អ្នកនាំពាក្យ បញ្ជាក់ថា គោងា.ប់នៅអន្លង់វែង មកពីពុលទឹកមានជាតិគីមី
- ភ្នំពេញ
ភ្នំពេញ៖ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ករណីគោពុលងា.ប់ នៅខេត្តឧត្តរមានជ័យ មិនមែនដោយសារតែជំងឺសារទឹកទេ តែមកពីកសិករ ជាម្ចាស់គោ…
ភ្នំពេញ៖ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ករណីគោពុលងា.ប់ នៅខេត្តឧត្តរមានជ័យ មិនមែនដោយសារតែជំងឺសារទឹកទេ តែមកពីកសិករ ជាម្ចាស់គោ…
ភ្នំពេញ៖ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ករណីគោពុលងា.ប់ នៅខេត្តឧត្តរមានជ័យ មិនមែនដោយសារតែជំងឺសារទឹកទេ តែមកពីកសិករ ជាម្ចាស់គោ យកទឹក ដែលមានជាតិគីមី ឱ្យគោទាំងនោះ ផឹក។
កញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ប្រាប់កោះសន្តិភាពថា «មន្ត្រីនាញបានចុះទៅទីនោះ ក្រោយពីកោះសន្តិភាពបានផ្សាយ។ មែនទែនទៅ គោ ដែលងា.ប់នៅទីនោះ គឺបានចាក់ថ្នាំបង្ការជំងឺសារទឹក បានរួចរាល់ហើយ ហើយមូលហេតុ ដែលធ្វើឱ្យគោហ្នឹង គឺដោយសារតែប្រជាពលរដ្ឋ ដែលជាអ្នកចិញ្ចឹមគោហ្នឹង ទៅយកទឹកពីប្រភពមួយ ដែលភ្លៀងធ្លាក់មកដំបូង ធ្វើឱ្យសារធាតុគីមី ដែលប្រជាពលរដ្ឋប្រើជីគីមីអីហ្នឹង វាហូរទៅប្រភពទឹកហ្នឹង ដែលវាមានរាងដូចបាតខ្ទះអីចឹង ហើយនៅពេលដែលប្រជាពលរដ្ឋ យកទឹក ដែលបានមកពីភ្លៀងដំបូង ទៅឱ្យគោផឹក វាធ្វើឱ្យគោពុល។ ឥឡូវ ខាងជំនាញ បានចុះទៅដល់កន្លែងហ្នឹង ហើយបានណែនាំប្រជាពលរដ្ឋពីករណីហ្នឹងហើយ»។
អ្នកនាំពាក្យក្រសួងកសិកម្ម បញ្ជាក់ថា ករណីសត្វគោងា.ប់នោះ មិនមែនជាការឆ្លងជំងឺទេ គឺគោងាប់ ដោយសារតែផឹកទឹក ដែលមានសារធាតុពុល។
សូមរម្លឹកថា គោ ៣ក្បាល បានងា.ប់ ហើយកសិករម្ចាស់គោ អះអាងថា កំពុងតែឆ្លង ទៅសត្វគោចំនួន ១២ក្បាលទៀត។ ករណីនេះ មន្ត្រីបសុព្យាបាលនៃការិយាល័យកសិកម្ម នៅស្រុកអន្លង់វែង បានទៅធ្វើការត្រួតពិនិត្យ និងព្យាបាលសត្វគោទាំងនោះ កាលពីថ្ងៃទី២៦ និងថ្ងៃទី២៧ ខែមេសា ឆ្នាំ២០២៣។ ករណីគោងា.ប់ទាំងនោះ បានកើតឡើង នៅក្នុងភូមិរំចេក ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
បុរសម្នាក់ ឈ្មោះ មូល ទុំ ភេទប្រុស រស់នៅក្នុងភូមិ-ឃុំកើតហេតុខាងលើនេះ បានឲ្យដឹងថា ពលរដ្ឋរស់នៅក្នុងភូមិនេះ តែងតែព្រួយបារម្ភនូវការកើតមានជំងឺរាតត្បាតដល់សត្វគោ ដែលអាចនឹងឆ្លងគ្នា ធ្វើឱ្យងា.ប់ជាបន្តបន្ទាប់ បើសិនជាគ្មានវិធានការចាក់ថ្នាំបង្ការនោះទេ។
ទាក់ទិនទៅនឹងជំងឺសត្វគោនេះ លោក យិន យ៉ាមម៉ារ៉ា មន្ត្រីការិយាល័យផលិតកម្ម និងបសុព្យាបាល ប្រចាំសត្តឃា.តដ្ឋាន ស្រុកអន្លង់វែង បានឲ្យដឹងថា នៅថ្ងៃទី២៥ ខែមេសា ឆ្នាំ២០២៣ មានប្រជាពលរដ្ឋ នៅភូមិរំចេក បានរាយការណ៍មកថា សត្វគោជាច្រើនក្បាល កំពុងតែកើតមានជំងឺ និងងា.ប់ជាបន្តបន្ទាប់។ ក្រោយពីទទួលព័ត៌មាននេះភ្លាម លោកក៏បានទៅត្រួតពិនិត្យឃើញថា សត្វគោចំនួន ៣ក្បាល ងា.ប់ និងចំនួន ១២ក្បាលទៀត កំពុងតែឈឺ ហើយបានចាក់ថ្នាំព្យាបាលផងដែរ។
លោកបានបញ្ជាក់ថា យោងទៅលើការត្រួតពិនិត្យ សត្វគោ ដែលឈឺទាំងនោះ គឺជាជំងឺសារទឹក ព្រោះថា ឲ្យតែក្នុងរដូវខែវស្សា ធ្លាក់ទឹកភ្លៀង ជំហានដំបូង តែងតែកើតមានជំងឺនេះ ជាពិសេសទៀតនោះ សត្វគោ អាចនឹងពុលថ្នាំផ្នែកកសិកម្ម ដែលប្រជាកសិករ បាញ់ថ្នាំចម្ការដំឡូងមី ដំណាំស្វាយ និងបាញ់ដំណាំផ្សេងៗនោះ ហើយនៅពេលទឹកភ្លៀងធ្លាក់ និងហូរចាក់មកតាមប្រឡាយ បឹងបួរនានា ជាហេតុធ្វើឱ្យសត្វគោ ចូលទៅផឹកទឹកទីនោះ ហើយសត្វគោទាំងនោះ វាអាចនឹងពុល ក៏អាចថាបានដែរ៕
ចែករំលែកព័តមាននេះ