រន្ធ.ត់ណាស់! អ្នកលក់ក្រឡាន១២នាក់ជិះរ៉ឺមកម៉ូតូទៅលក់ ស្រាប់តែជួបគ្រោះអកុសលតាមផ្លូវ
- កំពង់ឆ្នាំង
ខេត្តកំពង់ឆ្នាំង ៖ យ៉ាងហោចណាស់មនុស្ស៤នាក់បានស្លា.ប់នៅនឹងកន្លែង ចំណែក៨នាក់ទៀតរង
ខេត្តកំពង់ឆ្នាំង ៖ យ៉ាងហោចណាស់មនុស្ស៤នាក់បានស្លា.ប់នៅនឹងកន្លែង ចំណែក៨នាក់ទៀតរងរបួសធ្ងន់និងស្រាល នៅក្នុងហេតុការណ៍គ្រោះថ្នាក់ចរាចរណ៍រវាងរថយន្តសណ្ដោងបុ.ករ៉ឺម៉កម៉ូតូពីក្រោយ ដែលបានកើតឡើងកាលពីវេលាម៉ោង៤និង៣០នាទីទៀបភ្លឺថ្ងៃទី៣ ខែឧសភា ឆ្នាំ២០២៣ លើកំណាត់ផ្លូវជាតិលេខ៥ ចន្លោះគីឡូម៉ែត្រលេខ៤០និងលេខ៤១ ស្ថិតនៅក្នុងភូមិជន្លាត់ដៃ ឃុំស្វាយស្រុកសាមគ្គីមានជ័យ ខេត្តកំពង់ឆ្នាំង ។
ជនរងគ្រោះចំនួន៤នាក់ដែលបាត់បង់ជីវិតភ្លាមៗនៅនឹងកន្លែងកើតហេតុ និងជនរងគ្រោះចំនួន៨នាក់ដែលរងរបួសធ្ងន់-ស្រាល មិនទាន់ស្គាល់អត្តសញ្ញាណនៅឡើយទេ គ្រាន់តែដឹងថាពួកគាត់ជាអ្នកលក់ក្រឡាន ។
តាមប្រភពពីសមត្ថកិច្ចនគរបាលបានឲ្យដឹងថា នៅមុនពេលកើតហេតុ ជនរងគ្រោះទាំង១២នាក់ ដែលមានពីលំនៅភូមិបឹងកក់ ឃុំលង្វែកស្រុកកំពង់ត្រឡាច បានជិះរ៉ឺមកម៉ូតូមួយគ្រឿង ដើម្បីយកក្រឡានទៅលក់ដូចសព្វដង ។ លុះមកដល់ចំណុចកើតហេតុខាងលើ ស្រាប់តែមានរថយន្តមួយគ្រឿងម៉ាកហ៊ីយ៉ាន់ដា ពណ៌ស ពាក់ស្លាកលេខ ភ្នំពេញ 3G-2103 សណ្ដោងរ៉ឺម៉ក ពណ៌ខៀវ ពាក់ស្លាកលេខភ្នំពេញ 4B-2068 ធ្វើដំណើរពីជើងទៅត្បូង ហើយក៏បានបុ.កនឹងរ៉ឺម៉កម៉ូតូជនរងគ្រោះពីក្រោយយ៉ាងពេញទំហឹង បណ្ដាលឲ្យមនុស្ស៤នាក់ស្លា.ប់ភ្លាមៗនៅនឹងកន្លែងកើតហេតុ ចំណែក៨នាក់បានរងរបួសធ្ងន់ និងស្រាល ។ បន្ទាប់ពីកើតហេតុ អ្នកបើកបររថយន្តបានរត់គេចខ្លួនបាត់ ។
ក្រោយពេលកើតហេតុ សមត្ថកិច្ចបានទៅពិនិត្យ និងធ្វើវាស់វែងនៅកន្លែងកើតហេតុ ហើយបាន ប្រគល់ស.ពជូនក្រុមគ្រួសារ ដើម្បីធ្វើបុណ្យតាមប្រពៃណី ។ ចំណែកអ្នករងរបួសធ្ងន់ និងស្រាល ត្រូវបានបញ្ជូនទៅសង្គ្រោះនៅមន្ទីរពេទ្យ ។ ដោយឡែករថយន្តបង្កនិងរ៉ឺម៉កម៉ូតូត្រូវបានយកទៅរក្សាទុកដើម្បីរង់ចាំការដោះស្រាយតាមនីតិវិធីនៅពេលក្រោយទៀត ៕
ចែករំលែកព័តមាននេះ