ខេត្តកំពង់ឆ្នាំង ៖ បុរសម្នាក់បានរងគ្រោះ ដោយសារតែងងឹតមុខពេលបើកបរគោយន្តបណ្តាលឱ្យធ្លាក់រងរបួសធ្ងន់ធ្ងរ ។ ហេតុការណ៍នោះបានកើតឡើងនៅវេលាម៉ោង៨និង៣០នាទីព្រឹក ថ្ងៃទី២ ឧសភា នៅតាមផ្លូវលំក្រាលក្រួសក្រហម ស្ថិតនៅភូមិជារៅ ឃុំជើងត្រាវ ស្រុករលាប្អៀរ។ បុរសរងគ្រោះរូបនោះឈ្មោះម៉ៅ វល្លិ អាយុ៤៧ឆ្នាំ
ខេត្តកំពង់ឆ្នាំង ៖ បុរសម្នាក់បានរងគ្រោះ ដោយសារតែងងឹតមុខពេលបើកបរគោយន្តបណ្តាលឱ្យធ្លាក់រងរបួសធ្ងន់ធ្ងរ ។ ហេតុការណ៍នោះបានកើតឡើងនៅវេលាម៉ោង៨និង៣០នាទីព្រឹក ថ្ងៃទី២ ឧសភា នៅតាមផ្លូវលំក្រាលក្រួសក្រហម ស្ថិតនៅភូមិជារៅ ឃុំជើងត្រាវ ស្រុករលាប្អៀរ។ បុរសរងគ្រោះរូបនោះឈ្មោះម៉ៅ វល្លិ អាយុ៤៧ឆ្នាំ មានទីលំនៅភូមិកងមាស ឃុំគោកបន្ទាយ ស្រុករលាប្អៀរ ។
តាមការរៀបរាប់ពីក្រុមគ្រួសារដែលដឹកបុរសរងគ្រោះមកសង្គ្រោះនៅមន្ទីរពេទ្យបានឱ្យដឹងថា នៅថ្ងៃកើតហេតុនោះក្រុមគ្រួសាររួមទាំងបុរសរងគ្រោះបាននាំគ្នាជិះគោយន្តដោយកូនប្រុសច្បងជាអ្នកបើកបរ ដើម្បីទៅដឹកកូនស្រីគាត់ដែលនៅសម្រាកព្យាបាលផ្ទះគ្រូខ្មែរនៅភូមិអូរលយ ឃុំជើងត្រាវ ។ លុះពេលត្រឡប់មកវិញ ដល់ពាក់កណ្តាលភូមិក៏ស្រាប់តែបុរសរូបនោះងងឹតមុខធ្លាក់ពីលើគោយន្តដែលកំពុងបើកបរបណ្តាឱ្យគ្រោះថ្នាក់យ៉ាងធ្ងន់ធ្ងរ ។ ប្រភពដដែលបានបន្តថា បុរសខាងលើមានជំងឺលើសឈាមផងដែរ ទើបចេះតែងងឹតមុខបែបនេះ ។ ក្រុមគ្រូពេទ្យបាននិយាយថា បុរសរងគ្រោះរងរបួសក្បាលខ្លាំងផ្នែកខាងឆ្វេង និងចេញឈាមតាមត្រចៀកផងដែរ ដែលស្ថានភាពនេះអាចធ្ងន់ធ្ងរបន្ថែមលើជំងឺលើសឈាមដែលមានស្រាប់៕
ចែករំលែកព័តមាននេះ