ADផ្ទាំងផ្សព្វផ្សាយពាណិជ្ជកម្ម

Picture

បង្ក្រាប​ក្រុម​ចោរ​៥​នាក់​ដែល​ប្រើ​កាំ​បិ​.​ត​ស្ទាក់​ប្លន់​ម៉ូតូ​តាម​ផ្លូវ​សាធារណៈ​ហើយ

9 ខែ មុន
  • កណ្តាល

នគរបាល​មូលដ្ឋាន​ស្រុក​មុខកំពូល និង​ស្រុក​ខ្សាច់កណ្តាល សហការ​ជាមួយ​សមត្ថកិច្ច​កម្លាំង​ជំនាញ​ព្រហ្មទណ្ឌ​ខេត្ត បើក​ប្រតិបត្តិការ​ស្រាវជ្រាវ និង​ឈាន​ដល់​ការ​បង្ក្រាប​មុខសញ្ញា​ចោរ​ប្រើ​កាំ​បិ​.​ត​ស្ទាក់​ប្លន់​ម៉ូតូ​តាម​ផ្លូវ​សាធារណៈ

ខេត្តកណ្ដាល ៖ នគរបាល​មូលដ្ឋាន​ស្រុក​មុខកំពូល និង​ស្រុក​ខ្សាច់កណ្តាល សហការ​ជាមួយ​សមត្ថកិច្ច​កម្លាំង​ជំនាញ​ព្រហ្មទណ្ឌ​ខេត្ត បើក​ប្រតិបត្តិការ​ស្រាវជ្រាវ និង​ឈាន​ដល់​ការ​បង្ក្រាប​មុខសញ្ញា​ចោរ​ប្រើ​កាំ​បិ​.​ត​ស្ទាក់​ប្លន់​ម៉ូតូ​តាម​ផ្លូវ​សាធារណៈ​បាន​ចំនួន​៥​នាក់​។

ជនសង្ស័យ​ទាំង​៥​នាក់​ខាងលើ រួម​មាន ៖ ១- ឈ្មោះ ផា បញ្ញា​ស្កា​យ ហៅ​តា​យ ភេទ​ប្រុស អាយុ​១៧​ឆ្នាំ មុខរបរ​ដឹក​អីវ៉ាន់ មាន​ទីលំនៅ​ភូមិ​អ្នកតា​ជ័យ ឃុំ​គោក​គង់​ខាងលិច ស្រុក​ក​ញ្ជៀ​ច ខេត្តព្រៃវែង (​ឃាត់ខ្លួន​ថ្ងៃ​ទី​២៧ ខែឧសភា ឆ្នាំ​២០២៣)​។ ២-​ឈ្មោះ គន់ សុខ​ហួរ ភេទ​ប្រុស អាយុ​១៥​ឆ្នាំ មុខរបរ​កម្មករ​ផ្សា​ដែក មាន​ទីលំនៅ​ភូមិ​ត្រពាំង​ជ្រៃ ឃុំ​អំពិល​តា​ពក ស្រុក​អូ​រាំ​ឪ ខេត្ត​ត្បូងឃ្មំ (​ឃាត់ខ្លួន​ថ្ងៃ​ទី​២៧ ខែឧសភា ឆ្នាំ​២០២៣)​។ ៣- ឈ្មោះ លាប ស៊ា​ហួរ ភេទ​ប្រុស អាយុ​១៨​ឆ្នាំ មុខរបរ​មិន​ពិតប្រាកដ មាន​ទីលំនៅ​ភូមិ​ស្នាយ​កូវ ឃុំ​ត្នោត ស្រុក​ក​ញ្ជៀ​ច ខេត្តព្រៃវែង (​ឃាត់ខ្លួន​ថ្ងៃ​ទី​២៧ ខែឧសភា ឆ្នាំ​២០២៣​។ ៤- ឈ្មោះ គិ​ន បញ្ញា ហៅ​ញ៉ា ភេទ​ប្រុស អាយុ​១៦​ឆ្នាំ មុខរបរ​មិន​ពិតប្រាកដ មាន​ទីលំនៅ​ភូមិ​ខ្នាយ​កូវ ឃុំ​ត្នោត ស្រុក​កញ្ជ្រៀច ខេត្តព្រៃវែង (​ឃាត់ខ្លួន​ថ្ងៃ​ទី​២៨ ខែឧសភា ឆ្នាំ​២០២៣) ។ ៥- ឈ្មោះ សូត្រ ចាន់ ហៅ ឃី​ម សុខ​ចាន់ ភេទ​ប្រុស អាយុ​២១​ឆ្នាំ មុខរបរ​មិន​ពិតប្រាកដ មាន​ទីលំនៅ​ភូមិ​ខ្នាយ​កូវ ឃុំ​ត្នោត ស្រុក​កញ្ជ្រៀច ខេត្តព្រៃវែង (​ឃាត់ខ្លួន​ថ្ងៃ​ទី​៣០ ខែឧសភា ឆ្នាំ​២០២៣)​។

ចំណែក​វត្ថុ​តាង​ដែល​ចាប់​យក​បាន គឺ​ម៉ូតូ​ចំនួន​៤​គ្រឿង ក្នុង​នោះ​រួម​មាន ៖ ១-​ម៉ាក Honda Dream C125 ស៊េរី​ឆ្នាំ​២០២២ ពណ៌​ខ្មៅ ពាក់​ផ្លា​ក​លេខ កណ្តាល​1AQ-5156 (​របស់​ជន​រង​គ្រោះ​)​។ ២- ម៉ាក Honda Dream C125 ស៊េរី​ឆ្នាំ​២០២២ ពណ៌​ខ្មៅ គ្មាន​ផ្លា​ក​លេខ (​របស់​ជនសង្ស័យ ជា​មធ្យោបាយ​ជិះ​ធ្វើ​សកម្មភាព​)​។ ៣- ម៉ាក Honda Dream C125 ស៊េរី​ឆ្នាំ​២០២៣ ពណ៌​ខ្មៅ ពាក់​ផ្លា​ក​លេខ 1JI-3038 និង​៤- ម៉ាក Honda Dream C125 ស៊េរី​ឆ្នាំ​២០២២ ពណ៌​ខ្មៅ ពាក់​ផ្លា​ក​លេខ 1JR-4908 ។

សូម​បញ្ជាក់​ថា កាលពី​វេលា​ម៉ោង​៨​យប់ ថ្ងៃ​ទី​២៧ ខែឧសភា ឆ្នាំ​២០២៣ មុន​ពេល​កើតហេតុ ជន​រង​គ្រោះ​មាន​គ្នា​៣​នាក់​ជិះ​ម៉ូតូ​១​គ្រឿង​ម៉ាក Honda Dream C125 ស៊េរី​ឆ្នាំ​២០២២ ពណ៌​ខ្មៅ ពាក់​ផ្លា​ក​លេខ កណ្តាល​1AQ-5156 ចេញពី​ហាង​នំ​បុ័ង​នៅ​ស្រុក​មុខកំពូល ខេត្តកណ្តាល រួច​ឆ្លង​ទៅ​ស្រុក​ខ្សាច់កណ្តាល ហើយ​ក៏​ទៅ​ជួបជុំ​គ្នា​ផឹកស្រា​ក្រឡុក​នៅ​ភូមិ​ព្រៃ​ចាស់ ឃុំ​វិហារ​សួគ៌​។ បន្ទាប់​ពី​ផឹក​រួច ជន​រង​គ្រោះ​ក៏​នាំ​គ្នា​ជិះ​ម៉ូតូ​ទៅ​ស្រុក​មុខកំពូល​វិញ ប៉ុន្តែ​ពេល​ជិះ​ដល់​ចំណុច​ស្ពាន​ព្រែក​រូង ក៏​ស្រាប់តែ​មាន​ជនសង្ស័យ​ចំនួន​៥​នាក់ ជិះ​ម៉ូតូ​៣​គ្រឿង ម៉ាក Honda Dream C125 ពណ៌​ខ្មៅ​២​គ្រឿង និង​ពណ៌​ឈា​.​ម​ជ្រូក​១​គ្រឿង មក​ដល់​ស្ពាន​ព្រះ​គន្លង រួច​ក៏​បាន​ជិះ​តាម​ជន​រង​គ្រោះ រហូត​មក​ដល់​ស្ពាន​ព្រែក​រូង ទើប​ជនសង្ស័យ​ធ្វើ​សកម្មភាព​ដោយ​ប្រើ​កាំ​បិ​.​ត​បុ័ងតោ​កា​.​ប់​ទៅ​លើ​ជន​រង​គ្រោះ តែ​មិន​ត្រូវ​បណ្តាល​ដួល​ម៉ូតូ​។

ប្រភព​ដដែល​បន្ត​ថា ពេល​នោះ​ជនសង្ស័យ​បាន​លើក​ម៉ូតូ​របស់​ជន​រង​គ្រោះ​ជិះ​គេចខ្លួន បន្ទាប់​មក​ក៏​ត្រូវ​កម្លាំង​សមត្ថកិច្ច​នគរបាល​មូលដ្ឋាន​ប៉ុស្តិ៍​រកា​ជ​ន្លឹ​ង សន្លុង វិហារ​សួគ៌ និង​ប៉ុស្តិ៍​ព្រែក​អំពិល ព្រែក​លួង ស្វាយ​ជ្រំ ស្រុក ក្រុង​អរិយ​ក្សត្រ ពួនស្ទាក់​ឃាត់ខ្លួន​ជនសង្ស័យ​បាន​៣​នាក់ និង​ចាប់​យក​ម៉ូតូ​ជា​វត្ថុ​តាង​ចំនួន​២​គ្រឿង​។

ប្រភព​ដដែល​បន្ត​ថា លុះ​នៅ​ថ្ងៃ​ទី​២៨ ខែឧសភា ឆ្នាំ​២០២៣ កម្លាំង​អធិការដ្ឋាន​នគរបាល​ស្រុក​សហ​ការ​ជា​កម្លាំង​នគរបាល​ព្រហ្មទណ្ឌ​កម្រិត​ធ្ងន់ ខេត្តកណ្តាល ដឹក​ដោយ​លោក​ឧត្តមសេនីយ៍ត្រី សោម សី​ហាក់ ស្នងការ​រង ក្រោម​ការ​សម្របសម្រួល​ពី​លោក ខា ដែន​ណា ព្រះរាជអាជ្ញា​រង អម​សាលាដំបូង​ខេត្ត បាន​ចុះ​ស្រាវជ្រាវ​ឃាត់ខ្លួន​ជនសង្ស័យ​២​នាក់​បន្ត​ទៀត និង​ម៉ូតូ​ចំនួន​២​គ្រឿង នៅ​សង្កាត់​ទួល​សង្កែ ខណ្ឌ​ឬ​ស្សី​កែវ រាជធានី​ភ្នំពេញ រួច​នាំ​ខ្លួន​ទៅ​កាន់​អធិការដ្ឋាន​នគរបាល​ស្រុក​កណ្តាល​។

ក្រោយ​ឃាត់ខ្លួន​ជនសង្ស័យ និង​វត្ថុ​តាង ត្រូវ​បាន​សមត្ថកិច្ច​កសាង​សំណុំរឿង និង​បញ្ជូន​ទៅ​កាន់​សាលាដំបូង​ខេត្ត ដើម្បី​ចាត់ការ​តាម​នីតិវិធី​៕

អត្ថបទសរសេរ ដោយ

កែសម្រួលដោយ