កាលពីយប់ថ្ងៃទី១ ឧសភា នៅទីក្រុងវ៉ាស៊ីនតោនបណ្តាអ្នកទទួលខុសត្រូវអាមេរិកថ្លែងថា អូសាម៉ា ប៊ីនឡាដេនស្លា.ប់ហើយ រួចសាកសពរបស់ជននោះស្ថិតក្នុងដៃរបស់អាជ្ញាធរអាមេរិក។ ប្រធានាធិបតីអាមេរិកលោកបារ៉ាក់ អូបាម៉ា ត្រូវអះអាងក្នុងប៉ុន្មាននាទីខាងមុខនេះ ពីការស្លា.ប់របស់ប្រមុខអាល់កៃដារូបនេះដែលគេតាមរកបំផុតចាប់តាំងពីរូបគេ
កាលពីយប់ថ្ងៃទី១ ឧសភា នៅទីក្រុងវ៉ាស៊ីនតោនបណ្តាអ្នកទទួលខុសត្រូវអាមេរិកថ្លែងថា អូសាម៉ា ប៊ីនឡាដេនស្លាប់ហើយ រួចសាកសពរបស់ជននោះស្ថិតក្នុងដៃរបស់អាជ្ញាធរអាមេរិក។ ប្រធានាធិបតីអាមេរិកលោកបារ៉ាក់ អូបាម៉ា ត្រូវអះអាងក្នុងប៉ុន្មាននាទីខាងមុខនេះ ពីការស្លាប់របស់ប្រមុខអាល់កៃដារូបនេះដែលគេតាមរកបំផុតចាប់តាំងពីរូបគេបាត់ខ្លួនកាលពីដំណាច់ឆ្នាំ២០០១ មួយមកនៅអាហ្វហ្គានីស្ថាន ។
មនុស្សមួយក្រុមធំបានប្រមូលផ្តុំគ្នានៅមុខសេតវិមានអបអរសាទរចំពោះដំណឹងនេះ ។ ទូរទស្សន៍ CNN រាយការណ៍ថា ប៊ីនឡាដេនបានស្លាប់ក្នុងនិវេសនដ្ឋានមួយស្ថិតនៅជិតទីក្រុងអ៊ីស្លាម៉ាបាដ រដ្ឋធានីប៉ាគីស្ថាន ។ នេះជាជោគជ័យដ៏ចម្បងមួយសម្រាប់លោកបារ៉ាក់ អូបាម៉ា និងក្រុមប្រឹក្សាសន្តិសុខជាតិរបស់លោក ។ អ្នកកាន់តំណែងមុនលោកអូបាម៉ា គឺលោកចច ប៊ូស បានតាមប្រមាញ់អូសាម៉ា ប៊ីឡាដេន ដោយពុំសម្រេចបានជោគជ័យក្នុងរយៈពេលជិត៧ឆ្នាំកន្លះ ក្រោយការវាយប្រហារភេរវកម្មថ្ងៃទី១១ កញ្ញា ឆ្នាំ២០០១ ។
អ្នកឯកទេសខាងស៊ើបការណ៍ជាច្រើននាក់វាយតម្លៃថា អូសាម៉ា ប៊ីនឡាដេន លាក់ខ្លួននៅប៉ាគីស្ថាន ។ អតីតយុទ្ធជនក្នុងសង្គ្រាមប្រឆាំងការកាន់កាប់របស់សូវៀត នៅអាហ្វហ្គានីស្ថាន អូសាម៉ា ប៊ីនឡាដេន បានអនុម័តធ្វើការវាយប្រហារភេរវកម្មថ្ងៃទី១១ កញ្ញា ឆ្នាំ២០០១ ។ ជននេះ ក៏ទទួលខុសត្រូវផងដែរលើការវាយប្រហារភេរវ កម្មមួយចំនួនទៀតប្រឆាំងបណ្តាគោលដៅរបស់អាមេរិកនៅទ្វីបអាហ្វ្រិក និងនៅមជ្ឈឹមបូព៌ាកាលពីទសវត្សឆ្នាំ១៩៩០ ៕
ចែករំលែកព័តមាននេះ