គេកម្រឃើញប្រធានាធិបតីអាមេរិកមួយរូបទទួលបានកា ដូបែបនេះមួយឆ្នាំមុនការបោះឆ្នោតណាស់ ។ សម្រាប់កាសែតអង់គ្លេស GUAR-DIAN ក៏ដូចជាកាសែតអង់គ្លេសដទៃៗទៀតដែរនិយាយថា ប្រាកដណាស់ ការស្លា.ប់របស់អូសាម៉ា ប៊ីនឡាដេន គឺជាដំណឹងល្អថ្មីមួយ សម្រាប់អាមេរិក និងសម្រាប់លោកបារ៉ាក់ អូបាម៉ា ។ ប្រាកដជាដំណឹងប្រសើរបំផុតសម្រាប់លោកអូបាម៉ា ។
គេកម្រឃើញប្រធានាធិបតីអាមេរិកមួយរូបទទួលបានកាដូបែបនេះមួយឆ្នាំមុនការបោះឆ្នោតណាស់ ។ សម្រាប់កាសែតអង់គ្លេស GUAR-DIAN ក៏ដូចជាកាសែតអង់គ្លេសដទៃៗទៀតដែរនិយាយថា ប្រាកដណាស់ ការស្លាប់របស់អូសាម៉ា ប៊ីនឡាដេន គឺជាដំណឹងល្អថ្មីមួយ សម្រាប់អាមេរិក និងសម្រាប់លោកបារ៉ាក់ អូបាម៉ា ។ ប្រាកដជាដំណឹងប្រសើរបំផុតសម្រាប់លោកអូបាម៉ា ។
សម្រាប់កាសែតជាច្រើនគូសបញ្ជាក់ថា ជោគជ័យនេះសម្រេចបានក្នុងពេលដែលលោកអូបាម៉ាកំពុងមានប្រជាប្រិយភាពធ្លាក់ចុះខ្លាំងយោងតាមការស្ទាបស្ទង់មតិទាំងឡាយ ។ មានម៉ាស៊ីនឃោសនាខ្លះទៀតយល់ថា ការសម្រេចឱ្យមានការវាយប្រហារនោះគឺជាការប្រថុយប្រថានមួយសម្រាប់លោកអូបាម៉ា ព្រោះពុំមានភាពប្រាកដប្រជាថា ប៊ីនឡាដេន ពិតជាស្ថិតនៅក្នុងនិរវេសនដ្ឋាននោះ ហើយក៏គ្មានការធានាថា កងកុំម៉ង់ដូដែលទទួលបញ្ជាឱ្យធ្វើប្រតិបត្តិការពុំរងនូវវាសនាដូចជាទាហាន៨នាក់ ដែលស្លាប់កាលពី៣០ឆ្នាំមុនក្នុងការប៉ុនប៉ងរបស់លោក JIMMY CARTER ក្នុងការរំដោះចំណាប់ខ្មាំងអាេមរិកនៅអីុរ៉ង់ ។
ព័ត៌មានដំបូងៗអំពីប៊ីនឡាដេនដែលទីបំផុតឈានទៅដល់ប្រតិបត្តិការរបស់អាេមរិកនៅបា៉គីស្ថានត្រូវបានទទួលក្នុងពេលសួរចម្លើយក្នុងពន្ធនាគារសំងាត់ទាំងឡាយរបស់ CIA ។ យោងតាមបណ្តាអតីត និងអ្នកទទួលខុសត្រូវបច្ចុប្បន្នរបស់អាេមរិកថា ជនឈ្មោះខាលីដ ស៊ិកម៉ូហាម៉េដ មេគំនិតនៃការវាយប្រហារភេរវកម្មថ្ងៃទី១១ កញ្ញា បានផ្តល់ឈ្មោះសង្គ្រាមរបស់មនុស្ស ជំនិតម្នាក់ក្នុងចំណោមមនុស្សជំនិតទាំងឡាយរបស់ប៊ីនឡាដេន ។ CIA បានទទួលព័ត៌មានប្រហាក់ប្រហែលគ្នានេះដែរ ពីអ្នកឡើងបន្តតំណែងពីខាលីដស៊ិក ម៉ូហាម៉េដ ឈ្មោះអាប៊ូ ហ្វារ៉ាស អាល់លីប៊ី ។ អ្នកទាំងនោះត្រូវបានសួរចម្លើយតាមបច្ចេកទេសជឿនលឿនក្នុងពន្ធនា គារសំងាត់របស់ CIA នៅប៉ូឡូញ និងនៅរូម៉ានី។
គឺកងកុំម៉ង់ដូពិសេសនៃកងនាវាចរណ៍អាមេរិកហៅក្រុម៦ «TEAM SIX» ដែលទទួលបន្ទុកបំពេញបេសកកម្មនៅប៉ាគីស្ថានសម្លាប់ប៊ីនឡាដេន ។ នាយប់ថ្ងៃទី១ មកទី២ ឧសភា សមាជិកក្រុមនេះប្រមាណជា២០នាក់បញ្ជូនតាមឧទ្ធម្ភាគចក្របានលុកចូលក្នុងនិវេសនដ្ឋានដែលមានកិច្ចការពាររបស់ប៊ីនឡាដេននៅ ABBOTTABAD ។ ៤០នាទីក្រោយមក ពួកនេះបានបាញ់ត្រូវក្បាលប៊ីនឡាដេន២គ្រាប់ ហើយចាកចេញមកវិញជាមួយសាកសពរបស់ជននេះដែលនោះជាជ័យជំនះជាប្រវត្តិសាស្ត្រធំមួយរបស់អាេមរិកក្នុងការតស៊ូប្រឆាំងភេរវកម្ម ។
យោងតាមក្រុមអ្នកជំនាញការថា ក្រុម TEAM SIX ដែលមានឈ្មោះនាពេលថ្មីៗនេះថា U.S NAVAL SPECIAL WARFARE DEVELOPMENT GROUP ឬហៅកាត់ថា ក្រុម DEVGRU ត្រូវបានបង្កើតឡើងក្នុងឆ្នាំ ១៩៨០ ក្រោយការប៉ុនប៉ងជួយសង្គ្រោះចំណាប់ខ្មាំងនៅក្នុងស្ថានទូតអាមេរិកប្រចាំក្រុងតេហេ
រ៉ង់ ។ ក្រុមនេះជាផ្នែកមួយនៃក្រុម NAVY SEALS ជាក្រុមពិសេសរបស់កងម៉ារីនអាមេរិក ដែលធ្វើប្រតិបត្តិការទាំងនៅលើដីទាំងនៅក្នុងសមុទ្រ ឬក្នុងអាកាស ។ CIAអាចប្រើក្រុមនេះសម្រាប់ប្រតិបត្តិការសំងាត់ស្មុគស្មាញទាំងឡាយ។ ចាប់តាំងពីឆ្នាំ២០០១ មកសមាជិកក្រុមនេះរវាងពី១០០ ទៅ២០០នាក់បានតាមប្រមាញ់ប៊ីនឡាដេន នៅអាហ្វហ្គានីស្ថាន និងនៅប៉ាគីស្ថានជាមួយបទបញ្ជានាំខ្លួនជននេះស្លាប់ ឬរស់ ។ យោងតាមម៉ាស៊ីនឃោសនាអាមេរិកទាំងឡាយថា CIA តាមឃ្លាំងមើលតាំងពីយូរមកហើយនូវនិវេសនដ្ឋាននេះ ៕
ចែករំលែកព័តមាននេះ