ការផ្ទុះ៣លើកជាប់ៗគ្នាត្រូវបានគេឮនៅក្នុងទីក្រុងទ្រីប៉ូលី រដ្ឋធានីលីប៊ី កាលពីព្រឹកថ្ងៃទី៤ ឧសភា នៅពេលយន្តហោះជាច្រើនគ្រឿងហោះសំកាំងពីលើក្រុងនេះរយៈពេល ប៉ុន្មានថ្ងៃក្រោយពីមេដឹកនាំផ្តាច់ការប្រទេសនេះ លោកមូអាម៉ា កាដាហ្វី រួចផុតជីវិតពីការវាយប្រហារតាមអាកាសរបស់អង្គការអូតង់ ដែលបណ្តាលឱ្យស្លា.ប់កូនប្រុសពៅរបស់លោក ។
ការផ្ទុះ៣លើកជាប់ៗគ្នាត្រូវបានគេឮនៅក្នុងទីក្រុងទ្រីប៉ូលី រដ្ឋធានីលីប៊ី កាលពីព្រឹកថ្ងៃទី៤ ឧសភា នៅពេលយន្តហោះជាច្រើនគ្រឿងហោះសំកាំងពីលើក្រុងនេះរយៈពេលប៉ុន្មានថ្ងៃក្រោយពីមេដឹកនាំផ្តាច់ការប្រទេសនេះ លោកមូអាម៉ា កាដាហ្វី រួចផុតជីវិតពីការវាយប្រហារតាមអាកាសរបស់អង្គការអូតង់ ដែលបណ្តាលឱ្យស្លាប់កូនប្រុសពៅរបស់លោក ។
គេប៉ាន់ស្មានថា ការផ្ទុះនោះជាការវាយប្រហារតាមអាកាសរបស់អង្គការអូតង់ប្រឆាំងកងកម្លាំងស្ម័គ្រស្លាប់របស់លោកកាដាហ្វី ទៀត។ ក្រោយពីការផ្ទុះទាំង៣លើកមានការបាញ់កាំភ្លើងជាបន្តបន្ទាប់ទៀត ។
សាក្សីនានានិយាយថា មានការផ្ទុះជាប់ៗគ្នាចំនួន៣លើក ហើយគេបានឃើញផ្សែងហុយចេញពីទីតាំងមួយនៅភាគខាងកើតរដ្ឋធានីទ្រីប៉ូលី ។
នាយករដ្ឋមន្ត្រីតួកគីលោក Recep Tayyip Erdogan កាលពីថ្ងៃទី៣ ឧសភា កន្លងមក បានអំពាវនាវដល់ប្រធានាធិបតីលីប៊ី ដែលមានបញ្ហាលោកមូអាម៉ា កាដាហ្វី ឱ្យចុះចេញពីតំណែងជាបន្ទាន់ ។ លោក Erdogan ថ្លែងប្រាប់អ្នកកាសែតនៅក្នុងទីក្រុងអុីស្តង់ប៊ុលថា «សករាជថ្មីត្រូវតែបានចាប់ផ្តើមនៅប្រទេសលីប៊ី ។ នៅត្រង់ចំណុចនេះអ្វីជារឿងចាំបាច់ដែលត្រូវធ្វើសម្រាប់លោកកាដាហ្វី គឺត្រូវតែបោះបង់ចោលអំណាចជាបន្ទាន់ ហើយបំពេញតួនាទីផ្នែកមនុស្សធម៌»។
ប្រទេសលីប៊ីកើតមានសង្គ្រាមរវាងកងកម្លាំងប្រទេសសម្ព័ន្ធមិត្ត និងកងកម្លាំងស្ម័គ្រស្លាប់របស់លោកកាដាហ្វី ដោយអង្គការអូតង់បានប្រើប្រាស់ការវាយប្រហារតាមអាកាសដើម្បីអនុវត្តដំណោះស្រាយរបស់ក្រុមប្រឹក្សាសន្តិសុខអង្គការសហប្រជាជាតិសំដៅការពារជនស៊ីវិលដែលរងការគំរាមកំហែងដោយកងកម្លាំងរបស់លោកកាដាហ្វី ។
ការអំពាវនាវឱ្យលោកកាដាហ្វី បោះបង់ចោលអំណាចរបស់លោក Erdogan ធ្វើឡើងរយៈពេលមួយថ្ងៃ ក្រោយពីប្រទេសរបស់លោកបិទស្ថានទូតរបស់ខ្លួនប្រចាំទីក្រុងទ្រីប៉ូលី ហើយជម្លៀសឯកអគ្គរដ្ឋទូត និងអ្នកការទូតរបស់ខ្លួន ទៅកាន់ប្រទេសទុយនីស៊ី ។
ប្រទេសតួកគីមានទំនាក់ទំនងផ្នែកពាណិជ្ជកម្មយ៉ាងជិតស្និទ្ធជាមួយប្រទេសលីប៊ី ៕
ចែករំលែកព័តមាននេះ