រុស្ស៊ីអះអាងពីការកម្ទេចក្រុមជនប្រដាប់អាវុ.ធលុកលុយចូលដែនដីខ្លួន
សង្គ្រាមអ៊ុយក្រែន ៖ តាមសេចក្ដីថ្លែងការណ៍នានារបស់រុស្ស៊ីកាលពី ថ្ងៃទី២៣ ឧសភាថា ការ
សង្គ្រាមអ៊ុយក្រែន ៖ តាមសេចក្ដីថ្លែងការណ៍នានារបស់រុស្ស៊ីកាលពី ថ្ងៃទី២៣ ឧសភាថា ការ
លុកលុយប្រដាប់អាវុធដ៏ធំចូលដែនដីរុស្ស៊ី ពុំធ្លាប់មានតាំងពីចាប់ផ្ដើមការលុកលុយចូលអ៊ុយក្រែន
មកត្រូវបានបញ្ឈប់ ។ ក្រុងមូស្គូគូសបញ្ជាក់ថា បានកម្ទេច ការលុកលុយនោះរបស់យុទ្ធជនដែលជ្រៀតចូលក្នុងតំបន់បែលហ្គោរ៉ូដជាប់ព្រំដែនអ៊ុយក្រែនពីថ្ងៃទី២២ ឧសភាមក ដោយប្រើកងយន្តហោះនិងកាំភ្លើងធំ ។
ក្រសួងការពារប្រទេសរុស្ស៊ីក្នុងសេចក្ដី ប្រកាសមួយនិយាយថា ក្រុមជាតិនិយមទាំងនេះបានត្រូវឡោមព័ទ្ធនិងកម្ទេច ។ ក្រុមជាតិនិយមនោះចង់និយាយសំដៅលើពួកយុទ្ធជនមកពីអ៊ុយក្រែន ។ សេចក្ដីប្រកាសបន្តថា ពួកជាតិនិយមនៅសល់ពីស្លា.ប់ បានត្រូវរុញច្រានឲ្យរត់ចូលដែនដីអ៊ុយក្រែនវិញ ដោយការវា.យប្រហារពួកគេកំពុងបន្ត រហូតដល់កម្ទេចពួកនេះអស់ទាំងស្រុង ។ ក្រសួងការពារប្រទេសរុស្ស៊ីអះអាងពីការសម្លា.ប់ពួកភេរវករអ៊ុយក្រែនទាំងនេះដល់ជាង៧០នាក់។
ចាប់តាំងពីច្រើនសប្ដាហ៍មកហើយ ការលុកលុយចូលដែនដីរុស្ស៊ី ក្នុងតំបន់បែលហ្គោរ៉ូដមានការកើនឡើង ។ ប្រតិបត្តិការកាលពីថ្ងៃទី២២ ឧសភា ចូលរួមដោយរថពាសដែកកងយន្តហោះ និងកាំភ្លើ.ងធំ ។ ភាពលម្អិតនៅតែមិនច្បាស់លាស់ ព្រោះពុំមានការអះអាងពីប្រភពឯករាជ្យ ។ តាមអភិបាលតំបន់បែលហ្គោរ៉ូដថា មូលដ្ឋានជាច្រើនរងការបា.ញ់ផ្លោង និងទម្លាក់គ្រាប់បែក ហើយជនស៊ីវិលយ៉ាងតិច១២នាក់រងរបួស ។
ជាការឆ្លើយតបចំពោះការលុកលុយនោះរុស្ស៊ីនាថ្ងៃទី២២ ឧសភា បានបង្កើតរបបប្រឆាំងភេរវកម្មមួយក្នុងតំបន់បែលហ្គោរ៉ូដទាំងមូល តែត្រូវបានលុបចោលវិញនាថ្ងៃទី២៣ ឧសភា។
វិធានការនោះផ្ដល់អំណាចខ្លាំងដល់កងកម្លាំងសន្តិសុខ ។ រុស្ស៊ីចោទប្រកាន់អ៊ុយក្រែនថានៅពីក្រោយការវាយប្រហារនេះ តែអាជ្ញាធរក្រុងគៀវបានបដិសេធទាំងស្រុង ។ លោកស្រីហ្គាណាម៉ាលីយ៉ាអនុរដ្ឋមន្ត្រីការពារប្រទេសអ៊ុយក្រែនលើកឡើងថា យើងមិនបានធ្វើសង្គ្រាមលើដែនដីបរទេសឡើយនិងថា នោះជាវិបត្តិផ្ទៃក្នុងរបស់រុស្ស៊ី ។
ការវាយប្រហារនៅតំបន់ក្រុងបែលហ្គោរ៉ូដត្រូវបានអះអាងតាមតេឡេក្រាមថា ជាស្នាដៃរបស់ក្រុមមានឈ្មោះថា កងកម្លាំងសេរីភាពសម្រាប់រុស្ស៊ី ជាក្រុមពួករុស្ស៊ីចូលរួមប្រយុទ្ធនៅខាងអ៊ុយក្រែន ដែលធ្លាប់អះអាងរួចហើយ ថាក្រុមគេជាប្រភពនៃការលុកលុយលើកមុនៗក្នុងតំបន់បែលហ្គោរ៉ូដនោះ ៕
ចែករំលែកព័តមាននេះ