មេទ័ពរុស្ស៊ី២នាក់ត្រូវបាត់បង់ ក្នុងការប្រយុទ្ធនៅក្រុងបាក់មូត
សង្គ្រាមអ៊ុយក្រែន ៖ ក្នុងសេចក្ដីប្រកាសខុសទម្លាប់មួយពីការបាត់បង់របស់ខ្លួននៅលើទីលានប្រយុទ្ធ
សង្គ្រាមអ៊ុយក្រែន ៖ ក្នុងសេចក្ដីប្រកាសខុសទម្លាប់មួយពីការបាត់បង់របស់ខ្លួននៅលើទីលានប្រយុទ្ធ ក្រសួងការពារប្រទេសរុស្ស៊ីអះអាងនាថ្ងៃទី១៤ ឧសភា ពីការស្លា.ប់អ្នកទទួលខុសត្រូវយោធាខ្លួន២រូបក្នុងការប្រយុទ្ធគ្នាននៅតំបន់ដុនបាស់ ។
ក្រសួងនោះនិយាយថា មេបញ្ជាការកងពលតូចទី៤លោកវីយ៉ាតឆេស្លាវម៉ាការ៉ូវ ជាមួយមនុស្សរបស់លោកបានវាយរុញច្រាន ការវាយប្រហារ២របស់សត្រូវ មុនពេលលោករងរបួសធ្ងន់ ហើយស្លាប់ពេលជម្លៀសលោកចេញ ។ នៅលើរណសិរ្សប្រយុទ្ធដែរ លោកអ៊ីយេវហ្គេនីប្រូវកូ មេបញ្ជាការរងរបស់កងឯកភាពទទួលបន្ទុកការងារនយោបាយ-យោធា ក៏ទទួលមរណភាពដោយសាររងរបួសជាច្រើនព្រោះតែអំបែងគ្រាប់ផ្លោងក្នុងការវាយប្រហារមួយ ។
ក្រសួងការពារប្រទេសរុស្ស៊ីនិយាយទៀតថា សត្រូវកំពុងតែ ប៉ុនប៉ងវាយប្រហារទ្រង់ទ្រាយធំ ទម្លុះខ្សែការពាររបស់កងទ័ពយើង នៅភាគខាងជើងនិងភាគខាងត្បូងក្រុងបាក់មូត តែរាល់ការវាយប្រហារទាំងនេះត្រូវបានរុញច្រាន ។
ខណៈដែលជម្លោះអ៊ុយក្រែន-រុស្ស៊ីកំពុងជួបភាពភាពតានតឹងថ្មីរយៈពេលប៉ុន្មានសប្ដាហ៍ចុងក្រោយនេះ វិមានក្រឹមឡាំងចោទប្រកាន់សត្រូវខ្លួនថា រៀបចំការវាយប្រហារចូលដែនដីខ្លួន តែក្រុង
គៀវបានបដិសេធថា ខ្លួនគ្មានចេតនាធ្វើសកម្មភាពយោធា ក្នុងប្រទេសរបស់លោកពូទីនឡើយ ។
អ៊ុយក្រែនអះអាងកាលពីថ្ងៃទី១៤ ឧសភាថាវាយដណ្ដើមយកបានទីតាំងកងទ័ពរុស្ស៊ីជាង១០
កន្លែង នៅតំបន់ជាយក្រុងភាគខាងជើងនិងភាគខាងត្បូងក្រុងបាក់មូត ៕
ចែករំលែកព័តមាននេះ