រាជធានីភ្នំពេញ ៖ តាមរយៈការដាក់ទណ្ឌកម្មចំពោះសង្គ្រាមរុស្ស៊ី- អ៊ុយក្រែនបានធ្វើឲ្យសេដ្ឋកិច្ចពិភពលោកធ្លាក់ចុះយ៉ាងខ្លាំងមិនថា ប្រទេសអ្នកដាក់ទណ្ឌកម្មគេ ឬប្រទេសរងទណ្ឌកម្ម ឬប្រទេសផ្សេងៗ ។ នេះបើតាមការបញ្ជាក់របស់នាយករដ្ឋមន្ត្រីកម្ពុជា ។…
រាជធានីភ្នំពេញ ៖ តាមរយៈការដាក់ទណ្ឌកម្មចំពោះសង្គ្រាមរុស្ស៊ី- អ៊ុយក្រែនបានធ្វើឲ្យសេដ្ឋកិច្ចពិភពលោកធ្លាក់ចុះយ៉ាងខ្លាំងមិនថា ប្រទេសអ្នកដាក់ទណ្ឌកម្មគេ ឬប្រទេសរងទណ្ឌកម្ម ឬប្រទេសផ្សេងៗ ។ នេះបើតាមការបញ្ជាក់របស់នាយករដ្ឋមន្ត្រីកម្ពុជា ។
សម្តេចតេជោ បានលើកឡើងក្នុងឱកាសដែលសម្ភោធជាផ្លូវការ អគារមជ្ឈមណ្ឌល ពហុឯកទេស«អគារតេជោអភិវឌ្ឍន៍»នៅមន្ទីរពេទ្យកាល់ម៉ែត ចំណាយតម្លៃជាង៧០លានដុល្លារ នាព្រឹកថ្ងៃទី២៣ ខែឧសភា ឆ្នាំ២០២៣ បានគូសបញ្ជាក់ថា ការដាក់ទណ្ឌកម្មចំពោះសង្គ្រាមរុស្ស៊ី – អ៊ុយក្រែនហួសហេតុធ្វើឲ្យប៉ះពាល់ដល់សេដ្ឋកិច្ចពិភពលោកធ្លាក់ចុះយ៉ាងខ្លាំង ។
សម្តេចបានបញ្ជាក់ថា៖«ដាក់ទណ្ឌកម្មវាបង្កើតឲ្យមានបញ្ហាមិនមែនអ្នកស្លា.ប់ គឺប្រទេសជាប់ទណ្ឌកម្មឯណា គឺប្រទេសអ្នកទណ្ឌកម្មចំពោះគេក៏ស្លា.ប់ដែរ និងប៉ះពាល់ខ្លួនឯង ហើយយើងអត់ដឹងអីក៏ប៉ះពាល់ដែរ» ។
សម្តេចបានបន្តថា បច្ចុប្បន្ននេះ កូវីដបានបំផ្លាញសេដ្ឋកិច្ច ប៉ុន្តែអ្វីដែលសំខាន់ជាងគេ គឺបញ្ហាសង្គ្រាមរុស្ស៊ី-អ៊ុយក្រែន ជាមួយទណ្ឌកម្មហួសកម្រិត ដែលធ្វើឲ្យសេដ្ឋកិច្ចពិភពលោកធ្លាក់ចុះ ។ ទណ្ឌកម្មវាបានបង្កើតបញ្ហាមិនមែនប្រទេសអ្នកដាក់គេទេ សូម្បីអ្នកដាក់ទណ្ឌកម្មគេក៏ពាក់ព័ន្ធដែរ ហើយយើងមិនដឹងអីក៏ប៉ះពាល់ដែរ» ។
សម្តេចតេជោ ក៏បានលើកឧទាហរណ៍ ៖ ពីប្រទេសកូរ៉េខាងជើងថាក្រុមប្រឹក្សាសន្តិសុខអង្គការសហប្រជាតិបានដាក់ទណ្ឌកម្ម អីញ្ចឹងទេយើងត្រូវអនុវត្តជាកាព្វកិច្ចរបស់យើងចំពោះកូរ៉េខាងជើង គឺក្រុមហ៊ុន កូរ៉េខាងជើងទាំងអស់ត្រូវចាកចេញពីកម្ពុជាទាំងសារមន្ទីរ ភោជនីយដ្ឋាន ពលរដ្ឋ គ្រូកីឡាកូរ៉េត្រូវចាកចេញដែរ ។
សម្តេចបានបន្ថែមថា ការដាក់ទណ្ឌកម្មនៅពេលដាក់ទៅមិនត្រូវតែប្រទេសដែលគេដាក់នោះទេ គឺវាត្រូវប្រទេសទាំងអស់គ្នា ។ អីញ្ចឹងបានជាសេដ្ឋកិច្ចមិនទាន់ល្អទេ ប៉ុន្តែកម្ពុជាត្រូវធ្វើសេដ្ឋកិច្ចឲ្យល្អប្រសើរជាមួយនឹងការជំរុញកំណើនសេដ្ឋកិច្ចឡើងវិញតាមវិធានការនានា៕
ចែករំលែកព័តមាននេះ