រាជធានីភ្នំពេញ ៖ រថយន្តមួយគ្រឿងម៉ាកនីស្សាន់បានបោលទៅបុកបង្គោលភ្លើងទាំងកណ្តាលថ្ងៃចែស បង្កឱ្យមានការភ្ញាក់ផ្អើលដល់អ្នកដំណើរកាលពីវេលាម៉ោង២និង៣០នាទីថ្ងៃទី៣ ឧសភា ២០១១ នៅចំណុចផ្លូវលេខ២០០៤ ទល់មុខសាលាអន្តរជាតិ CIA ស្ថិតក្នុងសង្កាត់ទឹកថ្លា ខណ្ឌសែនសុខ
រាជធានីភ្នំពេញ ៖ រថយន្តមួយគ្រឿងម៉ាកនីស្សាន់បានបោលទៅបុកបង្គោលភ្លើងទាំងកណ្តាលថ្ងៃចែស បង្កឱ្យមានការភ្ញាក់ផ្អើលដល់អ្នកដំណើរកាលពីវេលាម៉ោង២និង៣០នាទីថ្ងៃទី៣ ឧសភា ២០១១ នៅចំណុចផ្លូវលេខ២០០៤ ទល់មុខសាលាអន្តរជាតិ CIA ស្ថិតក្នុងសង្កាត់ទឹកថ្លា ខណ្ឌសែនសុខ ។ អ្នកបើកបរ និងជាម្ចាស់រថយន្តឈ្មោះឡៅ គឹមសុង អាយុ៥៦ឆ្នាំ ស្នាក់នៅផ្ទះលេខ២២៦ ក្រុម៤ សង្កាត់ទំនប់ទឹក ខណ្ឌចំការមន ។
បើតាមសម្តីរបស់ប៉ូលិសចរាចរជើងគោកនៃខណ្ឌសែនសុខ បានឱ្យដឹងថា រថយន្តមួយគ្រឿងនេះម៉ាកនីស្សាន់ ពណ៌ស ពាក់ស្លាកលេខ ខ-៦៦៤១ ភព២ បើកបរពីកើតទៅលិច ក្នុងល្បឿនលឿនហើយពេលកំពុងធ្វើដំណើរអ្នកបើកបរបានងាកមើលក្រោយស្រាប់តែបែរមកមុខវិញក៏ឃើញរថយន្តមួយទៀតនៅចំពីមុខ ក៏កាច់ចង្កូតគេចរថយន្តនោះ បណ្តាលឱ្យជ្រុលទៅបុកបង្គោលភ្លើង ពេញទំហឹងជ្រុះអំពូលភ្លើងធ្លាក់មកលើថ្នល់ ឯរថយន្តដែលបង្កក៏ទៅមុខមិនរួចទៅក្រោយមិនរួច ព្រោះក្រពឹតមុខខ្ទេច និងខូចម៉ាស៊ីន តែអ្នកបើកបរមិនមានរងរបួសអ្វីទេ ៕
ចែករំលែកព័តមាននេះ