ខេត្តកំពង់ស្ពឺ ៖ កម្មករសំណង់ម្នាក់បានត្រូវចរន្តអគ្គិសនីឆក់ស្លា.ប់ ខណៈពេលជនរងគ្រោះព្យាយាមឡើងលើរោងចតរថយន្តដើម្បីផ្សារដែកធ្វើរោងដាក់រថយន្ត និងម៉ូតូនៅក្នុងមន្ទីរប្រៃសណីយ និងទូរគមនាគមន៍ខេត្ត ។ ហេតុការណ៍នេះ ត្រូវបានមន្ត្រីប៉ូលិសក្រុងច្បារមនប្រាប់ឱ្យដឹងថា បានកើតឡើងនៅវេលាម៉ោង១០និង១៥នាទីព្រឹក ថ្ងៃទី៣០ មេសា
ខេត្តកំពង់ស្ពឺ ៖ កម្មករសំណង់ម្នាក់បានត្រូវចរន្តអគ្គិសនីឆក់ស្លាប់ ខណៈពេលជនរងគ្រោះព្យាយាមឡើងលើរោងចតរថយន្តដើម្បីផ្សារដែកធ្វើរោងដាក់រថយន្ត និងម៉ូតូនៅក្នុងមន្ទីរប្រៃសណីយ និងទូរគមនាគមន៍ខេត្ត ។ ហេតុការណ៍នេះ ត្រូវបានមន្ត្រីប៉ូលិសក្រុងច្បារមនប្រាប់ឱ្យដឹងថា បានកើតឡើងនៅវេលាម៉ោង១០និង១៥នាទីព្រឹក ថ្ងៃទី៣០ មេសា ។
មន្ត្រីប៉ូលិសក្រុងច្បារមន បានបន្តថា ជនរងគ្រោះឈ្មោះតំ ចាន់ថន ភេទប្រុស អាយុ៣២ឆ្នាំ មានប្រពន្ធឈ្មោះភុំ ផល្លី និងមានកូនម្នាក់ក្នុងបន្ទុក រស់នៅក្នុងភូមិតាំងទន្លេ សង្កាត់សុពណ៌ទេព ក្រុងច្បារមន ។ ជនរងគ្រោះពុំមែនជាអ្នកជំនាញខាងផ្សារដែកទេ ជាកម្មករចល័តប៉ុណ្ណោះ។ នៅព្រឹកថ្ងៃទី៣០ មេសា មន្ទីរប្រៃសណីយ និងទូរគមនាគមន៍ខេត្តបានធ្វើរោងប្រក់ដំបូល សម្រាប់ដាក់រថយន្ត និងម៉ូតូរបស់បុគ្គលិក។ ជនរងគ្រោះបានកាន់ក្បាលផ្សារឡើងតាមសសរដែកទៅផ្សារតភ្ជាប់ដែកម្ខាងទៀត ក៏ត្រូវឧបករណ៍ផ្សារដែលភ្ជាប់ចរន្តអគ្គិសនីមានដាច់រលាត់ស្រោមជ័រផងនោះ ឆក់ បណ្តាលឱ្យស្លាប់ភ្លាមនៅនឹងកន្លែង។ ពេលនោះកម្មករជាមិត្តភក្តិបានព្យាយាមជួយសង្គ្រោះដែរ តែពុំអាចជួយបានឡើយ ព្រោះជនរងគ្រោះបានដាច់ខ្យល់ស្លាប់បាត់ទៅហើយ ។
មន្ត្រីប៉ូលិសបច្ចេកទេសដែលធ្វើកោសល្យវិច័យនាឱកាសនោះ បានឱ្យដឹងថា ជនរងគ្រោះស្លាប់ដោយចរន្តអគ្គិសនីឆក់ប្រាកដមែន ពុំមានទាកទងនឹងអំពើឃាតកម្មឡើយ ។ ក្រោយពីធ្វើការត្រួតពិនិត្យសពជនរងគ្រោះរួច សមត្ថកិច្ចបានប្រគល់ទៅឱ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ