រាជធានីភ្នំពេញ ៖ យុវជនពីរនាក់ស្រវឹងស្រាជោកជាំទន់.ករងៀកហើយនៅតែមិនអស់ចិត្ត មិនព្រមឈប់ផឹកទៀត ប៉ុន្តែអស់សាច់ក្លែម ពួកគេបាននាំគ្នាជិះម៉ូតូមួយគ្រឿងឌុបគ្នាទៅទិញសាច់ក្លែម ហើយរេចង្កូតពេញផ្លូវបន្ទាប់មកបានបុកគ្នាជាមួយរថយន្តមួយគ្រឿងពេញទំហឹង បណ្តាលឱ្យស្លា.ប់ភ្លាមៗនៅនឹងកន្លែងទាំងពីរនាក់តែម្តង
រាជធានីភ្នំពេញ ៖ យុវជនពីរនាក់ស្រវឹងស្រាជោកជាំទន់.ករងៀកហើយនៅតែមិនអស់ចិត្ត មិនព្រមឈប់ផឹកទៀត ប៉ុន្តែអស់សាច់ក្លែម ពួកគេបាននាំគ្នាជិះម៉ូតូមួយគ្រឿងឌុបគ្នាទៅទិញសាច់ក្លែម ហើយរេចង្កូតពេញផ្លូវបន្ទាប់មកបានបុកគ្នាជាមួយរថយន្តមួយគ្រឿងពេញទំហឹង បណ្តាលឱ្យស្លាប់ភ្លាមៗនៅនឹងកន្លែងទាំងពីរនាក់តែម្តង។
ហេតុការណ៍អាក្រក់ដោយសារមនុស្សស្រវឹងនេះបានកើតឡើងកាលពីវេលាម៉ោង១១យប់ថ្ងៃទី១ ឧសភា ២០១១ នៅលើកំណាត់ផ្លូវជាតិលេខ៤ ខាងលិចរង្វង់មូលថ្នល់បំបែកចោមចៅ ភូមិថ្នល់បំបែក សង្កាត់ចោមចៅ ខណ្ឌដង្កោ ។ យុវជនរងគ្រោះឈ្មោះស៊ឹម ប៉ុក អាយុ២៣ឆ្នាំ និងម្នាក់ទៀតឈ្មោះកុយ ធន អាយុ២២ឆ្នាំ ពួកគេជាកម្មកររោងចក្រកាត់ដេរ មានស្រុកកំណើតភូមិស្រីខួច ឃុំអង្គកែវ ស្រុកទ្រាំង ខេត្តតាកែវ ហើយបានមកស្នាក់នៅផ្ទះជួលភូមិចោមចៅ សង្កាត់ចោមចៅ ។ តាមប្រភពព័ត៌មានពីកន្លែងកើតហេតុបានឱ្យដឹងថា ជនរងគ្រោះជិះម៉ូតូ១គ្រឿងម៉ាកយ៉ាម៉ាហា គ្រីបស្តុន ពណ៌ប្រផេះ ពាក់ស្លាកលេខ ច-១៨៩០ ភព១ ហើយបានបុកជាមួយរថយន្ត១គ្រឿងម៉ាកហុងដា CR-V ពណ៌ទឹកប្រាក់ ពាក់ស្លាកលេខ ភ្នំពេញ 2M-2557 បើកបរដោយបុរសឈ្មោះជូ រមណី អាយុ៤៤ឆ្នាំ មានទីលំនៅភូមិព្រៃទា សង្កាត់ចោមចៅ ។
ប្រភពដដែលបានបន្តទៀតថា នៅមុនពេលកើតហេតុខាងលើ នៅផ្ទះដែលយុវជនរងគ្រោះស្នាក់នៅមានពិធីជប់លៀងថ្ងៃទិវាពលកម្មអន្តរជាតិ ហើយមានការផឹកស៊ីតាំងពីព្រឹករហូតដល់យប់ ប៉ុន្តែពុំដឹងថា ជនរងគ្រោះផឹកស៊ីតាំងពីពេលចាប់ផ្តើម ឬយ៉ាងណានោះឡើយ ។ លុះដល់ពេលកើតហេតុ មិនទាន់ឈប់ផឹកឡើយហើយដោយខ្វះសាច់ក្លែមយុវជនរងគ្រោះទាំងពីរនាក់បានខ្ចីម៉ូតូបងប្អូនជិះទៅរកទិញសាច់ក្លែមថែមទៀត ។ ពេលនោះគេបានឃើញជនរងគ្រោះទិញភ្លៅមាន់បំពង បន្ទាប់មកពួកគេបាននាំគ្នាជិះម៉ូតូសំដៅទៅទិសខាងលិច ក្នុងស្ថានភាពរេចង្កុតពេញផ្លូវ ។ រេទៅរកបុករថយន្តអ្នកដំណើរ១លើកគេគេចផុត លើកទី២គេគេចផុតទៀត និងប្រុងទៅបុករថយន្តឈ្នួលម៉ាកសាន់យ៉ុង១គ្រឿងដែលកំពុងតែចតស្ងៀម បន្ទាប់មកបានបន្តដំណើរទៅមុខទៀតបានបន្តិច ក៏រេចង្កូតចូលទៅបុករថយន្ត CR-V ពេញទំហឹងតែម្តង ៕
ចែករំលែកព័តមាននេះ