ខេត្តព្រៃវែង ៖ រថយន្តម៉ាកហ្វតរ៉េនជឺរ របស់ក្រុមហ៊ុនមួយបានក្រឡាប់ផ្ងារជើងឡើងលើ បណ្តាលឱ្យអ្នកបើកបរម្នាក់ និងអ្នករួមដំណើរ៣នាក់ទៀតរងរបួសស្រាល ។ ហេតុការណ៍នេះបានកើតឡើងកាលពីវេលាម៉ោងជាង១១យប់ ថ្ងៃទី២ ឧសភា នៅលើកំណាត់ផ្លូវជាតិលេខ១ ចំណុចភូមិស្ទឹងស្លូត ឃុំអ្នកលឿង ស្រុកពាមរក៍
ខេត្តព្រៃវែង ៖ រថយន្តម៉ាកហ្វតរ៉េនជឺរ របស់ក្រុមហ៊ុនមួយបានក្រឡាប់ផ្ងារជើងឡើងលើ បណ្តាលឱ្យអ្នកបើកបរម្នាក់ និងអ្នករួមដំណើរ៣នាក់ទៀតរងរបួសស្រាល ។ ហេតុការណ៍នេះបានកើតឡើងកាលពីវេលាម៉ោងជាង១១យប់ ថ្ងៃទី២ ឧសភា នៅលើកំណាត់ផ្លូវជាតិលេខ១ ចំណុចភូមិស្ទឹងស្លូត ឃុំអ្នកលឿង ស្រុកពាមរក៍ ។
រថយន្តដែលបានក្រឡាប់ខាងលើនេះ ពាក់ស្លាកលេខភ្នំពេញ 2K-8146 បើកបរដោយឈ្មោះឈុន ធី ភេទប្រុស អាយុ២៥ឆ្នាំ ជាអ្នកបើករថយន្តឱ្យក្រុមហ៊ុន ។ ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុភ្លៀងធ្លាក់យ៉ាងខ្លាំង ហើយនៅពេលកើតហេតុភ្លៀងពុំទាន់ដាច់គ្រាប់នៅឡើយ។ គេឃើញរថយន្តខាងលើបើកយា៉ងលឿនមកពីទិសខាងលិចឆ្ពោះទៅទិសខាងកើត លុះមកដល់ចំណុចកើតហេតុក៏រេចង្កូតមកខាងឆ្វេងដៃធ្លាក់ជើងទេរ ហើយទៅបុកនឹងគល់ឈើមួយបណ្តាលឱ្យរថយន្តក្រឡាប់ផ្ងារជើងឡើងលើបោកគូទត្រូវបង្គោលរបងលាន់ដូចរន្ទះ ។ ភ្លាមៗគេឃើញអ្នកបើកបរ និងអ្នករួមដំណើរ៣នាក់ទៀត បានលូនចេញពីរថយន្តទាំងព្រលឹងចុងសក់ ។
ហេតុការណ៍គ្រោះថ្នាក់ចរាចរណ៍ខាងលើនេះត្រូវបានមតិសាធារណៈ ពិសេសអ្នកបើកបរយានយន្តតូចធំគ្រប់ប្រភេទរិះគន់ ដោយសារតែការបណ្តែតបណ្តោយឱ្យរថយន្តដឹកដីបើកបរលើផ្លូវកំពប់ដីលើដងផ្លូវមានកម្រាស់ពី៣ទៅ៥សង្ទីម៉ែត្រ ធ្វើឱ្យរអិលពេលមានភ្លៀងធ្លាក់បង្កគ្រោះថ្នាក់ដល់អ្នកបើកបរ និងអ្នកធ្វើដំណើរ ។ ជាក់ស្តែងនៅលើដងផ្លូវជាតិដែលចាក់ក្រាល និងអ៊ុតកៅស៊ូស្អាតល្អ បែរជាមានដីឥដ្ឋក្តាំងនៅលើថ្នល់ ពេលភ្លៀងធ្លាក់រអិលដូចខ្លាញ់បង្កឱ្យមានគ្រោះថ្នាក់កើតឡើងជាយថាហេតុ ដល់អ្នកបើកបរ យានយន្តគ្រប់ប្រភេទ។
ខណៈពេលស្ពានអ្នកលឿងចាប់ផ្តើមសាងសង់មក គេសង្កេតឃើញក្រុមហ៊ុនសម្រុកដឹកដីចាក់តាមបណ្តោយផ្លូវជាតិលេខ១ ហើយបានធ្វើឱ្យកំពប់រាត់រាយពេញផ្លូវជាតិដោយមិនបានគិតពីប្រយោជន៍សាធារណៈ ឬអ្នកធ្វើដំណើរទាំងថ្ងៃ ទាំងយប់ ដែលទទួលរងនូវការហុយ ឬក៏រអិលពេលមានភ្លៀងធ្លាក់ឡើយ។ ទាំងអស់នេះជាដើមចមបង្កឱ្យមានគ្រោះថ្នាក់ចរាចរណ៍កើតឡើងជាញឹកញាប់ និងបានគំរាមកំហែងដល់អាយុជីវិតអ្នកធ្វើដំណើរទៀតផង ។ ក្រោយពេលកើតហេតុគេឃើញលោករស់ វណ្ណា ស្នងការរងទទួលបន្ទុកចរាចរណ៍ទាំងផ្លូវគោក ទាំងផ្លូវទឹក និងលោកម៉ៅ សាម៉េត ប្រធានការិយាល័យចរាចរណ៍ជើងគោក បានមកត្រួតពិនិត្យរថយន្ត និងសម្ភារដែលខូចខាតមានម៉ាស៊ីនភ្លើងចំនួន៣គ្រឿងផងដែរ៕
ចែករំលែកព័តមាននេះ