រថយន្តសង្គ្រោះ១គ្រឿង បើកគេចម៉ូតូ ជួបគ្រោះផ្អើលម្តុំព្រលានយន្តហោះ
- ភ្នំពេញ
រាជធានីភ្នំពេញ ៖ រថយន្តក្រសួងសុខាភិបាលមន្ទីរពេទ្យបង្អែកខេត្តកោះកុងមួយគ្រឿងបើកលឿន
រាជធានីភ្នំពេញ ៖ រថយន្តក្រសួងសុខាភិបាលមន្ទីរពេទ្យបង្អែកខេត្តកោះកុងមួយគ្រឿងបើកលឿន
រាជធានីភ្នំពេញ ៖ រថយន្តក្រសួងសុខាភិបាលមន្ទីរពេទ្យបង្អែកខេត្តកោះកុងមួយគ្រឿងបើកលឿនបួងចង្កូតគេចពីម៉ូតូជ្រុលទៅបុ.កក្បាលនាគពុះចែកទ្រូងផ្លូវបណ្ដាលឱ្យអ្នកបើកបររងរបួសធ្ងន់ បង្កឲ្យមានការភ្ញាក់ផ្អើលនៅវេលាម៉ោង៣និង២៥ទៀបភ្លឺថ្ងៃទី២៧ ខែឧសភា ឆ្នាំ២០២៣ ស្ថិតនៅជិតច្រកចូលព្រលានយន្តហោះអន្តរជាតិភ្នំពេញ ចំណុចភូមិក្បាលដំរី២ សង្កាត់កាកាបទី២ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានបានអោយដឹងថា នៅមុនពេលកើតហេតុ គេឃើញរថយន្តក្រសួងសុខាភិបាលមន្ទីរពេទ្យបង្អែកខេត្តកោះកុង ពណ៌ស ពាក់ស្លាកលេខ រដ្ឋ 2 .2.0885 បើកបរតាមបណ្ដោយផ្លូវសហព័ន្ធរុស្ស៊ីក្នុងទិសដៅពីកើតទៅលិចយ៉ាងលឿន ខណៈមកដល់ហួសច្រកចូលព្រលានយន្តហោះអន្តរជាតិភ្នំពេញបានបន្តិច ក៏បួងចង្កូតគេចពីម៉ូតូមួយគ្រឿង ដោយមិនចាំស្លាកលេខនិងម៉ាកបានជ្រុលទៅបុកក្បាលនាគពុះចែកទ្រូងផ្លូវពេញទំហឹង បណ្ដាលឱ្យខូចខាតឃឿនចំនួន៣ផ្ទាំងនឹងបង្គោលភ្លើងបំភ្លឺផ្លូវមួយដើម ចំណែកអ្នកបើកបររថយន្តបានរងរបួសធ្ងន់ ត្រូវបានដឹកតាមម៉ូតូកង់បីយកទៅសង្គ្រោះបន្ទាន់ភ្លាមៗនៅមន្ទីរពេទ្យរុស្ស៊ី ។ បន្ទាប់មកទើបខាងសមត្ថកិច្ចមូលដ្ឋានចុះទៅដល់ហើយក៏រាយការណ៍ទៅផ្នែកជំនាញការិយាល័យចរាចរណ៍បន្តភ្លាមៗ។
ក្រោយពេលកើតហេតុ សមត្ថកិច្ចមូលដ្ឋាន និងសមត្ថកិច្ចផ្នែកជំនាញការិយាល័យចរាចរណ៍ធ្វើការវាស់វែងស្ទូចយករថយន្តទៅរក្សាទុកនៅអធិការដ្ឋាននគរបាលចរាចរណ៍ផ្លូវគោក រង់ចាំធ្វើការដោះស្រាយបន្តនៅពេលក្រោយទៀត ៕
ចែករំលែកព័តមាននេះ