ភ្ញាក់ផ្អើល! អេ ភូថង និងកូនៗ នាំគ្នាទៅបួសដោយគ្មានវត្តមានកូនសិស្សសំណព្វធឿន ធារ៉ា
រាជធានីភ្នំពេញ ៖ មហាជនទូទៅ ជាពិសេសអ្នកនិយមទស្សនាកីឡាប្រដាល់គុនខ្មែរ បានបង្ហាញការ
រាជធានីភ្នំពេញ ៖ មហាជនទូទៅ ជាពិសេសអ្នកនិយមទស្សនាកីឡាប្រដាល់គុនខ្មែរ បានបង្ហាញការភ្ញាក់ផ្អើលយ៉ាងខ្លាំង ក្រោយពីបានឃើញអតីតអ្នកប្រដាល់ជើងខ្លាំងរហស្សនាមកែងឆេះ ជង្គង់ទិព្វ អេ ភូថង និង កូនប្រុស២រូបដែលសុទ្ធតែជាកីឡាករជើងខ្លាំងនៅក្នុងពិភពប្រដាល់នាពេលបច្ចុប្បន្នគឺកីឡាករ ម៉ឺន មេឃា និងអេ អាំម៉ារីនភូថង មកបួសនៅឯវត្តទួលអង្គក្រពើ ស្ថិតក្នុងខណ្ឌព្រែកព្នៅ រាជធានីភ្នំពេញ កាលពីប៉ុន្មានថ្ងៃកន្លងទៅនេះ។
ចំពោះការសាងផ្នួសនេះដែរ លោកអេ ភូថង បានបញ្ជាក់ប្រាប់ក្នុងវីដេអូបង្ហោះដោយគណនីហ្វេសប៊ុកឈ្មោះ Seng Moliny Journalist នៅព្រឹកថ្ងៃទី ០២ ខែមិថុនា ឆ្នាំ ២០២៣ ឱ្យដឹងថា គឺក្នុងគោលបំណងបំពេញកតវេទីជាកូនកតញ្ញូ សងគុណលោកឪពុកអ្នកម្ដាយរបស់លោក។
ចំណែកអ្នកស្រី សាំង សុម៉ាលី ដែលជានិច្ចកាលនៅជិតលោក អេ ភូថង សឹងតែគ្រប់ពេលវេលាទាំងជីវភាពប្រចាំថ្ងៃក្នុងគ្រួសារ និងក្នុងសកម្មភាពកីឡានោះ បានបញ្ជាក់ប្រាប់ពីការសាងផ្នួសរបស់ប្ដីនិងកូនៗថា ម៉ឺន មេឃា បានសុំគាត់បួសតាំងពីអាយុជាង១០ឆ្នាំដើម្បីសងគុណឪពុកម្ដាយ តែពួកគាត់មិនយល់ព្រមចេះតែបង្អាក់ ព្រោះខ្លា.ចកូនបួសហើយមិនព្រមសឹកវិញ ។ លុះក្រោយពីឡើងវាយដណ្ដើមបានខ្សែក្រវាត់ជាលើកទី១នៅសង្វៀនCNC ម៉ឺន មេឃា បានសុំបួសទៀត តែគាត់មិនយល់ព្រមទេ ខណៈកូនប្រុសរូបនេះនៅតែចិញ្ចឹមចិត្តចង់បួសដដែល។
ជាក់ស្ដែងម៉ឺន មេឃា ឱ្យតែដណ្ដើមបានខ្សែក្រវាត់ម្ដងៗតែងតែសុំគាត់បួស តែគាត់នៅតែមិន
អនុញ្ញាត។ ចុងក្រោយ ពេលដណ្ដើមបានមេដាយមាសស៊ីហ្គេម កូនប្រុសមឿន មេឃា, អេ អាំម៉ារីន និងកូនពៅ បានសុំពួកគាត់បួសព្រមគ្នាតែម្ដង។
អ្នកស្រីសាំង សុម៉ាលី បន្តថា ដោយមិនអាចឃាត់កូនៗបាន គាត់ក៏យករឿងកូនសុំបួសហ្នឹងទៅពិភាក្សា និងបញ្ចុះបញ្ចូលស្វាមីអ្នកស្រីរហូតយល់ព្រម ។ ពេលនោះលោកអេ ភូថង បាននិយាយថា បើកូនៗបួស គាត់ក៏សុំបួសដែរព្រោះកាលម្ដាយគាត់ខូចគាត់ចង់បួសសងគុណតែមិនបានបួស។ អ្នកស្រីសាំង សុម៉ាលី បន្តថា ដើម្បីបំពេញបំណងកូនៗនិងស្វាមី អ្នកស្រីក៏យល់ព្រមឱ្យបួសជុំគ្នាតែម្ដងទៅកុំឱ្យខាតបង់ពេលវេលា និងម្ហូបអាហារ ដែលការបួសនោះដោយទាំងកូនប្រសាម្នាក់ទៀតដែលបានសុំគាត់បួសសងគុណឪពុកម្ដាយគេដែរ ។
នៅក្នុងពិធីបំបួសលោកអេ ភូថង និងកូនៗរបស់លោកនេះដែរ តាមប្រភពព័ត៌មានថា គេមិនឃើញវត្តមានកីឡាករធឿន ធារ៉ា ដែលជាកូនសិស្សសំណព្វរបស់លោកអេ ភូថង ចូលរួមទេ ក្នុងពេលព័ត៌មានផ្លាស់ក្លិបរបស់កីឡាកររូបនេះក៏កំពុងផ្ទុះខ្លាំងនៅលើបណ្ដាញសង្គមផងដែរ បន្ទាប់ពីលោកអេ ភូថង បានទម្លាយរឿងនេះ ។ ទោះបីយ៉ាងណា ព័ត៌មានផ្លាស់ក្លិបរបស់កីឡាករធឿន ធារ៉ា ត្រូវបានស្ងប់ស្ងាត់បន្តិចទៅវិញ បន្ទាប់ពីកីឡាកររូបនេះចេញមុខបដិសេធនៅចំពោះមុខអ្នកសារព័ត៌មាននាពេលចុងក្រោយថា រូបគេមិនបានចុះហត្ថលេខាលើកិច្ចសន្យាផ្លាស់ក្លិបជាមួយអ្នកណាទេ ៕
ចែករំលែកព័តមាននេះ