សុំអ្នកស្គាល់គ្នាជិះម៉ូតូសណ្ដោងរ៉ឺម៉កចេញពីកន្លែងលក់ ទៅដល់គោលដៅក៏ចុះដើរ ជួបគ្រោះពេលភ្លៀងខ្លាំង
- ភ្នំពេញ
រាជធានីភ្នំពេញ ៖ បុរសម្នាក់កំពុងដើរតាមផ្លូវពេលយប់ទាំងស្រវឹង ខណៈពេលមេឃកំពុងធ្លាក់ភ្លៀង
រាជធានីភ្នំពេញ ៖ បុរសម្នាក់កំពុងដើរតាមផ្លូវពេលយប់ទាំងស្រវឹង ខណៈពេលមេឃកំពុងធ្លាក់ភ្លៀង
រាជធានីភ្នំពេញ ៖ បុរសម្នាក់កំពុងដើរតាមផ្លូវពេលយប់ទាំងស្រវឹង ខណៈពេលមេឃកំពុងធ្លាក់ភ្លៀងខ្លាំងផង ក៏ត្រូវបានរថយន្តពុំស្គាល់ម៉ាក១គ្រឿងទៅដល់បុ.កទាំងកម្រោល បណ្ដាលឲ្យរងរបួសធ្ងន់ធ្ងរបាក់ភ្លៅម្ខាង ដួលដេកសន្ល.ប់នៅនឹងកន្លែងតាំងពីយប់រហូតដល់ព្រឹកឡើង ទើបត្រូវបានអ្នកដំណើរតាមផ្លូវប្រទះឃើញ និងរាយការណ៍ទៅកាន់ក្រុមសង្គ្រោះដឹកយកទៅកាន់មន្ទីរពេទ្យ។
បុរសម្នាក់នោះឈ្មោះ ហុក ប៊ុនណ្ណារ៉ា អាយុ៣៥ឆ្នាំ មុខរបរលក់ដូរ ប្រពន្ធឈ្មោះ ភី សុភាព អាយុ៣៣ឆ្នាំ មុខរបរលក់ដូរ នៅភូមិកំពង់ទួល ឃុំដើមឫស ស្រុកកណ្តាលស្ទឹង ខេត្តកណ្តាល ។ អ្នកដំណើរប្រទះឃើញគាត់ដេកក្នុងស្ថានភាពរបួសនៅតាមចិញ្ចើមផ្លូវ៣០ម៉ែត្រ ស្ថិតនៅក្នុងភូមិព្រៃក «ខ» សង្កាត់ពងទឹក ខណ្ឌដង្កោ រាជធានីភ្នំពេញ កាលពីវេលាម៉ោង៧ព្រឹកថ្ងៃទី០៩ ខែឧសភា ឆ្នាំ២០២៣ ។
បុរសរងគ្រោះបាននិយាយប្រាប់អ្នកដែលទៅចោមរោមមើលគាត់ថា គាត់ត្រូវរថយន្ត១គ្រឿងបុ.ក ដោយនៅវេលាល្ងាចថ្ងៃទី៨ ខែឧសភា ឆ្នាំ២០២៣ គាត់បានផឹកស្រាបៀរអស់៣កំប៉ុង ក៏ស្រវឹង ។បន្ទាប់មកបានសុំអ្នកស្គាល់គ្នាជិះម៉ូតូសណ្ដោងរ៉ឺម៉កជិះធ្វើដំណើរចេញពីកន្លែងលក់ដូរនៅភូមិកំពង់ទួល ឃុំដើមឫស ស្រុកកណ្តាលស្ទឹង ទៅកាន់បុរីពិភពថ្មី២ ផ្លូវ៣០ម៉ែត្រ ស្ថិតនៅក្នុងភូមិព្រៃក «ខ» សង្កាត់ពងទឹក ខណ្ឌដង្កោ រាជធានីភ្នំពេញ ។
បុរសរងគ្រោះបានប្រាប់ទៀតថា ពេលទៅដល់គោលដៅខាងលើយប់ទៅហើយ បន្ទាប់មកគាត់ក៏បានចុះដើរមិនតែប៉ុណ្ណោះស្របពេលនោះមេឃក៏បានធ្លាក់ភ្លៀងយ៉ាងខ្លាំងថែមទៀត ។នៅពេលគាត់កំពុងដើរ ស្រាប់តែមានរថយន្តមិនស្គាល់ម៉ាក១គ្រឿងទៅដល់បុ.កគាត់ពីក្រោយទាំងកម្រោល បណ្ដាលឲ្យគាត់ដួលរងរបួសបាក់ភ្លៅដួលដេកនៅនឹងកន្លែងតែម្ដង។ បន្ទាប់មករថយន្តបានបើកគេចបាត់ស្រមោល ចំណែករូបគាត់ក្រោយមកក៏សន្ល.ប់លែងដឹងខ្លួនច្រើនម៉ោង លុះពេលដឹងខ្លួនឡើងវិញក៏ពុំអាចក្រោករួចឡើយនិងបានដេកនៅកន្លែងកើតហេតុរហូតដល់ព្រឹកឡើងទើបមានអ្នកដំណើរប្រទះឃើញ។
តាមប្រភពពីន្លែងកើតហេតុបានប្រាប់ឲ្យដឹងថា ពុំមាននរណាម្នាក់បានប្រទះឃើញបុរសខាងលើដេកដួលនៅលើចិញ្ចើមផ្លូវភ្លាមៗនោះទេ ព្រោះនៅយប់នោះមានភ្លៀងធ្លាក់ខ្លាំងពុំសូវមានអ្នកធ្វើដំណើរឆ្លងកាត់ទីនោះ ។ រហូតដល់ព្រឹកឡើងទើបមានអ្នកដំណើរប្រទះឃើញ ហើយបាននាំគ្នាសែងចេញពីកន្លែងកើតហេតុរួចរាយការណ៍ទៅកាន់ក្រុមសង្គ្រោះដឹកយកទៅកាន់មន្ទីរពេទ្យដើម្បីសង្គ្រោះបន្ទាន់តែម្ដង ៕
ចែករំលែកព័តមាននេះ