុ​ជា ក៏​មាន​សង្ឃដីកា​បន្ត​ថា ៖ ឥឡូវ​ទៅ​មើល​អា​ហ្វ្រិ​ច​មើល៎ ជនជាតិ​អា​ហ្វ្រិ​ច​វា​មាន​ម៉ូតូ​ជិះ​ទេ​ពួក​ហ្នឹង ហើយ​វា​ដែល​និមន្ត​លោក​សូត្រ​អត់? ហើយ​ម៉េច​មិន​ចង្រៃ​បុក​គ្នា​ងាប់​អស់​ទៅ? ថា​មក​ពី​អី ? គឺ​មក​ពី​មិនមែន​ឃើញ​លោក​ផង ដល់​អត់​ឃើញ​លោក​អត់​ចង្រៃ​ដែរ អ៊ីចឹង​លោក​មេ​ចង្រៃ​ហ្មង កើត​លោក​កើត​ចង្រៃ​ឲ្យ​គេ​ទៅ​សូត្រ ។ ដល់​ស្រុក​អាហ្វ្រិក​អត់​មាន​លោក អត់​មាន​ចង្រៃ ។ ចង្រៃ​រឿង​ផ្សេង​មិនដឹង​ទេ បើ​ចង្រៃ​រឿង​ទិញ​ម៉ូតូ​ឲ្យ​លោក​សូត្រ ទៅ​សួរ​អាហ្វ្រិក​មើល៎ កន្លែង​អត់​លោក​នោះ អ៊ីចឹង​បាន​គេ​ឲ្យ​ដើរ រៀន ចង្រៃ​នៅ​លើ​ស្អី ព្រះពុទ្ធ​រក​ឃើញច្បាស់​ណាស់ គឺ​មក​ពី​អកុសល​ក្នុង​ចិត្ត​ហ្នឹងឯង វា​គ្មាន​ពី​ណា​ធ្វើ​ឲ្យ និង​គ្មាន​ពី​ណា​ដោះ​ចង្រៃ​ឲ្យ​នរណា​ដែរ ។

លើស​ពី​នេះ​ទៅ​ទៀត លោក​ម្ចាស់​គ្រូ សាន សុ​ជា បាន​មាន​សង្ឃដីការ ៖ វា​អត់​មានអី​ច្បាស់​ជាង​ធម៌​ព្រះពុទ្ធ​ទេ តែ​យក​ធម៌​ព្រះពុទ្ធ​ទៅ​ដោះ​ចង្រៃ ធ្វើ​ឲ្យ​ចង្រៃ​បណ្តោយ ។ ព្រះពុទ្ធ​បង្រៀន​យើង ឲ្យ​រួច​ពី​ចង្រៃ​ហ្នឹង​គឺ​ទិដ្ឋិ​ក្នុង​ក្បាល​យើង​ហ្នឹង មែន​ចង្រៃ​រឿង​អី​ទេ រឿង​ម៉ូតូ​ថ្មី មិន​ថ្មី​អី​ទេ គឺ​ចង្រៃ​ក្នុង​ក្បាល​យើង​តែ​ម្តង បង្កើត​ឲ្យ​វា​ទៅ​ជា​ចង្រៃ មិន​បាន​ស្រោច​ដូច​ជា​មិន​សុខ​ខ្លួន ហ្នឹង​ចង្រៃ​បាត់ អ៊ីចឹង​ក្បាល​យើង​អន់​ជាង​ក្បាល​អាហ្វ្រិក អាហ្វ្រិក​វា​អត់​ដែល​បង្កើត​តួ​ចង្រៃ​ថា បើ​អញ​ទិញ​ម៉ូតូ​ថ្មី អញ​ត្រូវ​ឲ្យ​លោក​សូត្រ​មន្ត​ឲ្យ វា​អត់​ដែល​បង្កើត​តួ​ចង្រៃ​មួយ​នៅ​ក្នុង​ម៉ូតូ​ដែល​គាត់​ទិញ​ហ្នឹង​ផង ។ ហើយ​យើង​នេះ​ម៉េច​បាន​ចេះ​តែ​បង្កើត​ចង្រៃ​អ៊ីចឹង ថា​វា​ទិដ្ឋិ​នៅ​ក្នុង​ក្បាល​យើង​ហ្នឹង ញឹក​ៗ​ញក​ៗ​ឃើញ​តែ​លោក​ធ្វើ​អ៊ីចឹង ។ ដល់​អ៊ីចឹង​ទៅ បើ​មិន​បាន​ឲ្យ​លោក​សូត្រ​វា​មិន​ស្រួល​ក្នុង​ខ្លួន​សោះ សូត្រ​ទៅ​ដូច​ជា​ស្រួលខ្លួន ។ អរ ឥឡូវ​មិន​ចាំបាច់​ទៅ​ប្រទេស​ណា​ទេ ទៅ​មើល​តែ​ប្រទេស​អូស្ត្រាលី​នេះ​មើល មាន​ជនជាតិ​អូស្ត្រាលី​ណា ដែល​យក​ឲ្យ​លោក​សូត្រ​នោះ ហើយ​ម៉េច​មិន​ចង្រៃ​អស់​ទៅ មក​ពី​គេ​អត់​បាន​បង្កើត​រឿង​ចង្រៃ​ក្នុង​ក្បាល​របស់​គេ ដូច្នេះ​រឿង​ចង្រៃ​នេះ​អត់​មាននៅ​ក្នុង​ឡាន​ទេ ចង្រៃ​នៅ​ក្នុង​ក្បាលមនុស្ស​អត់​ព្រម​ដោះ​ចេញ ។ ហើយ​នៅ​ក្នុង​នោះ​លោកសង្ឃ​ក៏​ជា​មូលហេតុ​នាំ​ឲ្យ​ចង្រៃ​ក​ក្នុង​ក្បាល​គេ​ដែរ ព្រោះ​អត់​ពន្យល់​ពី​ហេតុផល​គេ ទៅ​តាំង​ដោះ​ចង្រៃ​ឲ្យ​គេ ។

ទន្ទឹម​នោះ​ដែរ លោក​ម្ចាស់​គ្រូ សាន សុ​ជា មាន​សង្ឃដីកា​៖ ព្រះពុទ្ធ​បង្រៀន​មនុស្ស​ឲ្យ​ដោះ​ចង្រៃ​ចេញពី​ក្បាល ដោះ​ចង្រៃ​ចេញពី​ចិត្ត មិនមែន​បង្កើត​ឲ្យ​គេ​ចង្រៃ​ហើយ ឲ្យ​ខ្លួនឯង​ទៅ​ដោះ​ឲ្យ​គេ​នោះ​ទេ មែន​ទេ ។ គឺ​ព្រះពុទ្ធ​បង្រៀន​ឲ្យ​គេ​ដោះ​ចង្រៃ​ចេញពី​ក្បាល​តែ​ម្តង កុំ​ឲ្យ​ចង្រៃ​មក​វល់​ដល់​យើង​ទៀត ។ ដូច​អាត្មា​អ៊ីចឹង អាត្មា​ដោះ​ចង្រៃ​ចេញ​តែ​ពី​ក្បាល មនុស្ស​ទេ អាត្មា​មិនមែន​ដែល​សូត្រ​ឲ្យ​ពី​ណា​អស់​ចង្រៃ​ទេ ប៉ុន្តែ​បើ​មនុស្ស​ស្តាប់​យល់​គាត់​មិន​ទៅ​អ៊ីចឹង​ៗ បើ​អស់​ចង្រៃ​ចេញពី​ក្បាល​ទៅ​ហើយ ។ ដល់​អស់​ចង្រៃ​ចេញពី​ក្បាល និង​ពី​ចិត្ត​ហើយ ចាំបាច់​ឲ្យ​ពី​ណា​ដោះ​ចង្រៃ​ឲ្យ​ទៀត យើង​ដោះ​ចេញពី​តួ​ចង្រៃ​តួ​ទិដ្ឋិ​ហ្នឹងហើយ ។

លោក​ម្ចាស់​គ្រូ សាន សុ​ជា បាន​មាន​សង្ឃដីកា​បន្ថែម​ថា ៖ អ៊ីចឹង​បាន​អាត្មា​ទៅ​ខ្មែរ ជួប​ញោម​កូន​ចិន​ម្នាក់ គាត់​មក​ជួប​អាត្មា​ថា ក្បែរ​ផ្ទះ​គាត់​គេ​ថា គាត់​ចង្រៃ​គ្រប់​គ្នា ព្រោះ​អី​គាត់​អត់​សែន អត់​បន់ អត់​ស្រន់ អត់​ព្រេន​អី​នោះ ដល់​គាត់​ដោះ​ចង្រៃ​ចេញពី​ចិត្ត​គាត់ វា​មាន​តួ​ចង្រៃ​អី​ទៀត ដល់​ខែ​អត់​សែន​អី គាត់​អត់​មាន​អារម្មណ៍​ថា​ចង្រៃ ។ អ៊ីចឹង​បាន​ដោះ​ចេញ ដល់​ខែ​ហ្នឹង អត់​សែន​ចង្រៃ​ហ្មង ដេក​វា​មិន​សុខ យី​តិច​វា​ចេះ​ទៅ វា​ចុះ​ទៅ ឃើញ​ចង្រៃ​ទេ វា​កូរ​ក្បាល​យើង វា​នៅ​មិន​សុខ ឲ្យ​អស់​៤​ទៅ​៥០០​អីចឹង​ទៅ ហើយ​បើ​ដោះ​ចង្រៃ​ចេញពី​ក្បាល​ចេញ​វា​លែង​អស់ហើយ​៤​ទៅ​៥០០​ហ្នឹង ។ អ្នក​ស្តាប់​អាត្មា​យល់​មាន​ច្រើន​ហើយ ដែល​ឈប់​ចំណាយ​លើ​រឿង​អ៊ីចឹង​ៗ​នោះ អ៊ីចឹង​ហើយ​អា​ចង្រៃ​នោះ​ក៏​វា​អស់ ហើយ​ចំណាយ​លុយកាក់​ធ្វើ​អី​ផ្តេសផ្តាស​នោះ​ក៏​វា​លែង​អស់​ទៅ ។

លោក​ម្ចាស់​គ្រូ សាន សុ​ជា មាន​សង្ឃដីកា ៖ មានរឿង​ច្រើន​ណាស់ ដែល​ព្រះពុទ្ធ​បង្រៀន​មនុស្ស​ឲ្យ​ដោះ​ចង្រៃ​ចេញពី​ក្បាល ដោះ​ចង្រៃ​ចេញពី​ចិត្ត ។ ឧទាហរណ៍​ដូច​ព្រាន​ម្នាក់ ព្រាន​ម្នាក់​ហ្នឹង​ទទេ​ៗ ស្រាប់តែ​ក្រណាត់​សំពត់​ដែល​គាត់​ទុក​ដណ្តប់​នោះ កណ្តុរ​វា​កាត់ តែ​គាត់​អត់​យល់​ថា កណ្តុរ​កាត់​ទេ គាត់​ថា យី​សំពត់​នេះ​ណាស់ ព្រោះ​ទុក​ល្អ​ចេស ស្រាប់តែ​វា​ដាច់​ចឹ​ង បើ​ទុក​ប្រើប្រាស់​វា​ដាច់​ចឹ​ង ចុះបើ​រុំ​ក្បាល​អញ​វា​មិន​ដាច់​ក្បាល​អញ​ទៅ​ហើយ ។ ហើយ​ឃើញ​ចង្រៃ​ទេ? សំពត់​មាន​ទៅ​ចង្រៃ​អី មក​ពី​កណ្តុរ​កាត់​ហ្នឹង តែ​មក​ពី​គាត់​អត់​ដឹង គាត់​ថា ទទេ​ៗ​សំពត់​ហ្នឹង​វា​ដាច់​អ៊ីចឹង ។ (​តាម​ពិត​ទៅ​សំពត់​វា​អត់​ចង្រៃ​អី​ទេ តែ​គាត់​បង្កើត​ចង្រៃ​ក្នុង​ក្បាល​របស់​គាត់​) អត់​ហាន​ទុក​សំពត់​ហ្នឹង​ទេ គាត់​ឲ្យ​អ្នកបម្រើ​គាត់​យក​ទៅ​ចោល​ឲ្យ​ឆ្ងាយ គាត់​ផ្តាំ​ទៀត​ណាស់​ថា ចោល​ឲ្យ​ឆ្ងាយ កុំ​ឲ្យ​ពី​ណា​ឃើញ ហើយ​យក​មក​ប្រើ ល៎​តែ​គេ​កើត​ចង្រៃ​អីហ្នឹង គេ​ប្តឹង​ដល់​អញ់ ម្ចាស់​របស់​វា ។ ហើយ​ព្រះសម្មាសម្ពុទ្ធ​ព្រះ​អង្គ​ដឹង ព្រោះ​អង្គ​ទៅ​យក​សំពត់​ហ្នឹង លុះ​លឺដំណឹង​ថា​ព្រះ​សម​រណៈ​គោត​ម្ត​ទៅ​យក​សំពត់​ហ្នឹង គាត់​នោះ​ភ័យ​តែ​ម្តង​(​ក្បាល​គាត់​នោះ​ចង្រៃ​ទៀត​ហើយ​) ។ អញ់​ថា យក​ទៅ​បោះចោល​ឲ្យ​ឆ្ងាយ កុំ​ឲ្យ​ពី​ណាយ​កមក​ប្រើ បើ​មនុស្ស​សាមញ្ញ​យក​មក​ប្រើ​មិន​អី​ទេ ហើយ​នេះ​លេង​ព្រះ​ព្រះ​សម​រណៈ​គោត​ម្ត​យក​មក​ប្រើ ល៎​តែ​ចង្រៃ​ព្រះ​អង្គ​គ្រោះថ្នាក់​អី​ទេ សម្តេច មន្ត្រី​អី​រករឿង​អញ់​ងាប់ ទៅ​ៗ​ឯង​ទៅ​ចាត់ចែង យក​សំពត់​ថ្មី​១​គូ​ឲ្យ​អញ់​(​និយាយ​មួយ​អ្នកបម្រើ​) គាត់​ធ្វើ​ដូច​ជ្រះថ្លា តែ​គ្មាន​ទៅ​ជ្រះថ្លា​អី​ទេ ទៅ​ដោយ​ចង្រៃ ក្បាល​គាត់​នៅ​តែ​ចង្រៃ ។ គាត់​យក​សំពត់​ថ្មី​ទៅ​ប្រគេន​ព្រះ​អង្គ ដោយ​ថា លឺ​ថា ថ្ងៃមុន​ព្រះ​អង្គ​រើស​បាន​សំពត់​កញ្ចាស់​មួយ​នៅ​ព្រៃ សំពត់​ហ្នឹង​ចាស់​ហើយ​ព្រះ​អង្គ សុំ​ព្រះ​អង្គ​ប្រើ​អា​ថ្មី​នេះ​វិញ​ទៅ ទុក​អានោះ​ឲ្យ​ខ្ញុំ​យក​ទៅ​បោះចោល​វិញ​ទៅ វា​ចាស់​ហើយ វារ​ហែក​ផង​អី​ផង ។

លោក​ម្ចាស់​គ្រូ សាន សុ​ជា មាន​សង្ឃដីកា​បន្ត​ថា ៖ ម្នាល​ព្រាន អ្នក​កុំ​ភ័យ​អី រឿង​គ្រោះថ្នាក់ រឿង​ចង្រៃ​អី វា​កើតឡើង តថាគត​នឹង​ផ្តាំ​សាវៈ​ទាំងអស់​ឲ្យ​ជា​សាក្សី​ថា បើ​តថាគត​គ្រោះថ្នាក់​ដោយ​ប្រការ​ណាមួយ ព្រោះតែ​ប្រើប្រាស់​នូវ​សំពត់​នេះ គឺ​ហាម​ផ្តាច់​មិន​ឲ្យ​អ្នក​ណា​ម្នាក់​ទៅ​រករឿង​អ្នក​ទេ អ្នក​កុំ​ភ័យ​អី យើង​ប្រាប់​នឹង​ទូល​ព្រះរាជា ទៅ​សេដ្ឋី គ​ហិប​តី​អី​ទាំងអស់​ដែល​គេ​ជ្រះថ្លា​ជាមួយនឹង​តថាគត​ហ្នឹង​ថា បើ​តថាគត​ប្រើ​សំពត់​ហ្នឹង​ទៅ​វា​គ្រោះ វា​ភ័យ វា​ចង្រៃ​រហូត​ដល់​ជីវិត​អី​ក៏​ដោយ តថាគត​មិន​ឲ្យ​គេ​ទៅ​រករឿង​អ្នក​ទេ អ្នក​ស្ងប់ចិត្ត​ចុះ ។ គាត់​នោះ​ក៏​ថា​(​ព្រាន​) អរ ចឹ​ង​ព្រះ​អង្គ អ៊ីចឹង​ខ្ញុំម្ចាស់​អត់​មានរឿង​អី​ទេ​ព្រះ​អង្គ ។

លោក​ម្ចាស់​គ្រូ សាន សុ​ជា មាន​សង្ឃដីកា ៖ ឃើញ​ទេ​ថា មនុស្ស​បង្កើត​ចង្រៃ​នៅ​ក្នុង​ចិត្ត ទៅ​រក​លោក​គិត​ថា ឲ្យ​អត់​ចង្រៃ តែ​ទៅ​បង្កើត​ចង្រៃ​ថែម អ៊ីចឹង​សាម​ណៈ​មែនទែន​ទៅ ត្រូវ​ពន្យល់​គេ​ឲ្យ​អស់​ចង្រៃ​ពី​ក្បាល​ទៅ​គេ​លែង​ទៅ​ដោះ​ចង្រៃ​ហើយ ពន្យល់​ឲ្យ​តែ​ភ្លឺ​មើល ទើប​អស់​ចង្រៃ ៕

អត្ថបទសរសេរ ដោយ

កែសម្រួលដោយ