រាជធានីភ្នំពេញ ៖ បុរសអ្នករត់ម៉ូតូឌុបម្នាក់ត្រូវគេដាក់ថ្នាំសណ្ដំយកម៉ូតូសេ១២៥មួយគ្រឿង ពណ៌ខ្មៅ ស៊េរី២០០៧ ពាក់ស្លាកលេខភ្នំពេញ 1S 1317 ខណៈរត់ឌុបនៅមុខផ្សារជម្ពូវ័ន ហើយប៉ះចំម៉ូយឱ្យឌុបទៅផ្សារច្បារអំពៅរួចឌុបត្រឡប់មកផ្សារជម្ពូរវ័នវិញ ក៏ត្រូវគេដាក់ថ្នាំសណ្ដំយកម៉ូតូទៅបាត់ ។ ហេតុការណ៍នេះកើតឡើងនៅមុខផ្សារជម្ពូវ័ន
រាជធានីភ្នំពេញ ៖ បុរសអ្នករត់ម៉ូតូឌុបម្នាក់ត្រូវគេដាក់ថ្នាំសណ្ដំយកម៉ូតូសេ១២៥មួយគ្រឿង ពណ៌ខ្មៅ ស៊េរី២០០៧ ពាក់ស្លាកលេខភ្នំពេញ 1S 1317 ខណៈរត់ឌុបនៅមុខផ្សារជម្ពូវ័ន ហើយប៉ះចំម៉ូយឱ្យឌុបទៅផ្សារច្បារអំពៅរួចឌុបត្រឡប់មកផ្សារជម្ពូរវ័នវិញ ក៏ត្រូវគេដាក់ថ្នាំសណ្ដំយកម៉ូតូទៅបាត់ ។ ហេតុការណ៍នេះកើតឡើងនៅមុខផ្សារជម្ពូវ័ន ស្ថិតក្នុងសង្កាត់ចោមចៅ ខណ្ឌដង្កោ កាលពីវេលាម៉ោង៩យប់ ថ្ងៃទី៣ ឧសភា ។
តាមក្រុមគ្រួសារឱ្យដឹងថា បុរសរងគ្រោះឈ្មោះឈៀង ថុល អាយុ៤៧ឆ្នាំ មានស្រុកកំណើតនៅភូមិព្រៃបាស្រី ឃុំជៃកំពក ស្រុកព្រះស្ដេច ខេត្ដព្រៃវែងតែនៅឆ្នាំ២០០៥ក្រុមគ្រួសាររបស់គាត់បានមករស់នៅភូមិកន្ទោកខាងជើង ឃុំកន្ទោក សង្កាត់កន្ទោក ខណ្ឌដង្កោ ។ នៅថ្ងៃទី៣ ឧសភា នោះ បុរសរងគ្រោះបានចេញពីផ្ទះតាំងពីម៉ោង៦ព្រឹក ដោយឌុបក្មួយទៅរៀននៅសាលាញូវតុនធីឡាយដែលមានទីតាំងខាងលិចផ្សារជម្ពូវ័ន រួចគាត់ឈប់ចាំដឹកម៉ូយនៅមុខផ្សារជម្ពូវ័ន រហូតដល់ម៉ោង១២ថ្ងៃត្រង់ ក៏បានទូរស័ព្ទទៅផ្ទះប្រាប់ថា គាត់ដឹកម៉ូយទៅផ្សារច្បារអំពៅឱ្យហូបបាយមុនចុះមិនបាច់ចាំទេ ។
ប្រភពដដែលបានឱ្យដឹងទៀតថា បន្ទាប់ពីទូរស័ព្ទប្រាប់ហើយ ក៏បាត់រហូតមិនឃើញគាត់មកផ្ទះវិញទេ លុះដល់ម៉ោង៧យប់ កូនប្រុសឈ្មោះឃៀង ណាត អាយុ១៨ឆ្នាំ ត្រឡប់មកពីរៀនវិញ សួររកឪពុកមិនទាន់ឃើញមកពីរត់ម៉ូតូឌុបវិញ ក៏មានការសង្ស័យ ព្រោះឪពុកមិនដែលបាត់ដំណឹងបែបនេះទេ ។ ពេលនោះកូនប្រុសក៏ទៅរកនៅផ្សារជម្ពូវ័ន តែរកមិនឃើញរហូតដល់ម៉ោង៩យប់ ទើបមានបុរសម្នាក់នៅផ្សារជម្ពូវ័នប្រាប់ថា កាលពីថ្ងៃមានបុរសចំណាស់ម្នាក់ត្រូវគេដាក់ថ្នាំសណ្ដំយកម៉ូតូ ហើយអ្នករងគ្រោះត្រូវរថយន្ដសាមុយដឹកទៅ តែមិនដឹងថា ទៅកាន់មន្ទីរពេទ្យណាទេ។
ក្រោយពីទទួលបានដំណឹងនេះហើយ ក្រុមគ្រួសារក៏បានដើររកតាមមន្ទីរពេទ្យនានានៅរាជធានីភ្នំពេញ រហូតដល់ម៉ោងជិត១រំលងអធ្រាត្រឈានចូលថ្ងៃទី៤ ឧសភា ទើបរកឪពុកឃើញកំពុងសម្រាកព្យាបាលនៅមន្ទីរពេទ្យព្រះកុសុមៈ ។ មកដល់ព្រឹកថ្ងៃដដែលបុរសរងគ្រោះស្ថិតនៅក្នុងសភាពរវើរវាយមិនទាន់ដឹងខ្លួននៅឡើយទេ ៕
ចែករំលែកព័តមាននេះ