ឆ្មក់ចាប់បានទាំងសម្បុកក្នុងបន្ទប់ជួល ក្រោយមហាជនរាយការណ៍
- ភ្នំពេញ
ខេត្តកណ្ដាល ៖ កម្លាំងនគរបាលស្រុកអង្គស្នួលបានធ្វើការឃាត់ខ្លួនអ្នកជួញដូរគ្រឿងញៀ.នបាន
ខេត្តកណ្ដាល ៖ កម្លាំងនគរបាលស្រុកអង្គស្នួលបានធ្វើការឃាត់ខ្លួនអ្នកជួញដូរគ្រឿងញៀ.នបាន
ខេត្តកណ្ដាល ៖ កម្លាំងនគរបាលស្រុកអង្គស្នួលបានធ្វើការឃាត់ខ្លួនអ្នកជួញដូរគ្រឿងញៀ.នបានចំនួន៦នាក់ រួមទាំងអ្នកប្រើប្រាស់គ្រឿងញៀ.ន២នាក់ផងដែរ ខណៈមនុស្ស១ក្រុមនេះកំពុងប្រមូលផ្ដុំគ្នាធ្វើសកម្មភាពជួញដូរ និងប្រើប្រាស់នៅក្នុងបន្ទប់ផ្ទះជួលមួយកន្លែងទាំងព្រឹក ហើយត្រូវបានមហាជនដឹងក៏លួចរាយការណ៍ជូននគរបាលឲ្យចុះទៅបង្ក្រាបនិងឃាត់ខ្លួនតែម្ដង ។ ខណៈនោះនគរបាលបានក៏បានធ្វើតេស្តទឹកនោម ហើយបានរកឃើញថា ក្រុមជនសង្ស័យទាំង៨នាក់ខាងលើនោះសុទ្ធតែមានសារធាតុញៀ.ននៅក្នុងខ្លួនទាំងអស់ ហើយនគរបាលបានកសាងសំណុំរឿងបញ្ជូនពួកនេះទៅកាន់សាលាដំបូងខេត្តកណ្ដាលដើម្បីចាត់ការតាមច្បាប់ហើយ។
ប្រតិបត្តិការចុះបង្ក្រាបករណីខាងលើនេះបានធ្វើឡើងកាលពីវេលាម៉ោង៩និង៣០នាទីព្រឹក ថ្ងៃទី ៣០ ខែ ឧសភា ឆ្នាំ២០២៣ ចំណុចបន្ទប់ជួលលេខ២ និងលេខ៧ ស្ថិតនៅក្នុងភូមិត្រពាំងភូមិ ឃុំពើក ស្រុកអង្គស្នួល ខេត្តកណ្តាល។
នគរបាលបានប្រាប់ឲ្យដឹងថា ជនសង្ស័យទាំង៨នាក់ខាងលើនោះ រួមមាន១-ឈ្មោះ ចាន់ វ៉ាន់សាក់ ភេទប្រុស អាយុ២៦ឆ្នាំ ជាកម្មករចាប់មាន់ មានទីលំនៅភូមិត្រពាំងភូមិ ឃុំពើក ស្រុកអង្គស្នួល២-ឈ្មោះ ស៊ន ឆានឈុន ភេទប្រុស អាយុ២៣ឆ្នាំ ជាជាងឈើ មានទីលំនៅភូមិព្រៃលួង ឃុំសំរោងលើ ស្រុកអង្គស្នួល ៣-ឈ្មោះ លី យូឡុង ភេទប្រុស អាយុ៣០ឆ្នាំ ជាជាងភ្លើង មានទីលំនៅភូមិត្រពាំងឈូក ឃុំពើក ស្រុកអង្គស្នួល ៤-ឈ្មោះ ឡឹម ម៉ៅ ភេទប្រុស អាយុ៣៣ឆ្នាំ មានទីលំនៅភូមិត្រពាំងភូមិ ឃុំពើក ស្រុកអង្គស្នួល ៥-ឈ្មោះ វ៉ន វ៉ាត់ធី ហៅវិន ភេទប្រុស អាយុ២៩ឆ្នាំ មានទីលំនៅភូមិត្រពាំងភូមិ ឃុំពើក ឃុំពើក ស្រុកអង្គស្នួលស្រុកអង្គស្នួល ជននេះធ្លាប់ជាប់ពន្ធនាគារខេត្តកណ្តាល ១លើក រយៈពេលឆ្នាំ៦ខែ ពីបទជួញដូរដោយខុសច្បាប់នូវសារធាតុញៀ.ន ៦-ឈ្មោះ សាត ស៊ីវលី ហៅស្រីលីន ភេទស្រី អាយុ២៣ឆ្នាំ មានទីលំនៅភូមិត្រពាំងភូមិ ឃុំពើក ស្រុកអង្គស្នួល ។ ជនទាំង៦នាក់នេះគឺអ្នកជួញដូគ្រឿងញៀ.ន។ ៧-ឈ្មោះ មាស សំបូរ ភេទប្រុស អាយុ២៣ឆ្នាំ ជាកម្មករចាប់មាន់ មានទីលំនៅភូមិត្រពាំងភូមិ ឃុំពើក ស្រុកអង្គស្នួល ជាអ្នកប្រើប្រាស់គ្រឿងញៀ.ន និង៨-ឈ្មោះ អ៊ុក ពិសិទ្ធ ភេទប្រុស អាយុ១៩ឆ្នាំ ជាកម្មករចាប់មាន់ មានទីលំនៅភូមិត្រពាំងភូមិ ឃុំពើក ស្រុកអង្គស្នួល ជាអ្នកប្រើប្រាស់គ្រឿងញៀ.ន។
នគរបាលដដែលបានប្រាប់ឲ្យដឹងបន្តទៀតថា ក្រោយពេលឃាត់ខ្លួនកម្លាំងនគរបាលដកហូតយកវត្ថុតាងមួយចំនួនមានដូចជាម្សៅក្រាមពណ៌សថ្លា សង្ស័យថាសារធាតុញៀ.នចំនួន២កញ្ចប់ធំ ១កញ្ចប់ស្មើនឹង៣៩,៦០ក្រាម, កញ្ចប់មធ្យម១កញ្ចប់ស្មើរនឹង៣,០១ក្រាម ។ ម៉ូតូ៤គ្រឿងក្នុងនោះ
ម៉ាកHonda Beat ពណ៌ស ពាក់ស្លាកលេខ កណ្តាល 1AK-0242 មួយគ្រឿង, ម៉ាកHonda Dream C125 ពណ៌ខ្មៅ ពាក់ស្លាកលេខកណ្តាល1B-4811 មួយគ្រឿង, ម៉ាកHonda Dream C125 ពណ៌ខ្មៅ គ្មានផ្លាកលេខ១គ្រឿង,និងម៉ាក Honda Dream C125 ពណ៌ក្រហម ពាក់ស្លាកលេខកណ្តាល1HM-4173 មួយគ្រឿង។
-អត្តសញ្ញាណប័ណ្ណឈ្មោះឡឹម ម៉ៅ ១សន្លឹកនិងឈ្មោះវ៉ន វ៉ាត់ធី១សន្លឹក,ទូរសព្ទដៃ០៧គ្រឿងក្នុងនោះម៉ាកRealme ,Iphone12 ,Iphone6 ,Iphone X mex ,Vivo និងណូកគាចុចពិល ព្រមទាំងឧបករណ៍សម្រាប់ប្រេីប្រាស់ និងវេចខ្ចប់ថ្នាំញៀនមួយចំនួនទៀត។
នគរបាលខាងលើបានបញ្ជាក់ប្រាប់ឲ្យដឹងបន្ថែមទៀតថា មុនឈានដល់ការចុះទៅបង្ក្រាប និងឃាត់ខ្លួនក្រុមជនសង្ស័យខាងលើនោះ កម្លាំងនគរបាលប្រឆាំងគ្រឿងញៀ.នស្រុកអង្គស្នួល សហការជាមួយកម្លាំង ប៉ុស្តិ៍នគរបាលរដ្ឋបាលពើក បានទទួលព័ត៌មានពីមហាជនល្អថាមានមុខសញ្ញាជួញដូរនិងប្រើប្រាស់ដោយខុសច្បាប់នូវសារធាតុញៀ.ន នៅចំណុចផ្ទះជួលខាងលើ។ បន្ទាប់មក កម្លាំងក៏បានចុះទៅកាន់ទីនោះភ្លាមៗ ហើយបានធ្វើការឃាត់ខ្លួនជនសង្ស័យបាន១នាក់ឈ្មោះ មាសសំបូរ ខណៈជននេះកំពុងដើរចេញពីបន្ទប់ជួលលេខ៧ រួចធ្វើការសួរនាំ ទើបឈានទៅដល់ ឃាត់ខ្លួនជនសង្ស័យបាន៧នាក់ទៀតជាបន្តបន្ទាប់។
តាមប្រភពមួយនេះបានឲ្យដឹងថា ដោយមានបទបញ្ជាពីលោកឧត្តមសេនីយ៍ទោស្នងការនគរបាលខេត្តកណ្តាល និងមានការសម្របសម្រួលពីលោកព្រះរាជអាជ្ញាអមសាលាដំបូងខេត្តកណ្តាល ព្រមទាំងមានការចូលរួមពីក្រុមប្រឹក្សាឃុំ លោកមេភូមិ កម្លាំងនគរបាលខាងលើបានធ្វើការឆែកឆេរបន្ទប់ជួលលេខ៧ ។ ខណៈនោះបានរកឃើញវត្ថុតាងដូចមានរៀបរាប់ខាងលើ ហើយនៅចំពោះមុខសមត្ថកិច្ច ជនសង្ស័យឈ្មោះ ចាន់វ៉ាន់សាក់ បានសារភាពថា ថ្នាំញៀ.នប្រភេទម៉ាទឹកកក១កញ្ចប់ធំជារបស់ខ្លួន ដោយមានបងម្នាក់មិនស្គាល់ឈ្មោះយកមកឱ្យខ្លួនទុកលក់បន្តទៅឱ្យមុខសញ្ញាជួញដូរនៅខេត្តកំពង់ឆ្នាំង និងចែកបក្សពួកលក់បន្តខ្លះ ព្រមទាំងទុកប្រើប្រាស់ខ្លួនឯងខ្លះ។ ចំណែកឈ្មោះ វ៉ន វ៉ាត់ធី បានឆ្លើយថា ថ្នាំញៀ.នប្រភេទម៉ាទឹកកក១កញ្ចប់មធ្យមគឺជារបស់ខ្លួន ដែលបានទិញពីជនមិនស្គាល់ឈ្មោះម្នាក់ តម្លៃ១០ម៉ឺនរៀល ដើម្បីទុកប្រើប្រាស់ជាមួយបក្ខពួកខ្លះនិងលក់បន្តខ្លះ ៕
ចែករំលែកព័តមាននេះ