រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា ដែលកាន់អំណាចជាង៤០ឆ្នាំមកហើយបានបញ្ជាក់ថា ធ្វើអ្វីៗដើម្បីការពារអំណាច និងរក្សាសុខសន្តិភាព ។ ការលើកឡើងរបស់សម្តេចតេជោ បន្ទាប់ពីក្រុមប្រឆាំងនាំគ្នាលើកឡើងថា សម្តេចបាននិងកំពុងតែការពារអំណាចខ្លួន។
ក្នុងពិធីជួបសំណេះសំណាលជាមួយកម្មករ នាព្រឹកថ្ងៃទី២៧ ឧសភា ឆ្នាំ២០២៣ សម្តេចតេជោ ហ៊ុន សែននាយករដ្ឋមន្ត្រីបានគូសបញ្ជាក់ថា «មានតែរក្សាសន្តិភាពឲ្យបានទើបមានការអភិវឌ្ឍ ហើយអ្នកទាំងអស់គ្នាបានដឹង ហើយមានអ្នករក្សាសន្តិភាព គឺអ្នកស្វែងរកសន្តិភាព ហើយជាអ្នកការពារសន្តិភាព អ្នកដែលគេមិនបាន ស្វែងរកគឺគេធ្វើយ៉ាងម៉េចឲ្យអស្ថិរភាពក្នុងប្រទេស ដោយមិនគិតពីអ្នកណាស្លាប់ ឬរស់ទេ ធ្វើយ៉ាងណាបានអំណាច» ។
សម្តេចតេជោក៏បានលើកឡើងថា ឥលូវលោក ហ៊ុន សែន ធ្វើយ៉ាងណាការពារ អំណាចឲ្យបាន «ខ្ញុំសូមឆ្លើយទៅវិញបាទ! OK»ទទួលយកខ្ញុំការពារអំណាចគ្មានអ្វីពិបាកនោះទេ ប៉ុន្តែសុំសួរលោកឯងវិញថា ចង់បានអំណាច តើយ៉ាងម៉េចដែរ? ពួកលោកឯងប្រើប្រាស់វិធីសាស្ត្រ មិនប្រជាធិបតេយ្យ ចង់បានអំណាចចង់ឲ្យសម្លាប់ ហ៊ុន សែន ឲ្យគេចាប់ ហ៊ុន សែន ចង់កងកំលាំងប្រដាប់អាវុធបែរកាណុងមកសម្លាប់ ហ៊ុន សែន ដែលជាវិធីមិនប្រជាធិបតេយ្យ ដែលមិនត្រូវអត់ឱនឲ្យទេ ចំពោះក្រុមជ្រុលនិយមនេះ ។
ជាមួយគ្នានោះដែរ សម្តេចតេជោបានលើកឡើងថា បើបណ្តោយឲ្យក្រុមជ្រុកនិយមនោះប្រទេសយើងនឹងរងគ្រោះសារជាថ្មីទៀត ដូច្នេះ គោលដៅអ្នកនោះចង់ធ្វើបដិវត្តពណ៌ដូចពេលកន្លងទៅមានករណីបដិវត្តកសិករ ដែលក្រុមនេះបានសិក្សានៅមានប៉ុន្មានកន្លែងទៀត ។ បើនៅមានឧបាយកលនោះ យើងនៅតែបន្តនិយាយ។
សម្តេចតេជោក៏បានប្រាប់ទៅកាន់មិត្តបរទេសដែលផ្តល់ថវិកាសម្រាប់ចលនាបែបនេះ ដកថយខ្លួនឲ្យឆ្ងាយព្រោះយើងខ្ញុំនឹងស្រាវជ្រាវឲ្យដល់ឬសគល់ថា តើអ្នកបានលុយពីណាមក ដើម្បីហ្វឹកហាត់ផែនការរបៀបហ្នឹង។
សម្តេចគូសបញ្ជាក់ថា៖ «យើងមិនអាចបណ្តែតបណ្តោយឲ្យប្រទេសមួយចត្រូវបំផ្លាញនោះទេ ។ អ្នកខ្លះបាននិយាយជាមួយយើងថា ហេតុបាននិយាយពីសន្តិភាពទៀត បើប្រទេស មានសន្តិភាពហើយ! ប៉ុន្តែខ្ញុំចាំបាច់ត្រូវតែនិយាយដោយសារពួកអ្នកឯងចង់បំផ្លាញសន្តិភាពនៅប្រទេសរបស់ខ្ញុំ »។ សម្តេចក៏បានលើកឡើងថាហេតុដែលមានការចង់បំផ្លាញសន្តិភាពនៅក្នុងប្រទេសកម្ពុជាម្តងហើយម្តងទៀត ទើបសម្តេចនិយាយ ។ តាមរយៈមធ្យោបាយច្រើនណាស់ ដែលពួកគេចង់បំផ្លាញសន្តិភាព ។
សម្តេចតេជោបានសង្កត់ធ្ងន់យ៉ាងដូច្នេះថា «អ្នកឯងត្រូវចាំនិងកុំភ្លេចថាពួកខ្ញុំក៏មានខួរក្បាលដែរ ក៏ចេះគ្រប់ក្រងប្រទេសរបស់ខ្លួនដែរ ពួកខ្ញុំក៏មានព៌ណមានគ្រប់គ្រាន់នូវ អ្វីដែលពួក ឯងកំពុងធ្វើដែរ។ ហើយពួកអ្នកឯងកុំនិយាយរឿងនេះជាសិទ្ធិបញ្ចេញមតិ។ អ្នកឯងត្រូវយល់ អំពីបញ្ហានេះ ការធ្វើឲ្យរំជើបរំជួលបង្កើតចលនាចល »។
ជាមួយគ្នានោះដែរ សម្តេចតេជោក៏បានលើកឡើងថា តើមានអ្នកដឹងថា ឆ្នាំ១៩៧៩មានសង្គ្រាមកើតឡើងនៅកម្ពុជា ខណៈពេលនេះ កម្ពុជាត្រូវបានប្រសិទ្ធនាមកោះសន្តិភាព តែបែបមានសង្គ្រាម ។ គ្រាប់បែបរាប់លានតោនត្រូវបានទម្លាក់លើក្បាលប្រជាជនកម្ពុជា អីញ្ចឹងទេយើង មិនប្រហែសទេ ចង់អ្នកឯងថាម៉េចថាទៅ គឺកម្ពុជាត្រូវមានសន្តិភាព ដើម្បីធានាដល់ភាពសុខ សាន្តរបស់ប្រជាជននិងការអភិវឌ្ឍសេដ្ឋកិច្ចសង្គមប្រកប ដោយចីរភាព ៕
ចែករំលែកព័តមាននេះ