ខេត្តបន្ទាយមានជ័យ ៖ អំពើហិ.ង្សាដ៏ឃោរឃៅមួយបានកើតឡើង រវាងប្តីកា.ប់ប្រពន្ធ ប្រពន្ធកា.ប់ប្តី បណ្តាលឲ្យមានរបួសទាំងសងខាង ដែលប្រពន្ធត្រូវបញ្ជូនទៅសង្គ្រោះនៅមន្ទីរពេទ្យ ចំណែកបុរសជាប្តីមានចិត្តកំណាចឃោរឃៅ ត្រូវបានសមត្ថកិច្ចចាប់ខ្លួននាំទៅដេកគុក ផ្តើមចេញពីរឿង«ប្តីខ្សឹមដាក់ត្រជៀកប្រពន្ធថា…
ខេត្តបន្ទាយមានជ័យ ៖ អំពើហិ.ង្សាដ៏ឃោរឃៅមួយបានកើតឡើង រវាងប្តីកា.ប់ប្រពន្ធ ប្រពន្ធកា.ប់ប្តី បណ្តាលឲ្យមានរបួសទាំងសងខាង ដែលប្រពន្ធត្រូវបញ្ជូនទៅសង្គ្រោះនៅមន្ទីរពេទ្យ ចំណែកបុរសជាប្តីមានចិត្តកំណាចឃោរឃៅ ត្រូវបានសមត្ថកិច្ចចាប់ខ្លួននាំទៅដេកគុក ផ្តើមចេញពីរឿង«ប្តីខ្សឹមដាក់ត្រជៀកប្រពន្ធថា បើមិនបានសម្លា.ប់ប្រពន្ធមិនអាចចុះពីលើផ្ទះទៅរួច ។
ហេតុការនោះបានកើតឡើង កាលពីវេលាម៉ោងប្រមាណ១១យប់ ថ្ងៃទី១១ ខែឧសភា ឆ្នាំ២០២៣ នៅភូមិស្វាយខ្មៅ ឃុំពន្លៃ ស្រុកភ្នំស្រុក ខេត្តបន្ទាយមានជ័យ ។
ជនសង្ស័យឈ្មោះ ស្រី រំដួល ភេទប្រុស អាយុ៣៩ឆ្នាំ រស់នៅភូមិស្វាយខ្មៅ ឃុំពន្លៃ ស្រុកភ្នំស្រុក ខេត្តបន្ទាយមានជ័យ ។ តាមប្រភពព័ត៌មានពីសមត្ថកិច្ចឲ្យដឹងថា វេលាម៉ោងខាងលើមុនកើតហេតុជនរងគ្រោះឈ្មោះ ឌុល តុលា ភេទស្រី អាយុ៣៥ឆ្នាំ ត្រូវជាប្រពន្ធជនបង្ក បាន និងកំពុងដេកនៅក្រោមផ្ទះ ស្រាប់តែប្ដីឈ្មោះ ស្រី រំដួល មិនដឹងមកពីផឹកឯណាស្រវឹងខ្លាំង ហើយក៏និយាយទៅកាន់ម្ដាយក្មេកឈ្មោះ ឡាំ លៀន អាយុ៦៩ ឆ្នាំថា សុំទៅធ្វើពលករនៅប្រទេសថៃ ពេលនោះម្ដាយក្មេកក៏តបទៅវិញថា ទៅក៏ទៅៗតែគាត់គ្មានលុយឲ្យធ្វើសាហុយទេ ព្រោះគាត់ឈឺ ។ បន្ទាប់មកជនសង្ស័យក៏យកកាបូបស្ពាយដើរចេញទៅបាត់ តែមួយសន្ទុះក៏ត្រឡប់មកវិញ ហើយសុំហូបបាយ និងសុំដេកជាមួយប្រពន្ធសិន ចាំម៉ោង៣ទៀបភ្លឺបានគេក្រោកចេញទៅ ។
សមត្ថកិច្ចឲ្យដឹងទៀតថា ពេលកំពុងដេកប្ដីបានខ្សឹបដាក់ត្រចៀកប្រពន្ធថា បើមិនបានសម្លា.ប់ប្រពន្ធ រូបគេមិនអាចចុះចេញពីផ្ទះនេះទេ ប្រពន្ធពេលឮប្តីពោលពាក្យដូច្នេះក៏កើតក្តីខឹងក្រោធឈ្លោះប្រកែកគ្នាផ្ញើលទាំងយប់ ហើយប្ដីកំណាចបានស្ទុះទៅយកដែកបំពង់ទីបជ្រុងវា.យសំដៅទៅលើប្រពន្ធចំនួន៥ ដែកបំពង់ទីប ត្រូវក្បាលបណ្ដាលឲ្យបែកដេរចំនួន៦ថ្នេរ ហើយជនរងគ្រោះដែលជាប្រពន្ធក៏ស្រវ៉ាយកបានពូថៅ កាន់ការពារខ្លួន និងកា.ប់ទៅលើប្តីចំនួន២ពូថៅវិញ ចំក្បាល១ពូថៅ និងឆ្អឹងខ្នង១ពូថៅ ។
ជនសង្ស័យឈ្មោះ ស្រី រំដួល នេះជាមនុស្សញៀនសុរា ផឹកស្រវឹងរាល់ថ្ងៃ ហើយតែងតែធ្វើសកម្មភាពគំរា.មសម្លា.ប់ក្នុងគ្រួសារខាងប្រពន្ធ ដូចជា ឪពុកក្មេក ម្ដាយក្មេក ប្រពន្ធ និងកូន ហើយថែមទាំងនិយាយជាញឹកញប់ថា«បើមិនបានសម្លា.ប់អ្នកណាម្នាក់ក្នុងគ្រួសារនេះទេ រូបគេមិនចុះចេញពីផ្ទះនេះបានឡើយ» ។
យ៉ាងណាក្តីក្រោយពេលកើតហេតុ កម្លាំងសមត្ថកិច្ចនគរបាលជំនាញព្រហ្មទណ្ឌស្រុកបានសហការជាមួយប៉ុស្ដិ៍នគរបាលរដ្ឋបាលពន្លៃ ចុះទៅដល់កន្លែងកើតហេតុធ្វើការពិនិត្យ និងស្រាវជ្រាវ នាំខ្លួនជនសង្ស័យទៅកាន់អធិការដ្ឋាននគរបាលស្រុក ដើម្បីសាកសួរជំវិញអំពើហិ.ង្សានោះ ។
ជនសង្ស័យក៏បានសារភាព និងទទួលស្គាល់ទោសកំហុសដែលគេបានប្រព្រឹត្តសមត្ថកិច្ចក៏បានស្នើសុំទៅស្ថាប័នអយ្យការអមសាលាដំបូងខេត្ត ដើម្បីឃាត់ខ្លួន និងកសាងសំណុំរឿងតាមនីតិវិធី ៕
ចែករំលែកព័តមាននេះ