ខេត្តសៀមរាប ៖ លោកទេសរដ្ឋមន្ត្រី និងជារដ្ឋមន្ត្រីក្រសួងសាធារណការ និងដឹកជញ្ជូន ស៊ុន ចាន់ថុល បាន ឱ្យដឹងថា កម្ពុជានឹងមានផ្លូវល្បឿនជាច្រើនបន្ថែមទៀត…
ខេត្តសៀមរាប ៖ លោកទេសរដ្ឋមន្ត្រី និងជារដ្ឋមន្ត្រីក្រសួងសាធារណការ និងដឹកជញ្ជូន ស៊ុន ចាន់ថុល បាន ឱ្យដឹងថា កម្ពុជានឹងមានផ្លូវល្បឿនជាច្រើនបន្ថែមទៀត ខណៈផ្លូវល្បឿនលឿនសៀមរាប-ភ្នំពេញនឹងបញ្ចប់ការសិក្សាគម្រោងនៅខែឧសភាឆ្នាំ២០២៣ នេះ ។
លោក ស៊ុន ចាន់ថុល បានថ្លែងបែបនេះ នៅក្នុងសន្និសីទស្តីពីការលើកកម្ពស់ការតភ្ជាប់ការដឹកជញ្ជូនក្នុងតំបន់សម្រាប់អាស៊ីកណ្តាល និងអាស៊ីអាគ្នេយ៍ ដែលធ្វើឡើងនៅសណ្ឋាគារសូហ្វីតែលអង្គរ-ភូគីត្រា ខេត្តសៀមរាប នាថ្ងៃទី២៨ ខែមេសា ឆ្នាំ២០២៣ ។
លោក ស៊ុន ចាន់ថុល បានលើកឡើងទៀតថា សម្រាប់កម្ពុជា ការអភិវឌ្ឍន៍មានច្រើនជាបន្តបន្ទាប់ មានទាំងគម្រោងតូច គម្រោងធំ ហើយនៅថ្ងៃទី០៧ ខែមិថុនា ឆ្នាំ២០២៣ ខាងមុខនេះ សម្តេចតេជោ ហ៊ុន សែន នឹងអញ្ជើញជាអធិបតីក្នុងពិធីសម្ពោធបើកការដ្ឋានសាងសង់ផ្លូវល្បឿនលឿនភ្នំពេញ-បាវ៉ិត នៅថ្ងៃទី០១ ខែឧសភា ខាងមុខនេះដែរ ។
សម្តេចតេជោក៏នឹងអញ្ជើញជួបសំណេះសំណាលជាមួយកម្មករ កម្មការិនី និងសម្ពោធបើកការដ្ឋានសាងសង់ផែកុងទីន័រថ្មីមួយទៀតនៅកំពង់ផែស្វយ័ត ក្រុងព្រះសីហនុ ដែលមានជម្រៅទឹក១៤,៥ ម៉ែត្រដែលផែថ្មីនេះគឺអាចឱ្យនាវាប្រមាណជា៩៣ភាគរយ ដែលចរាចរណ៍នៅក្នុងតំបន់អាស៊ីប៉ាស៊ីហ្វិក អាចចូលចតបាន ខណៈពេលបច្ចុប្បន្ននេះមាននាវាប្រមាណតែ១៨ភាគរយប៉ុណ្ណោះ ដែលអាចចូលចតបាន ។
លោកទេសរដ្ឋមន្ត្រីបានបញ្ជាក់ថា ជាមួយគ្នានេះ យើងក៏បានសិក្សាផ្លូវរថភ្លើង ដែលបច្ចុប្បន្នមានល្បឿន យឺត ឱ្យទៅជាផ្លូវរថភ្លើងល្បឿនលឿនពីភ្នំពេញ ទៅប៉ោយប៉ែត ហើយពីភ្នំពេញទៅកំពង់ផែស្វយ័តខេត្តព្រះសីហនុ ជាមួយគ្នានឹងការសិក្សាគម្រោងដឹកជញ្ជូនតាមផ្លូវទឹកពីទន្លេបាសាក់ ដោយបើកផ្លូវទឹកទៅកាន់សមុទ្រនៅខេត្តកែប ក៏បានបញ្ចប់ផងដែរ។ ក្នុងនោះ លោកបានបញ្ជាក់ថា នៅមានគម្រោងជាច្រើនទៀត ទាំងតូច ទាំងធំ ក្នុងនោះក៏មានគម្រោងផ្លូវល្បឿនលឿនទី៣ ចេញពីភ្នំពេញ មកខេត្តសៀមរាប ហើយក៏អាចមានផ្លូវល្បឿនលឿនទី៤ទី៥ទី៦ ជាបន្តបន្ទាប់ទៀតដែរ។
តាមការបញ្ជាក់របស់លោកបណ្ឌិត Young Tae Kim អគ្គលេខាធិកា ITF បានបង្ហាញថា វេទិកាដឹកជញ្ជូនអន្តរជាតិ (ITF) កំពុងដឹកនាំការ ងារទាក់ទងនឹងការដឹកជញ្ជូននៃ “កម្មវិធីហេដ្ឋារចនាសម្ព័ន្ធប្រកបដោយនិរន្តរភាពនៅអាស៊ី” (SIPA) ដែលជាកម្មវិធីរយៈពេលបួនឆ្នាំ (២០២១- ២៥) ដែលដឹកនាំដោយ OECD ដើម្បីលើកទឹកចិត្តដល់ការផ្លាស់ប្តូរឆ្ពោះទៅរកថាមពលស្អាត ការដឹកជញ្ជូន និងប្រព័ន្ធឧស្សាហកម្មនៅអាស៊ីកណ្តាល និងអាស៊ីអាគ្នេយ៍ ។
លោកបានបន្តទៀតថា SIPA មានបំណងរៀបចំការវិនិយោគហេដ្ឋា រចនាសម្ព័ន្ធក្នុងតំបន់ឲ្យកាន់តែប្រសើរឡើង ក្នុងអំឡុងពេលនៃការស្តារសេដ្ឋកិច្ចឡើងវិញពីជម្ងឺរាតត្បាត Covid-19 ជា មួយនឹងគោលបំណងនៃកិច្ចព្រមព្រៀងទីក្រុងប៉ារីស និង គោលដៅអភិវឌ្ឍន៍ ប្រកបដោយ ចីរភាពរបស់អង្គការសហ ប្រជាជាតិ ។
ការរួមចំណែករបស់ ITF ដល់ SIPA ផ្តោតលើការអភិវឌ្ឍន៍ហេដ្ឋា រចនាសម្ព័ន្ធដឹកជញ្ជូនប្រកបដោយនិរន្តរ ភាពនៅអាស៊ីកណ្តាល និងអាស៊ីអាគ្នេយ៍ ជាមួយនឹងការសិក្សាដែលគ្របដណ្តប់កម្រិតតំបន់ និងថ្នាក់ជាតិ យោងទៅលើថ្នាក់តំបន់ ITF នឹងវាយតម្លៃសមត្ថភាពនៃការដឹកជញ្ជូនទ្រង់ទ្រាយធំកម្មវិធីហេដ្ឋា រចនាសម្ព័ន្ធក្នុងតំបន់ទាំងពីរដើម្បីធ្វើឲ្យប្រសើរឡើង នូវការតភ្ជាប់និងកាត់បន្ថយការចំណាយផ្នែកបរិស្ថាន ។
គម្រោងនេះនឹងយកភាគហ៊ុននៃគម្រោងហេដ្ឋារចនា សម្ព័ន្ធដឹកជញ្ជូនបច្ចុប្បន្ន និងដែលបានគ្រោងទុកនៅក្នុងតំបន់ ហើយវាយតម្លៃផលប៉ះពាល់របស់ពួកគេតាមរយៈការ វិភាគសេណារីយ៉ូ ។ វាក៏នឹងណែនាំផងដែរនូវយុទ្ធសាស្ត្រក្នុងការផ្តល់ហិរញ្ញប្បទានដល់ការវិនិយោគ ដើម្បីបិទគម្លាតហេដ្ឋារចនាសម្ព័ន្ធដែលបានកំណត់ណាមួយនោះ ៕
ចែករំលែកព័តមាននេះ