ខេត្តបាត់ដំបង ៖ ជនសង្ស័យវ័យក្មេងៗចំនួន០៣នាក់ បានជិះម៉ូតូចូលទៅរកទិញខោអាវ នៅក្នុងផ្សារ«ស្នឹង» ដែលស្ថិតក្នុងឃុំស្នឹង ស្រុកបាណន់ តែនៅពេលប្រទះឃើញទូរស័ព្ទម្ចាស់តូបទុកប្រហែស ក៏បន្លំលួចយកទូរស័ព្ទ រួចនាំគ្នាជិះម៉ូតូគេចខ្លួនបាត់ស្រមោលភ្លាមៗ…
ខេត្តបាត់ដំបង ៖ ជនសង្ស័យវ័យក្មេងៗចំនួន០៣នាក់ បានជិះម៉ូតូចូលទៅរកទិញខោអាវ នៅក្នុងផ្សារ«ស្នឹង» ដែលស្ថិតក្នុងឃុំស្នឹង ស្រុកបាណន់ តែនៅពេលប្រទះឃើញទូរស័ព្ទម្ចាស់តូបទុកប្រហែស ក៏បន្លំលួចយកទូរស័ព្ទ រួចនាំគ្នាជិះម៉ូតូគេចខ្លួនបាត់ស្រមោលភ្លាមៗ កាលពីវេលាម៉ោង១ និង៣០នាទីរសៀលថ្ងៃទី០៦ មិថុនា បន្សល់ទុកតែសកម្មភាពលោកចោរសក់ក្រហមទាំង០៣នាក់នៅក្នុងកាមេរ៉ាសុវត្ថិភាពច្បាស់ដូចថ្ងៃ ។
ជនរងគ្រោះដែលត្រូវក្រុមចោរចូលបន្លំលួចយកទូរស័ព្ទ ឈ្មោះ វង្ស ស្រីណាក់ ភេទស្រី អាយុ៣៩ឆ្នាំ រស់នៅភូមិសំបួរមាស ឃុំស្នឹង ស្រុកបាណន់ និងជាអាជីវករលក់សម្លៀកបំពាក់នៅក្នុងផ្សារ «ស្នឹង»។ បើតាមអ្នកស្រី វង្ស ស្រីណាក់ បានប្រាប់កោះសន្តិភាពតាមទូរស័ព្ទនៅព្រឹកថ្ងៃទី០៧ មិថុនា ថា នៅថ្ងៃកើតហេតុ ពេលអ្នកស្រីកំពុងលក់ដូរ ស្រាប់តែមានមនុស្ស០២នាក់ដើរចូលទៅតូបគាត់សួររកទិញខោ។
គាត់និយាយថា ជនម្នាក់បានសួរនាំគាត់ឲ្យរកលេខខោតម្រូវចង្កេះខ្លួន តែនៅពេលគាត់កំពុងរកមើល ស្រាប់តែជនម្នាក់ទៀតមើលឃើញទូរស័ព្ទគាត់ទុកលើកាបូបលុយក្បែរនោះ ក៏បន្លំយកទូរស័ព្ទនោះ រួចដើរចេញទៅបាត់ ហើយបានស្រែកហៅគ្នាវាម្នាក់ដែលកំពុងរកទិញខោ ខណៈគាត់មិនបានចាប់អារម្មណ៏បន្តិចសោះ ។
ពេលនោះគ្នាវាក៏ដើរចេញទៅដោយមិនបានមើលខោទេ ធ្វើឲ្យគាត់ស្រឡាំងកាំងនិងឆ្ងល់ ក៏ដើរទៅយកកាបូបលុយនិងទូរស័ព្ទដែលទុកក្បែរនោះ ស្រាប់តែបាត់ទូរស័ព្ទសល់តែកាបូបលុយ ទើបមានការភ្ញាក់ផ្អើល ព្រោះដឹងថា ជនពីរនាក់ដែលចូលទិញខោ គឺជាក្រុមចោរលួចបន្លំលួចយកទូរស័ព្ទខ្លួន ។
អ្នកស្រី វង្ស ស្រីណាក់ បានប្រាប់ថា បើតាមអ្នកស្រីដឹងក្រោយពេលកើតហេតុ គឺជនល្មើសមានគ្នា០៣នាក់ មានម្នាក់ចាំលើម៉ូតូ និងពីរនាក់ចូលធ្វើសកម្មភាពព្រោះពេលក្រុមនេះជិះចេញផុត គាត់បានពិនិត្យកាមេរ៉ាសុវត្ថិភាពគេបំពាក់នៅក្បែរនោះ ឃើញក្រុមចោរមានគ្នា០៣នាក់ ។ ទូរស័ព្ទដែលត្រូវក្រុមចោរសក់ក្រហមលួចនោះម៉ាក iPnone 12 Pro Max ពណ៌.ស ។
បើតាមពិនិត្យលើរូបភាពនៃភិនភាគក្រុមចោរទាំង០៣នាក់ ក្រុមនេះជិះម៉ូតូម៉ាកឃ្លីកពណ៌.សគ្មានស្លាកលេខ ។ ពិតមែនតែជនទាំង០៣នាក់នេះ ពាក់ម៉ាស់មុខ និងមានម្នាក់ពាក់មួកសុវត្ថិភាព តែក្រុមនេះហាក់បង្ហាញមុខមាត់ និងរាងរ៉ូវយ៉ាងច្បាស់ ដែលផ្ដល់ភាពងាយស្រូលបំផុត សម្រាប់សមត្ថកិច្ចតាមស្រាវជ្រាវស្វែងរកអត្តសញ្ញាណក្រុមចោរសក់ក្រហមខាងលើនេះ ។ អ្នកស្រី វង្ស ស្រីណាក់ បានប្រាប់ថា ក្រោយកើតហេតុ អ្នកស្រីបានរាយការណ៍ប្រាប់សមត្ថកិច្ច និងបានដាក់ពាក្យបណ្ដឹងនៅប៉ុស្ដីរដ្ឋបាលស្នឹង ភ្លាមៗដែរ ដើម្បីសុំឲ្យសមត្ថកិច្ចជួយតាមចាប់ខ្លួនក្រុមចោរទាំង០៣នាក់នោះ ។
បើតាមអ្នកស្រីបានបញ្ជាក់នៅព្រឹកថ្ងៃទី០៧ មិថុនា ថា អ្នកស្រីបានទទូលដំណឹងពីសាក្សីថា គេបានប្រទះឃើញភិនភាគក្រុមចោរទាំង០៣នាក់នោះជិះម៉ូតូឌុបគ្នា កាន់ទូរស័ព្ទដូចភិនភាគរបស់អ្នកស្រីយកទៅលក់នៅហាងទូរស័ព្ទមួយកន្លែងនៅក្នុងក្រុងបាត់ដំបង កាលពីល្ងាចថ្ងៃទី០៦ មិថុនា តែអ្នកស្រីមិនទាន់ដឹងថា តើសមត្ថកិច្ចបានដឹង និងបានចាត់ការបែបណាហើយទេ ព្រោះអ្នកស្រីបានផ្ដល់ព័ត៏មាននេះឲ្យសមត្ថកិច្ចដឹងអស់ហើយ ។
បើតាមប្រភពពីសមត្ថកិច្ចបានឲ្យដឹងដែរថា ពេលនេះ គេបានកំណត់អត្តសញ្ញាណក្រុមចោរដ៏ព្រហើនទាំង០៣នាក់នោះហើយ និងកំពុងតាមក្របួចក ហើយក៏កំពុងស៊ើបអង្កេតអំពីទីតាំងដែលក្រុមចោរយកទូរស័ព្ទទៅលក់ដែរ ។
ចែករំលែកព័តមាននេះ