ខេត្តស្ទឹងត្រែង ៖ ពលរដ្ឋខ្មែររស់នៅស្រុកសៀមប៉ាង ចំនួន២នាក់ក្នុងចំណោមជាង៣០នាក់ត្រូវទាហានឡាវ ស្រុកប៉ាត់តុផន ខេត្តចំប៉ា សាក់ចាប់ខ្លួន និងអ្នកឯទៀតបានរត់ចូលមកដីខ្មែរវិញ ក្រោយពេលពលរដ្ឋទាំងជាង៣០នាក់នោះបានលួចចូលទៅក្នុងទឹកដីរបស់ឡាវដែលទំនងប៉ុនប៉ងលួចកា.ប់ឈើប្រណីត
ខេត្តស្ទឹងត្រែង ៖ ពលរដ្ឋខ្មែររស់នៅស្រុកសៀមប៉ាង ចំនួន២នាក់ក្នុងចំណោមជាង៣០នាក់ត្រូវទាហានឡាវ ស្រុកប៉ាត់តុផន ខេត្តចំប៉ា សាក់ចាប់ខ្លួន និងអ្នកឯទៀតបានរត់ចូលមកដីខ្មែរវិញ ក្រោយពេលពលរដ្ឋទាំងជាង៣០នាក់នោះបានលួចចូលទៅក្នុងទឹកដីរបស់ឡាវដែលទំនងប៉ុនប៉ងលួចកាប់ឈើប្រណីត ។
តាមប្រភពព័ត៌មានថា ការឃាត់ខ្លួនពលរដ្ឋខ្មែរទាំងពីរនាក់ក្នុងចំណោមជាង៣០នាក់នេះ កាលពីថ្ងៃទី៣០ មេសា ស្ថិតក្នុងស្រុកប៉ាត់តុផន ខេត្តចំប៉ាសាក់ប្រទេសឡាវ ដែលមានចម្ងាយ២.៥០០ម៉ែត្រ ពីចន្លោះបង្គោលព្រំដែនលេខ៦៥ ។ ពលរដ្ឋខ្មែរដែលត្រូវទាហានឡាវចាប់ខ្លួននេះម្នាក់ឈ្មោះសឿម ភេទប្រុស អាយុ២១ឆ្នាំ និងម្នាក់ទៀតឈ្មោះប៉ាត់ តែង អាយុ២៨ឆ្នាំ ភេទប្រុស រស់នៅភូមិថ្មលាត ឃុំ ព្រែកមាស ស្រុកសៀមប៉ាង ។ ពួកគេនាំគ្នាចូលទៅក្នុងទឹកដីឡាវសង្ស័យរកកាប់ឈើគ្រញូងខុសច្បាប់ត្រូវទាហានឡាវការពារព្រំដែន ស្រុកប៉ាក់តុផន ខេត្តចំប៉ាសាក់ ចាប់ខ្លួនបាន២នាក់ រីឯអ្នកដទៃទៀតបានរត់គេចខ្លួន ។ តាមប្រភពថា យោងតាមសេចក្តីរាយការណ៍ពីភាគីឡាវកម្លាំងការពារព្រំដែនកម្ពុជាបានទៅដល់កន្លែងកើតហេតុហើយឱ្យពលរដ្ឋដែលរត់គេចខ្លួនចូលមកភូមិសាស្ត្រដីខ្មែរវិញ ។
លោកស៊ុន បាន ប្រធានវរការពារព្រំដែន កម្ពុជា-ឡាវឱ្យដឹងថា ករណីទាហានឡាវចាប់ខ្លួនពលរដ្ឋខ្មែរពីរនាក់ក្នុងចំណោមជាង៣០នាក់នេះ លោកបានធ្វើរបាយការណ៍ជូនទៅស្នងការដ្ឋានខេត្តរួចហើយ ។ លោកស៊ី សួន អភិបាលស្រុកសៀមប៉ាងឱ្យកោះសន្តិភាពដឹងថា នៅព្រឹកថ្ងៃទី៣ ឧសភា លោកបានទាក់ទងទៅលោកអភិបាលស្រុកប៉ាត់ តុផន ដែរ តែនៅពុំទាន់ផ្តល់ព័ត៌មានមកវិញនៅឡើយទេ ជុំវិញការចាប់ខ្លួននោះ ៕
ចែករំលែកព័តមាននេះ