ខេត្តតាកែវ ៖ ជនសង្ស័យ០៤នាក់ ដែលលួចលាក់ផលិតគ្រឿងញៀនក្នុងទឹកដីខេត្តតាកែវ ត្រូវបានកម្លាំងមន្ទីរប្រឆាំងបទល្មើសគ្រឿងញៀន(ក៤)នៃក្រសួងមហាផ្ទៃ និងដោយមានការសហការជាមួយកម្លាំងនៃស្នងការដ្ឋាននគរបាលខេត្តតាកែវនិងស្នងការនគរបាលរាជធានីភ្នំពេញជាមួយនឹងវត្ថុតាងជាប្រភេទម្សៅផ្សំគីមីចំនួន៧៩គីឡូក្រាម ត្រូវបានបញ្ជូនមកកាន់តុលាការខេត្តតាកែវ ដើម្បីបន្តនីតិវិធីរួចហើយ កាលពីទី១២ ឧសភា…
ខេត្តតាកែវ ៖ ជនសង្ស័យ០៤នាក់ ដែលលួចលាក់ផលិតគ្រឿងញៀនក្នុងទឹកដីខេត្តតាកែវ ត្រូវបានកម្លាំងមន្ទីរប្រឆាំងបទល្មើសគ្រឿងញៀន(ក៤)នៃក្រសួងមហាផ្ទៃ និងដោយមានការសហការជាមួយកម្លាំងនៃស្នងការដ្ឋាននគរបាលខេត្តតាកែវនិងស្នងការនគរបាលរាជធានីភ្នំពេញជាមួយនឹងវត្ថុតាងជាប្រភេទម្សៅផ្សំគីមីចំនួន៧៩គីឡូក្រាម ត្រូវបានបញ្ជូនមកកាន់តុលាការខេត្តតាកែវ ដើម្បីបន្តនីតិវិធីរួចហើយ កាលពីទី១២ ឧសភា ២០២៣។
លោក ឯក ឆេងហួត ព្រះរាជអាជ្ញាអមសាលាដំបូងខេត្តតាកែវបានឱ្យកោះសន្តិភាពដឹងថា កម្លាំងមន្ទីរប្រឆាំងបទល្មើសគ្រឿងញៀន (ក៤) នៃក្រសួងមហាផ្ទៃ បានចុះបង្ក្រាបករណីគ្រឿង កាលពីរសៀលថ្ងៃទី០៩ ខែឧសភា ឆ្នាំ២០២៣ ដោយបានសហការជាមួយកម្លាំងនៃស្នងការដ្ឋាននគរបាលខេត្តតាកែវ និងស្នងការនគរបាលរាជធានីភ្នំពេញធ្វើការបង្ក្រាបករណីជួញដូគ្រឿងញៀននៅចំណុច ផ្ទះគ្មានលេខ ភូមិតាសូ ឃុំឧត្តមសូរិយា ស្រុកត្រាំកក់ ខេត្តតាកែវ ។
លោកព្រះរាជអាជ្ញាបន្ថែមទៀតថា ក្រោយពីប្រតិបត្តិការបង្ក្រាបការផលិតសារធាតុញឿនទ្រង់ទ្រាយធំពីជនសង្ស័យ០៤នាក់ខាងលើនេះ កម្លាំងសមត្ថកិច្ចបានដកហូតបានវត្ថុតាង រួមមាន៖ ១- សារធាតុញ្ញៀនទម្ងន់ ១១៨.៦៤ក្រាម (មេតំហ្វេតាមីន), ២- សារធាតុគីមីផ្សំ (មិនច្បាស់) ទម្ងន់ ៧៩១៧៦ក្រាម (៧៩គីឡូ ១៧៦ក្រាម) ទី៣-ម្សៅព័ណផ្កាឈូកក្នុងកញ្ចប់ព័ណសចំនួន១៣កញ្ចប់ទម្ងន់១៣០០០ក្រាម(មិនច្បាស) ទី៤- ម្សៅព័ណទឹកក្រូចក្នុងកញ្ចប់រូបផ្លែឈើចំនួន៦៧កញ្ចប់ ទម្ងន់១៧៤២០ក្រាម(មិនច្បាស់)ទី៥-ម្សៅព័ណស ទម្ងន់៥៥៣៦ក្រាម(មិនច្បាស់)ទី៦-ម្សៅព័ណសក្នុងកំប៉ុងព័ណស្វាយចំនួន១៩កំប៉ុង ទម្ងន់៤៧៥០ ក្រាម(មិនច្បាស់) ទី៧-ម្សៅទឹក្រូចក្នុងកញ្ចប់ព័ណប្រាក់ចំនួន៤កញ្ចប់ទម្ងន់២០០០ក្រាម(មិនច្បាស់) ។
ទី៨-ក្រាមព័ណសទម្ងន់៣៤៦៨ក្រាម (មិនច្បាស់) ទី៩-ម្សៅព័ណខ្មៅក្នុងកញ្ចប់ព័ណទឹកប្រាក់ទម្ងន់៥០០ក្រាម(មិនច្បាស់) ទី១០-ម្សៅក្នុងកញ្ចប់អក្សរTANGចំនួន៩២កញ្ចប់ទម្ងន់១៨៤០ក្រាម ទី១១-ម្សៅព័ណស្វាយទម្ងន់១៦៦២ក្រាម សាធាតុខាងលើនេះ ត្រូវបានវេចខ្ចប់ដាក់ក្នុងកេសដែកព័ណទឹកប្រាក់បិទជិតមានស្នាមមេដៃរបស់ជនសង្ស័យហត្ថលេខាសមាសភាពចូលរួមនឹងត្រារបស់មន្ទីរប្រឆាំងបទល្មើសគ្រឿងញៀន។ ទី១២-ទូរស័ព្ទដៃចំនួន៤គ្រឿង ទី១៣–រថយន្តចំនួន១គ្រឿង ទី១៤-ម៉ាស៊ីនផលិត ម៉ាស៊ីនសម្ងួតនឹងឧបករណ៍ផលិតជាច្រើនទៀត។
លោកព្រះរាជអាជ្ញាបញ្ជាក់ទៀតថា ហើយជនសង្ស័យទាំង៤នាក់នោះ មានទី១-ឈ្មោះទី ឈ្មោះទួន សាស្ត្រា ហៅម៉ាប់ភេទប្រុស ទី២-ឈ្មោះហ្វាង យ៉ាងណាម ហៅណាំ ជនជាតិវៀតណាមភេទប្រុស ទី៣- ឈ្មោះចាន់ វាស់នាហៅញ៉េវ ភេទប្រុស ទី៤-ឈ្មោះផាន វណ្ណារ៉ា ភេទប្រុស ។
នៅចំពោះមុខ លោកព្រះរាជអាជ្ញានឹងនគរបាលមន្ទីរប្រឆាំងបទល្មើសគ្រឿងញៀនក្រុមជនសង្ស័យបាននិយាយសារភាពថា ពួកគេពិតជាបានធ្វើសកម្មភាពលួចផលិតសាធាតុញៀនពិតប្រាកដមែន។ ម្សៅផ្សំគីមីទាំង៧៩គីឡូក្រាមនេះ គឺជនសង្ស័យទាំងនេះ យកមកផលិតចេញពីថ្នាំគ្រវី ។ ក្រោយការឃាត់ខ្លួនជនសង្ស័យ ០៤នាក់ រួមនឹងវត្ថុតាង ត្រូវបានតុលាការសម្រេចឃុំខ្លួនជាបណ្ដោះអាសន្ននៅពន្ធធនាគាខេត្ត និងបន្តស្រាវជ្រាវចាប់មេក្លោងនៅខាងក្រោយបន្ត៕
ចែករំលែកព័តមាននេះ