ADផ្ទាំងផ្សព្វផ្សាយពាណិជ្ជកម្ម

Picture

នគរបាល​ក្រុង​សិរី​សោភ័ណ ឃាត់ខ្លួន​ក្មេង​ស្ទាវ​១១​នាក់ ក្រោយ​កា​.​ប់​គូទំនាស់​របួសធ្ងន់

10 ខែ មុន

ខេត្តបន្ទាយមានជ័យ ៖ ក្មេង​ស្ទាវ​មួយ​ក្រុម គ្រាន់តែ​មាន​ទំនាស់​ពាក្យ​សំដី​នឹង​គ្នា​សោះ មិន​អាច​ដោះស្រាយ​បាន រហូត​ដល់​មាន​គំនុំ ឈាន​ដល់​បបួល​គ្នីគ្នា​ជា​ច្រើន​នាក់ មានកាំបិត ដាវ ដេញ​កាប់​គូទំនាស់…

ខេត្តបន្ទាយមានជ័យ ៖ ក្មេង​ស្ទាវ​មួយ​ក្រុម គ្រាន់តែ​មាន​ទំនាស់​ពាក្យ​សំដី​នឹង​គ្នា​សោះ មិន​អាច​ដោះស្រាយ​បាន រហូត​ដល់​មាន​គំនុំ ឈាន​ដល់​បបួល​គ្នីគ្នា​ជា​ច្រើន​នាក់ មានកាំបិត ដាវ ដេញ​កាប់​គូទំនាស់ ផ្អើល​ពេញ​សង្កាត់​អូរ​អំបិល បណ្តាល​ឲ្យ​ភាគី​ម្ខាង​របួសធ្ងន់​ម្នាក់ ។

ក្រោយ​ពី​កើតហេតុ ត្រូវ​កម្លាំង​អធិកា​ដ្ឋា​ន​នគរបាល​ក្រុង​សិរី​សោភ័ណ ចុះ​ស្រាវជ្រាវ​ឈាន​ឃាត់ខ្លួន​ក្មេង​ស្ទាវ​បាន​១១​នាក់ ។

ករណី​ហិ​.​ង្សា​នេះ កើតឡើង​នៅ​លា​ម៉ោង​៨​យប់​ថ្ងៃ​ទី​២៣ ខែឧសភា ឆ្នាំ​២០២៣ នៅ​ចំណុច​តូប​លក់​ឥ​វ៉ា​ន់​ចាប​ហ៊ួ​យ​១​កន្លែង ស្ថិត​ក្នុងភូមិ​អូរ​អំបិល សង្កាត់​អូរ​អំបិល ក្រុង​សិរី​សោភ័ណ ខេត្តបន្ទាយមានជ័យ ។

តាម​ការ​អះអាង​របស់​ជនសង្ស័យ​ទាំងអស់ បាន​និយាយ​ប្រាប់​សមត្ថកិច្ច​ថា រឿងរ៉ាវ ដែល​ឈាន​ដល់​កាប់​គ្នា​នេះ ផ្តើម​ពី​រឿង​គំនុំ​កន្លង​មក ដោយ​ក្រុម​ខ្លួន មិន​សុខចិត្ត ក៏​បបួល​គ្នីគ្នា​បាន​ចំនួន​១៦​នាក់ ជិះ​ម៉ូតូ​៦​គ្រឿង ចេញ​ធ្វើ​សកម្មភាព​ទាំង​យប់ មាន​ម៉ូតូ​ម៉ាក​ហុងដា​ឌ្រី​ម ៥​គ្រឿង ម៉ាក​ស្កុប​ពី ១​គ្រឿង ជិះ​ដេញ​កា​.​ប់ និង​យក​ដុំ​ថ្ម​គប់​ទៅ​លើ ជន​រង​គ្រោះ ដែល​មាន​គ្នា​៥​នាក់ នៅ​ចំណុច​តូប​លក់​ឥ​វ៉ា​ន់​ចាប​ហ៊ួ​យ​១​កន្លែង ដោយ​កា​.​ប់​គូទំនាស់​ម្នាក់​ត្រូវ​ចំ​ដៃ​ម្ខាង​រង​របួសធ្ងន់ ចំណែក​៤​នាក់​ទៀត គេច​រួចខ្លួន មិន​អស់ចិត្ត ពួក​គេ​បានកា​.​ប់​ម៉ូតូ​ជន​រង​គ្រោះ ខូ​ត​អស់​៣​គ្រឿង​បន្ត​ទៀត ។

ក្រោយ​ពី​កើតហេតុ លោក​ឧត្តមសេនីយ៍ទោ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ បាន​បញ្ជា​ឲ្យ​កម្លាំង​អធិការដ្ឋាន​នគរបាល​ក្រុង​សិរី​សោភ័ណ សហការ​គ្នា​ជាមួយ​កម្លាំង​នគរបាល​ផែនការ​ងារ​ព្រហ្មទណ្ឌ ចុះ​ស្រាវជ្រាវ​តាម​ស្វែងរក​ជន​បង្ក រហូត​ឈាន​ដល់​ឃាត់ខ្លួន​បាន​ចំនួន​១១​នាក់ ក្នុង​ចំណោម​១៦​នាក់ រួម​នឹង​វត្ថុ​តាង រួម​មាន​ម៉ូតូ​៥​គ្រឿង និង​កាំបិត ៣​ដើម នាំ​យក​មក​អធិការ​ក្រុង​សិរី​សោភ័ណ ដើម្បី​ធ្វើ​កំណត់ហេតុ ។

ក្រុម​ជន​ដៃដល់ ទាំង​១១​នាក់ រួម​មាន ៖
១-​ឈ្មោះ ឡ​ន ជី​ឡុ​ង អាយុ​១៦​ឆ្នាំ
២-​ឈ្មោះ ស​ម្ភ​ស្ស ប៊ុ​ន​ហេង អាយុ​១៦​ឆ្នាំ
៣-​ឈ្មោះ ញែ​ប ឡុ​ង​ហេង អាយុ​១៧​ឆ្នាំ (​ជន​ដៃដល់​មានកាំបិត​)
៤-​ឈ្មោះ ពេញ នរៈ​សត្យា អាយុ​១៧​ឆ្នាំ
៥-​ឈ្មោះ ខន រតនា អាយុ​១៦​ឆ្នាំ
៦-​ឈ្មោះ ខន សិរី​ឧត្តម​អាយុ​១៦​ឆ្នាំ
៧-​ឈ្មោះ យាន គា​រ៉ា អាយុ​១៦​ឆ្នាំ
៨-​ឈ្មោះ ធឿ​ន ប៉ូ​លី​ន អាយុ​១៧​ឆ្នាំ
៩-​ឈ្មោះ ប៊ុ​ឡា ផានិត អាយុ​១៥​ឆ្នាំ
១០-​ឈ្មោះ ជូ ប​ញ្ចះ​បញ្ញា អាយុ​១៦​ឆ្នាំ
១១-​ឈ្មោះ ភាព ពី​ន​ធុ​ក អាយុ​១៥​ឆ្នាំ ។

ជនសង្ស័យ​ទាំង​១១​នាក់ រស់នៅ​ក្នុង​ក្រុង​សិរី​សោភ័ណ ។ ចំណែក​ជន​រង​គ្រោះ​មានឈ្មោះ សមុទ្យ ភេទ​ប្រុស ត្រូវ​គេ​កាប់​ចំ​ដៃ​ឆ្វេង ត្រូវ​បាន​បញ្ជូន​ទៅ​ព្យាបាល​នៅ​មន្ទីរពេទ្យ​មិត្ដភាព​កម្ពុជា​-​ជប៉ុន​ស្រុក​មង្គល​បូ​រី ។

បច្ចុប្បន្ន​ជន​ដៃដល់​ទាំង​១១​នាក់ បាន​បញ្ជូន​ទៅ​ស្នងការដ្ឋាន​នគរបាល​ខេត្ត ដើម្បី​ចាត់ការ​បន្ត​តាម​និ​តិ​វិធិ ។​ចំណែកឯ​បក្ខពួក ៥​នាក់​ទៀត ដែល​កំពុង​រត់គេច​ខ្លួន​នោះ កម្លាំង​នគរបាល​ក្រុង​សិរី​សោភ័ណ កំពុង​ស្រាវជ្រាវ​តាម​ចាប់ខ្លួន នាំ​យក​មក​ផ្តន្ទាទោស ផង​ដែរ ៕

អត្ថបទសរសេរ ដោយ

កែសម្រួលដោយ