ដ្រូនពិឃា.តគឺជាការគំរា.មកំហែងដ៏ធំ សម្រាប់ព្រឹត្តិការណ៍កីឡាអូឡាំពិកឆ្នាំ២០២៤
បារាំង ៖ ប្រទេសបារាំងនឹងដាក់ពង្រាយកងសន្តិសុខ និងយោធាចំនួន ៣៥,០០០នាក់ ដើម្បីការពារ
បារាំង ៖ ប្រទេសបារាំងនឹងដាក់ពង្រាយកងសន្តិសុខ និងយោធាចំនួន ៣៥,០០០នាក់ ដើម្បីការពារពិធីបើកព្រឹត្តិការណ៍កីឡាអូឡាំពិកទីក្រុងប៉ារីសឆ្នាំ ២០២៤ ពីការគំរា.មកំហែងនានា ក្នុងនោះរួមទាំងការវា.យប្រហារដោយយន្តហោះគ្មានមនុស្សបើក ដែលយើងស្គាល់ថា «ដ្រូន» ផងដែរ។
ពិធីបើកកីឡាអូឡាំពិកឆ្នាំ ២០២៤ នឹងប្រព្រឹត្តទៅនៅតាមបណ្តោយដងទន្លេ Seine ដែលមានប្រវែង៦គីឡូម៉ែត្រ ដោយមានទូកចំនួន ១៦០គ្រឿង រួមជាមួយអត្តពលិក និងមន្ត្រីមកពីជាង ២០០ប្រទេសចូលរួម ខណៈដែលហ្វូងមនុស្សប្រមាណជាង ៦០ម៉ឺននាក់ត្រូវបានគេរំពឹងថានឹងតម្រង់ជួរតាមដងផ្លូវ។
រដ្ឋមន្ត្រីក្រសួងមហាផ្ទៃបារាំង លោក Gerald Darmanin បានថ្លែងថា «ដ្រូនតំណាងឱ្យការគំរាមកំហែងថ្មីទាំងស្រុងនៃពិធីដ៏សំខាន់របស់យើង។ យើងបានធ្វើការងារជាច្រើនលើការគំរា.មកំហែងបែបវិធីចាស់ មិនថា ជនពាល មិនថា ជនប្រដាប់អាវុ.ធ ឬគ្រាប់បែក។ យើងដឹងពីរបៀបស្វែងរក និងប្រយុទ្ធប្រឆាំងនឹងការគំរា.មកំហែងអស់ទាំងនេះ។ ប៉ុន្តែការមកដល់របស់ដ្រូន ដែលផ្ទុកដោយគ្រឿងផ្ទុះ គឺជាប្រតិបត្តិការស៊ីវិលជំនាន់ថ្មី ដែលត្រូវប្រុងប្រយ័ត្នខ្ពស់។ វាមិនប្រាកដថា ការគំរា.មកំហែងនេះ នឹងលេចចេញជារូបរាងនោះទេ ប៉ុន្តែវាពិបាកបំផុតក្នុងការបញ្ឈប់»។
សូមជម្រាបថា ព្រឹត្តិការណ៍កីឡាអូឡាំពិកទីក្រុងប៉ារីសឆ្នាំ ២០២៤ នឹងដំណើរចាប់ពីថ្ងៃទី២៦ ខែកក្កដា រហូតដល់ថ្ងៃទី១១ ខែសីហា ដោយមានអត្តពលិកប្រមាណជាង ១០,៥០០នាក់ចូលរួមធ្វើការប្រកួតប្រជែងលើកីឡាចំនួន ៣២ប្រភេទ៕ (ដកស្រង់ចេញពី BBC)
ចែករំលែកព័តមាននេះ