អាសូរ! យុវសិស្ស១រូប ជិះម៉ូតូទៅរៀន ស្រាប់តែជួបគ្រោះអកុសលយ៉ាងរន្ធ.ត់
- ភ្នំពេញ
រាជធានីភ្នំពេញ ៖ យុវសិស្សម្នាក់បានជិះម៉ូតូទៅរៀន ហើយត្រូវរថយន្តកុងតឺន័រ១គ្រឿងបើកក្នុង
រាជធានីភ្នំពេញ ៖ យុវសិស្សម្នាក់បានជិះម៉ូតូទៅរៀន ហើយត្រូវរថយន្តកុងតឺន័រ១គ្រឿងបើកក្នុងល្បឿនលឿនស្របទិសគ្នាជ្រុលទៅបុ.កពីក្រោយយ៉ាងពេញទំហឹង បណ្ដាលឲ្យដួលខ្ទា.តចូលក្រោមកង់រថយន្តនោះកិ.នស្លា.ប់ភ្លាមៗនៅនឹងកន្លែង ចំណែកម៉ូតូបានប៉ើងខ្ទា.តផ្លោងចូលទៅក្នុងផ្ទះលក់បាយនៅជិតនោះ។
ហេតុការណ៍ខាងលើនោះបានបង្កការភ្ញាក់ផ្អើលកើតឡើងកាលពីវេលាម៉ោង៧ព្រឹកថ្ងៃទី២៧ ខែឧសភា ឆ្នាំ២០២៣ នៅលើកំណាត់ផ្លូវចោមចៅ (ផ្លូវវ៉េងស្រេង) ភូមិត្រពាំងថ្លឹង៤ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
យុវសិស្សរងគ្រោះឈ្មោះឆាន់ តុលា ភេទប្រុស អាយុ១៩ឆ្នាំ ជាសិស្សរៀននៅសាលាប៊ែលធី មានទីលំនៅបុរីពិភពថ្មី១ ផ្លូវជាតិលេខ៣ សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
តាមប្រភពព័ត៌មានបានឲ្យដឹងថា នៅមុនពេលកើតហេតុ យុវជនរងគ្រោះបានជិះម៉ូតូ១គ្រឿងម៉ាកហុងដាឌ្រីម ធុនសេ១២៥ ពណ៍ខ្មៅ ពាក់ស្លកលេខ កំពត 1A-9922 ធ្វើដំណើរក្នុងទិសដៅពីលិចទៅកើតទៅរៀនតាមផ្លូវចោមចៅ ។ លុះពេលទៅដល់ត្រង់ចំណុចកើតហេតុ ស្រាប់តែមានរថយន្តកុងតឺន័រ១គ្រឿង ពណ៍ស ពាក់ស្លាកលេខ ភ្នំពេញ 3E-1254 បើកបរក្នុងទិសដៅស្របគ្នានិងក្នុងល្បឿនលឿនទៅដល់ ហើយពុំដឹងថាអ្នកបើកបររថយន្តនេះរវល់ងាកទៅណាទេ ក៏បានបុ.កម៉ូតូពីក្រោយយ៉ាងពេញទំហឹងតែម្ដង។
តាមប្រភពដដែលបានប្រាប់ឲ្យដឹងបន្តទៀតថា ខណៈនោះបានបណ្ដាលឲ្យយុវជនរងគ្រោះខ្ទា.តចូលក្រោមកង់រថយន្តខាងលើកិ.នស្លា.ប់ភ្លាមៗនៅនឹងកន្លែង ចំណែកឯម៉ូតូបានប៉ើងខ្ទា.តផ្លោងជាច្រើនម៉ែត្រចូលទៅក្នុងផ្ទះលក់បាយមួយកន្លែងនៅជិតនោះ ។
ក្រោយពេលកើតហេតុ អ្នកបើកបររថយន្តបង្កប្រុងរត់គេចខ្លួនដែរ ប៉ុន្តែត្រូវបានកម្លាំងនគរបាលប៉ុស្តិ៍ចោមចៅទី១និងនគរបាលខណ្ឌពោធិ៍សែនជ័យដែលប្រចាំការនៅទីនោះឃាត់ខ្លួននាំទៅសាកសួរ បន្ទាប់មករាយការណ៍ជូននគរបាលការិយាល័យនគរបាលចរាចរណ៍ផ្លូវគោកនៃស្នងការដ្ឋានរាជធានីភ្នំពេញចាត់ការបន្ត ៕
ចែករំលែកព័តមាននេះ