ខេត្តកំពង់ឆ្នាំង ៖ មុខសញ្ញាកាច់សោម៉ូតូ២នាក់ទៅពីភ្នំពេញបានធ្វើសកម្មភាពកាច់សោម៉ូតូនៅខេត្តកំពងឆ្នាំង កាលពីថ្ងៃទី១៣ ខែឧសភា ឆ្នាំ២០២៣ ត្រូវបានកម្លាំងសមត្ថកិច្ចចាប់ខ្លួន កសាងសំណុំរឿងបញ្ជូនទៅតុលាការ ។ ជនសង្ស័យម្នាក់ឈ្មោះ…
ខេត្តកំពង់ឆ្នាំង ៖ មុខសញ្ញាកាច់សោម៉ូតូ២នាក់ទៅពីភ្នំពេញបានធ្វើសកម្មភាពកាច់សោម៉ូតូនៅខេត្តកំពងឆ្នាំង កាលពីថ្ងៃទី១៣ ខែឧសភា ឆ្នាំ២០២៣ ត្រូវបានកម្លាំងសមត្ថកិច្ចចាប់ខ្លួន កសាងសំណុំរឿងបញ្ជូនទៅតុលាការ ។
ជនសង្ស័យម្នាក់ឈ្មោះ យឹម រ៉ាវី ភេទប្រុស អាយុ៦០ឆ្នាំ ស្នាក់នៅផ្ទះជួលភូមិអង្គតាមិញ ក្បែរព្រលានយន្តហោះអន្តរជាតិភ្នំពេញ ស្ថិតក្នុងខណ្ឌពោធិសែនជ័យ រាជាធានីភ្នំពេញ ដកហូតទូរស័ព្ទ១គ្រឿង និងម៉ូតូម៉ាកសេ១២៥ ពណ៌ខ្មៅ១ គ្រឿងផលិតឆ្នាំ២០២៣ ។ និងម្នាក់ឈ្មោះ ទិត្យ សំណាង ហៅពែក ប្រុស អាយុ៥០ឆ្នាំ ស្នាក់ ភូមិថ្នល់ទទឹង ស្រុកអង្គស្នួល ខេត្តកណ្តាល សមត្ថកិច្ចដកហូតទូរស័ព្ទដៃ១គ្រឿង អាវុធខ្លី១ដើម គ្រាប់៧ គ្រាប់បង់១ សោសម្រាប់កាច់កម៉ូតូ៣ និងសោរម៉ូតូ១ ។
សូមបញ្ជាក់ថា កាលពីវេលាម៉ោងប្រមាណ៧ និង៣០នាទីយប់ ថ្ងៃទី៨ ខែឧសភា មានករណីចោរកាច់សោម៉ូតូ១គ្រឿង ម៉ាកហុងដាព្រីម C១២៥ សេរី ២០២២ ពាក់ស្លាកលេខ កំពង់ឆ្នាំង ១M ៨៤៦៥ នៅចំណុច មុខហាងលក់ទំនិញ យីហោប៊ីប្រែន ស្ថិតក្នុងស្រែព្រីង សង្កាត់.ក្រុង.ខេត្ត កំពង់ឆ្នាំង ដែលជាកម្មសិទ្ធិរបស់ឈ្មោះគង់ វណ្ណារ៉ា ភេទប្រុស អាយុ២៥ឆ្នាំ ។
លុះនៅថ្ងៃទី១២ ខែឧសភា ឆ្នាំ២០២៣ មានចោរកាច់កម៉ូតូ១គ្រឿងទៀតនៅចំណុចមុខផ្ទះឈ្មោះ សុខ គង់ ភេទប្រុស អយុ៥២ឆ្នាំ រស់នៅភូមិផ្សាឆ្នាំង សង្កាត់.ក្រុងកំពង់ឆ្នាំង លួចយកម៉ូតូម៉ាកហុងដា C125 ផលិតឆ្នាំ២៩២២ ពាក់ស្លាលេខកំពង់ឆ្នាំង 1N 2579 ជាកម្មសិទ្ធិរបស់ឈ្មោះ ដន ឌុច ភេទប្រុស អាយុ២២ ឆ្នាំ មុខរបរជាងសំណង់ រស់នៅភូមិពាមជ្រៃ ជុំកោះថ្កូវ ស្រុកជលគីរី ខេត្តកំពង់ឆ្នាំង បង្កឡើងដោយជនសង្ស័យចំនួន២នាក់ (តាមកាមេរ៉ាសុវត្ថិភាពពួកមាឌធំៗ)។
ក្រោយកើតហេតុកម្លាំងជំនាញព្រហ្មទណ្ឌនៃស្នងការដ្ឋាននគរបាលខេត្តបានសហការធ្វើការដេញតាមប្រមាញ់ពីក្រោយជនសង្ស័យក៏បាត់ដានមុខសញ្ញា នៅទឹកដីស្រុកកំពង់ត្រឡាច ។
ក្រោយការចង្អុលបង្ហាញពីលោកឧត្តមសេនីយ៍ទោ ស្នងការនគរបាលខេត្ត នៅថ្ងៃទី១៣ ខែឧសភា កម្លាំងជំនាញព្រហ្មទណ្ឌបានសហការជាមួយកម្លាំងអធិការនគរបាលក្រុងកំពង់ឆ្នាំងប្រើប្រាស់បណ្តាញសម្ងាត់ស្រាវជ្រាវរហូតដល់នៅម៉ោង១១ព្រឹកថ្ងៃដដែលនោះទើបក្រសោបបានមុខសញ្ញា នៅមុខវត្តអារញ្ញ ស្តិតនក្នុងភូមិស្រែព្រីង សង្កាត់.ក្រុង.កំពង់ឆ្នាំង ខណៈសង្ស័យទាំង២នាក់ កំពង់ជិះម៉ូតូបំរ៉ុងធ្វើសកម្មភាពនៅទីនោះទៀត ។
ពេលឃាត់ខ្លួនជនសង្ស័យបានសារភាពនៅចំពោះមុខសមត្តកិច្ច និងយោងតាមពាក្យបណ្តឹងរបស់ជនរងគ្រោះទើបសមត្ថកិច្ចកសាងសំណុំរឿងបញ្ជូនមុខសញ្ញាកាច់កម៉ូតូទាំង២នាក់ ទៅសាលាដំបូងខេត្តតាមនីតិវិធី ៕
ចែករំលែកព័តមាននេះ