ម្ចាស់កង់បី យកកាមេរ៉ាជូនជនជាតិហ្វីលីពីនវិញហើយ ក្រោយភ្លេចពីម្សិលមិញ
រាជធានីភ្នំពេញ ៖ ឯកឧត្តមខៀវ កាញារីទ្ធ រដ្ឋមន្ត្រីក្រសួងព័ត៌មាន នៅម៉ោង១០ព្រឹកថ្ងៃទី១១ ឧសភា ២០២៣នេះបានអោយដឹងថា ៖ «ពេលនេះ…
រាជធានីភ្នំពេញ ៖ ឯកឧត្តមខៀវ កាញារីទ្ធ រដ្ឋមន្ត្រីក្រសួងព័ត៌មាន នៅម៉ោង១០ព្រឹកថ្ងៃទី១១ ឧសភា ២០២៣នេះបានអោយដឹងថា ៖ «ពេលនេះ…
រាជធានីភ្នំពេញ ៖ ឯកឧត្តមខៀវ កាញារីទ្ធ រដ្ឋមន្ត្រីក្រសួងព័ត៌មាន នៅម៉ោង១០ព្រឹកថ្ងៃទី១១ ឧសភា ២០២៣នេះបានអោយដឹងថា ៖ «ពេលនេះ ម្ចាស់កង់ ៣ បានយកកាមេរ៉ាជូនម្ចាស់ដើមវិញហើយ គាត់ប្រាប់ថា ពេលចុះជាង ៣០ នាទី ទើបគាត់បានឃើញថាម្ចាស់បានភ្លេចកាមេរ៉ានៅលើម៉ូតូគាត់» ។
ការប្រកាសយកកាមេរ៉ាជូនម្ចាស់ដើមវិញនេះ ក្រោយពីមានគណនីហ្វេសបុកមួយបានជម្រាបជូនដំណឹងដល់ឯកឧត្តមខៀវ កាញារីទ្ធ អោយដឹងថា ៖ «ថ្ងៃ១០ ខែឧសភា ម៉ោងប្រហែល៣ រសៀល មានជនជាតិហ្វីលីពីនមួយក្រុម ដែលជាក្រុមអ្នកថតរូបព្រឹត្តិការណ៍អាស៊ានហ្កេម បានភ្លេចកាមេរ៉ានៅលើតុកៗ ពេលដែលគាត់ធ្វើដំណើរពីម្តុំវិមានឯករាជ្យ មកឈប់នៅម្តុំវាលមេន។ ក្នុងកាមេរ៉ានោះមានរូបថតព្រឹត្តិការណ៍មួយចំនួនធំ មិនទាន់បានកូពីចេញ ហើយកាមេរ៉ានោះមានតម្លៃថ្លៃគួរសមដែរ។ ពួកគាត់បានព្យាយាមស្វែងរក តែរកមិនឃើញ។ ពេលធ្វើដំណើរ គាត់បានថតរូបជាប់ពូតុកៗ ដោយចៃដន្យ ។ សូមឯកឧត្តម និងក្រុមការងារមេត្តាជួយសម្របសម្រួកស្វែងរកពូតុកៗនោះផង ដើម្បីអាចយកកាមេរ៉ាជូនគាត់វិញ។សូមអរគុណឯកឧត្តម» ៕
ចែករំលែកព័តមាននេះ