ទូរទស្សន៍ក្នុងស្រុករាយការណ៍ថា មនុស្សយ៉ាងតិច៤នាក់ ក្នុងនោះមានកុមារ៣នាក់ និងនារីម្នាក់បានត្រូវស្លា.ប់ ហើយមនុស្ស១១នាក់ទៀតត្រូវរបួសក្នុងការផ្ទុះមួយដែលកំទេចកាលពី រសៀលថ្ងៃទី២ ឧសភា នូវព្រះវិហារអ៊ិស្លាមមួយស្ថិតនៅភាគពាយ័ព្យប៉ាគីស្ថាន។ យោងតាមទូរទស្សន៍ GEO NEWS ថា ការផ្ទុះនៅចិញ្ចើមថ្នល់ជិតព្រះវិហារនោះស្ថិតនៅក្បែរប៉ុស្តិ៍ ប៉ូលិសក្រុង
ទូរទស្សន៍ក្នុងស្រុករាយការណ៍ថា មនុស្សយ៉ាងតិច៤នាក់ ក្នុងនោះមានកុមារ៣នាក់ និងនារីម្នាក់បានត្រូវស្លាប់ ហើយមនុស្ស១១នាក់ទៀតត្រូវរបួសក្នុងការផ្ទុះមួយដែលកំទេចកាលពីរសៀលថ្ងៃទី២ ឧសភា នូវព្រះវិហារអ៊ិស្លាមមួយស្ថិតនៅភាគពាយ័ព្យប៉ាគីស្ថាន។ យោងតាមទូរទស្សន៍ GEO NEWS ថា ការផ្ទុះនៅចិញ្ចើមថ្នល់ជិតព្រះវិហារនោះស្ថិតនៅក្បែរប៉ុស្តិ៍ប៉ូលិសក្រុង CHARSADDA ជាទីក្រុងមួយស្ថិតនៅចម្ងាយប្រមាណជា៤០គីឡូម៉ែត្រខាងជើងក្រុងប៉េសាវ៉ាបណ្តាលឱ្យប៉ូលិសពី៦ទៅ៧នាក់ត្រូវរបួស ក្នុងនោះមួយចំនួនរបួសធ្ងន់។ ព្រះវិហារនោះត្រូវរងការខូចខាតក្នុងការផ្ទុះនេះ ចំណែកជញ្ជាំងរបស់ប៉ុស្តិ៍ប៉ូលិសនៅជិតខាងក៏រងការខូចខាតធ្ងន់ធ្ងរដែរ។
សន្តិសុខក្នុងតំបន់នេះត្រូវបានពង្រឹង ពេលទទួលបានព័ត៌មានពីការស្លាប់របស់អូសាម៉ា ប៊ីនឡាដេន។ យោងតាមម៉ាស៊ីនឃោសនាក្នុងស្រុកថា ពួកតាលីបង់មានទំនាក់ទំនងជាមួយអាល់កៃដាបានសច្ចាធ្វើការវាយប្រហារអត្តឃាតនានាក្នុងប្រទេសប៉ាគីស្ថាន ៕
ចែករំលែកព័តមាននេះ