ADផ្ទាំងផ្សព្វផ្សាយពាណិជ្ជកម្ម

Picture

ការ​ផ្លាស់​ប្ដូរ​ពាណិជ្ជកម្ម​រវាង​កូរ៉េ​ខាងជើង​និង​ចិន​បើក​ឡើង​វិញ

4 ខែ មុន

ប្រទេស​កូរ៉េ​ខាងជើង ៖ ៣​ឆ្នាំ​បន្ទាប់​ពី​ផ្ទុះការ​ឆ្លង​រាលដាល​នៃ​កូ​វី​ដ​-១៩ សេដ្ឋកិច្ច​កូរ៉េ​ខាងជើង​ទី

ប្រទេស​កូរ៉េ​ខាងជើង ៖ ៣​ឆ្នាំ​បន្ទាប់​ពី​ផ្ទុះការ​ឆ្លង​រាលដាល​នៃ​កូ​វី​ដ​-១៩ សេដ្ឋកិច្ច​កូរ៉េ​ខាងជើង​ទីបំផុត​ផ្ដល់​សញ្ញា​នៃ​ការ​ងើបឡើង​វិញ ។ នេះជា​សេចក្ដីរាយការណ៍​របស់​កាសែត សេដ្ឋកិច្ច​ជប៉ុន
NIHON KEIZAI SHIMBUN ដែល​ដកស្រង់ស្ថិតិ​គយ​ចិន សម្រាប់​ការ​ចេញផ្សាយ​ថ្ងៃ​ទី​២៥
ឧសភា ដែល​ថា ការ​ផ្លាស់​ប្ដូរ​ពាណិជ្ជកម្ម​រវាង​កូរ៉េខាងជើង​និង​ចិន បាន​ឡើង​ដល់​៦៨៤​លាន​ដុល្លារ​រវាង​ខែមករា​និង​ខែមេសា​ឆ្នាំ​២០២៣​នេះ ។

កូរ៉េ​ខាងជើង​បាន​បិទ​កាលពី​ខែតុលា​ឆ្នាំ២០២០ ការ​ដឹក​ជញ្ជូន​ទំនិញ​ទៅ​កាន់​ចិន​តាម​រថយន្ត​កាំ​មី​ញ៉ុ​ង នាវា​និង​រថភ្លើង​ដែល​នាំ​ឲ្យ​មានការ​ចុះ​ថយ​ខ្លាំង​ការ​ផ្លាស់​ប្ដូរ​ពា​ណិ​ជ្ច​កម្ម​អន្តរជាតិ ។ ការ​បើក​ឡើង​វិញ​នៃ​សកម្មភាព​ពាណិជ្ជកម្ម​គឺ​សំខាន់​សម្រាប់​សេដ្ឋកិច្ច​របស់​ប្រទេស​នេះ ។ ចិនជា​ដៃគូ​ពា​ណិ​ជ្ច​កម្ម​ធំ​ជាងគេ​ទី​មួយ​របស់​កូរ៉េ​ខាងជើង ជាមួយ​ជាង​៩០%​នៃ​ការ​នាំ​ចូល និង​នាំ​ចេញរបស់​ខ្លួន ។

ចាប់តាំងពី​ឆ្នាំ​២០១៧​មក​កូរ៉េ​ខាងជើង ទទួលរង​ទណ្ឌកម្ម​របស់ អ​.​ស​.​ប ដែល​ហាមឃាត់​ការ​នាំ
ចេញ​ផលិតផល​មួយ​ចំនួន ដូច​ជា​ធ្យូងថ្ម ដែកថែបនិង​ផលិតផល​វាយ​ណ​ភ័​ណ្ឌ ប៉ុន្តែ​កូរ៉េ​ខាងជើង​បានពង្វាង​ទណ្ឌកម្ម​ទាំងនេះ​ដើម្បី​នាំ​ចេញ​បណ្ដា​ផលិតផល​ខ្លួន​ទៅ​កាន់​ប្រទេស​ចិន ។ ឧទាហរណ៍​ការ
បញ្ជូន​ពលករ​កូរ៉េ​ខាងជើង​ទៅ​ចិន ទោះ​មានការហាមឃាត់​របស់ អ​.​ស​.​ប តែ​នៅ​បន្ត ។ ទីក្រុង
ដាន​ដុ​ង​របស់​ចិន​នៅ​ជាប់​ព្រំដែន​កូរ៉េ​ខាងជើងមាន​ពលករ​កុ​ូ​រ៉េ​ខាងជើង​ចូល​ទៅ​ធ្វើការ​ពី​៧០.
០០០​ទៅ​៨០.០០០​នាក់ ក្នុង​រោងចក្រ​កាត់ដេរ​ឬ​រោងចក្រ​កែ​ច្នៃ​គ្រឿង​សមុទ្រ ។

កាសែត​ជប៉ុន​នោះ​បន្ត​ទៀត​ថា ទោះបី​ការ​ផ្លាស់​ប្ដូរ​ពា​ណិ​ជ្ច​កម្ម​បើក​ឡើង​វិញ តែ​ព្រំដែន​កូរ៉េ
ខាងជើង​នៅ​តែ​បិទ​មិន​ឲ្យ​បរទេស​ចេញចូល ។អាជ្ញាធរ​កូរ៉េ​ខាង​ប្រហែលជា​កំពុង​ពិចារណា​ពី
ការ​បើក​ព្រំដែន​ឡើង​វិញ ៕