សាងសង់ស្ពានបេតុង១ខ្សែ ឆ្លងកាត់ព្រែកកំពង់ក្រញូង ក្នុងស្រុកព្រៃនប់
- ព្រះសីហនុ
ខេត្តព្រះសីហនុ ៖ ប្រជាពលរដ្ឋដែលមានផ្ទៃដីធ្វើស្រែប្រមាណជាង១ពាន់ហិកតា នៅចំណុចកំពង់ក្រ
ខេត្តព្រះសីហនុ ៖ ប្រជាពលរដ្ឋដែលមានផ្ទៃដីធ្វើស្រែប្រមាណជាង១ពាន់ហិកតា នៅចំណុចកំពង់ក្រ
ខេត្តព្រះសីហនុ ៖ ប្រជាពលរដ្ឋដែលមានផ្ទៃដីធ្វើស្រែប្រមាណជាង១ពាន់ហិកតា នៅចំណុចកំពង់ក្រញូងស្ថិតក្នុងភូមិព្រែកក្រាញ់ ឃុំសាមគ្គី ស្រុកព្រៃនប់ ខេត្តព្រះសីហនុ បានសម្ដែងការសប្បាយចិត្តត្រេកអរ ដោយបានទទួលនូវសមិទ្ធិផលថ្មីមួយដែលពួកគាត់ទន្ទឹងរង់ចាំជាយូរណាស់មកហើយ នោះ ជាស្ពានបេតុងមួយខ្សែ ដែលជាអំណោយដ៏ថ្លៃថ្លារបស់ឯកឧត្តមសាយ សំអាល់ រដ្ឋមន្ត្រីក្រសួងបរិស្ថាននិងជាប្រធានក្រុមការងារថ្នាក់ជាតិ ចុះមូលដ្ឋានខេត្តព្រះសីហនុ ។
តាមមន្ត្រីមូលដ្ឋានឃុំសាមគ្គី បានឲ្យដឹងនៅព្រឹកថ្ងៃទី ២៥ ឧសភា ២០២៣ នេះថា ស្ពានបេតុង១ខ្សែ មានបណ្ដោយប្រវែង៣៦ម៉ែត្រ ទទឹង៣,៦០ម៉ែត្រ ឆ្លងកាត់ព្រែកកំពង់ក្រញូង ស្ថិតក្នុងភូមិព្រែកក្រាញ់ឃុំសាមគ្គីស្រុកព្រៃនប់ ត្រូវបានចាប់ផ្ដើមដំណើរការសាងសង់ហើយ ដែលបើតាមអាជ្ញាធរបញ្ជាក់ថា ស្ពាននេះជាការឧបត្ថម្ភ ពីលោកសាយ សំអាល់ រដ្ឋមន្ត្រីក្រសួងបរិស្ថាន ដែលចំណាយថវិកាអស់ប្រជាជាង៤ម៉ឺនដុល្លារ ហើយស្ពាននេះ បម្រើឱ្យប្រជាពលរដ្ឋប្រើប្រាស់ដឹកកសិផលលើផ្ទៃដីស្រែជាង១ពាន់ហិកតា ស្ថិតនៅឃុំសាមគ្គី ស្រុកព្រៃនប់ ខេត្តព្រះសីហនុ។
តាមប្រភពពីអាជ្ញាធរបានបន្ថែមថា ពីមុនចំណុចនេះដើម្បីឆ្លងព្រែកនេះបាន អាជ្ញាធរមូលដ្ឋានមានការចូលរួមពីប្រជាពលរដ្ឋបានរៀបចំកសាងជាស្ពានឈើមួយតូចល្មមសម្រាប់ឆ្លងទៅមកពីសំណាក់ប្រជាពលរដ្ឋដែលមានទីលំនៅចំណុចនោះនិងដឹកកសិផលដំណាំស្រូវផងដែរ ។
បន្ទាប់ពីការសាងសង់ហើយប្រើប្រាស់ស្ពានមានសភាពចាស់ទ្រុឌទ្រោម ទោះបីជាមានការជួសជុលជាបន្តបន្ទាប់យ៉ាងណា ក៏មិនអាចទប់ទល់និងការប្រើប្រាស់បាន ធ្វើឲ្យស្ពានឈើនេះបាក់បែកឈានដល់ដំណាក់កាលមិនអាចឆ្លងដឹកកសិផលទៅមករួចឡើយ ។
ដោយសារស្ថានភាពបែបនេះហើយក៏ជាតម្រូវការចាំបាច់របស់ប្រជាពលរដ្ឋ ក្រុមការងារថ្នាក់ជាតិចុះមូលដ្ឋានខេត្តព្រះសីហនុ តាមរយៈមន្ត្រីមូលដ្ឋានក៏ចាប់ផ្ដើមស្ថាបនាជាស្ពានបេតុងជំនួសស្ពានឈើបាក់បែកនេះ ដើម្បីបំពេញតម្រូវការរបស់បងប្អូនប្រជាពលរដ្ឋ ហើយក៏ជាការទន្ទឹងរង់ចាំអស់ជាច្រើនឆ្នាំមកហើយដែរ។
នេះអាចនិយាយបានថាជាសមិទ្ធផលថ្មីមួយដែលកំពុងអភិវឌ្ឍនៅតំបន់មួយដែលប្រជាពលរដ្ឋត្រូវការយ៉ាងចាំបាច់បំផុត ៕
ចែករំលែកព័តមាននេះ