ខេត្តបន្ទាយមានជ័យ ៖ កាលពីវេលាម៉ោង៦និង៥០នាទីល្ងាច ថ្ងៃទី១ ឧសភា នៅលើផ្លូវជាតិលេខ៦ ចន្លោះបង្គោលភ្លើងលេខ០២២៨-០២២៩ ចំណុចអារ៉ាក់បាក់កចម្ងាយប្រមាណ២.០០០ម៉ែត្រ ពីភូមិឈ្នួរមានជ័យ ឃុំឈ្នួរមានជ័យ ស្រុកព្រះនេត្រព្រះ មានគ្រោះថ្នាក់ចរាចរណ៍មួយដោយម៉ូតូបើកទៅបុករថយន្តពីក្រោយបណ្តាលអ្នកបើកបររងរបួសធ្ងន់
ខេត្តបន្ទាយមានជ័យ ៖ កាលពីវេលាម៉ោង៦និង៥០នាទីល្ងាច ថ្ងៃទី១ ឧសភា នៅលើផ្លូវជាតិលេខ៦ ចន្លោះបង្គោលភ្លើងលេខ០២២៨-០២២៩ ចំណុចអារ៉ាក់បាក់កចម្ងាយប្រមាណ២.០០០ម៉ែត្រ ពីភូមិឈ្នួរមានជ័យ ឃុំឈ្នួរមានជ័យ ស្រុកព្រះនេត្រព្រះ មានគ្រោះថ្នាក់ចរាចរណ៍មួយដោយម៉ូតូបើកទៅបុករថយន្តពីក្រោយបណ្តាលអ្នកបើកបររងរបួសធ្ងន់ ឯម៉ូតូខូចខាតផ្នែកខាងមុខទាំងស្រុង ។
លោកអនុសេនីយ៍ឯក កែវ ប៊ុនយឿន អធិការនគរបាលស្រុកព្រះនេត្រព្រះ បានឱ្យដឹងថា ជនរងគ្រោះក្នុងឧបទ្ទវហេតុខាងលើឈ្មោះពាង គឹមលាង ភេទប្រុស អាយុ២៨ឆ្នាំ នៅភូមិភ្នំបាក់ សង្កាត់ទឹកថ្លា ក្រុងសិរីសោភ័ណ បើកបរម៉ូតូម៉ាកហុងដា C125 ពណ៌ខ្មៅ ស៊េរីឆ្នាំ២០០៧ ពាក់ស្លាកលេខបន្ទាយមានជ័យ 1B-8272 បើកក្នុងទិសដៅពីលិចទៅកើត ។ ពេលដល់ចំណុចខាងលើបានបុករថយន្តម៉ាកហ៊ីណូ ពណ៌ស ពាក់ស្លាកលេខតាកែវ 3A-0426 ដែលបែកកង់ឈប់ចតលើទ្រូងផ្លូវខាងស្តាំដៃគ្មានដាក់សញ្ញា បណ្តាលឱ្យអ្នកបើកបរម៉ូតូរងរបួសធ្ងន់ត្រូវបានបញ្ជូនទៅព្យាបាលនៅមន្ទីរពេទ្យ ។
លោកអធិការនគរបាលស្រុកបានបញ្ជាក់ថា អ្នកបើកបររថយន្តបន្ទាប់ពីមានហេតុការណ៍គ្រោះថ្នាក់នេះក៏បានរត់គេចខ្លួនបាត់ ហើយទាំងរថយន្តនិងម៉ូតូត្រូវបានកម្លាំងជំនាញយកមករក្សាទុកនៅអធិការដ្ឋាននគរបាលស្រុកព្រះនេត្រព្រះ ដើម្បីរង់ចាំធ្វើការដោះស្រាយ៕
ចែករំលែកព័តមាននេះ