មហាជន ក៏ដូចជាអ្នកគាំទ្រមិនតិចនាក់នោះឡើយ សម្ដែងការភ្ញាក់ផ្អើលយ៉ាងខ្លាំង ក្រោយពេលពួកគេនាំគ្នាចូលតាមដានមើលនៅក្នុងគណនី Instagram របស់តារាចម្រៀងប្រុស
ប្រទេសចិន ៖ នៅថ្ងៃទី២៧ ខែមេសា ឆ្នាំ២០២៣នេះ មហាជន ក៏ដូចជាអ្នកគាំទ្រមិនតិចនាក់នោះឡើយ សម្ដែងការភ្ញាក់ផ្អើលយ៉ាងខ្លាំង ក្រោយពេលពួកគេនាំគ្នាចូលតាមដានមើលនៅក្នុងគណនី Instagram របស់តារាចម្រៀងប្រុសចិន ក្រុម EXO ក៏ដូចជាតារាសម្ដែង ដែលមានរូបរាងស្រស់សង្ហាខ្ពស់ស្រឡះ គឺលោក Kris Wu វ័យ៣៣ឆ្នាំ ដោយពេលនេះផងដែរ account គណនី Instagram របស់លោកត្រូវបាត់ហើយ។
នេះបើយោងទៅតាមរយៈគណនីហ្វេសប៊ុកផេកមួយ មានឈ្មោះថា «Kris Wu Galaxy fanfan Cambodia» បានធ្វើការបង្ហោះរូប២សន្លឹកដែលជាគណនីរបស់តារាប្រុសចិន សញ្ជាតិកាណាដារូបនេះ រួចឆ្លៀតភ្ជាប់ជាមួយសារនិយាយរៀបរាប់ប្រាប់គ្រប់គ្នាអោយដឹងនៅលើគណនីផ្ទាល់របស់ខ្លួនប៉ុន្មានឃ្លា ដោយប្រកាសក្ដែងៗថា «Kris Wu account Instagram បានបាត់ហើយ User not found យើងមិនដឹងថា តើអ្នកណាជាអ្នកធ្វើវានោះទេ? អាចជាក្រុមគ្រួសាររបស់គាត់បានកាន់កា.ប់ account គាត់ ឬមួយក៏មានគេ hack យក !! ហើយយើងក៏មិនដឹងដូចគ្នាថា account គាត់ គ្រាន់តែបិទមួយរយៈ ឬមួយក៏លុបចោលតែម្តង»។
គណនីហ្វេសប៊ុកផេកខាងលើបន្តថា «វាអាចជាសម្រាកមួយរយៈសិន ឬក៏បញ្ចប់អ្វីដែលមិនល្អគ្រប់យ៉ាងចោលអោយអស់ ហើយចាប់ផ្តើមថ្មី ជាមួយទំព័រថ្មីដែលប្រសើរជាងមុន ព្រោះគ្រប់យ៉ាងវាជិតដល់ពេលបញ្ចប់ហើយ !! ហើយក៏អាចមានមនុស្សចេតនាចង់ hack យក account របស់គាត់ដើម្បីលុបចោល ព្រោះមិនចង់អោយគាត់និយាយ ឬលាតត្រដាងការពិតអ្វីទាំងអស់ !!។ Admin សង្ឃឹមថា គណនី Instagram របស់គាត់ គឺក្រុមគ្រួសារគាត់ជាអ្នកគ្រប់គ្រងទៅចុះ ព្រោះវាជា account social តែមួយគត់ ដែលគាត់មាននៅពេលឥឡូវនេះ សុំអោយវាជារឿងដែលមិនអាក្រក់ផងចុះ»។
ក្រោយឃើញគណនីខាងលើ បង្ហោះនិយាយដូច្នេះរួចមក មិនទុកយូរក៏មានអ្នកចូលទៅខមិនគ្រប់ៗគ្នាយ៉ាងដូច្នេះថា «ខ្ញុំភ័យដល់ហើយ តិចមានអ្នក Hack លួចយក account គាត់យកទៅបាត់ទេដឹង» «ពិបាកនិយាយដល់ហើយ បើនៅសុខៗបាត់ដូច្នេះនោះ តិចមានរឿងអីចំពោះ Account គាត់ទេដឹង»។
សូមជំរាបផងដែរថា តារាចម្រៀងប្រុស ក៏ដូចជាតារាសម្ដែង សមាជិកក្រុម EXO លោក Kris Wu នៅថ្ងៃទី២៥ ខែវិច្ឆិកា ឆ្នាំ២០២២ ត្រូវបានតុលាការកាត់ទោសឲ្យជាប់ពន្ធនាគារ១៣ឆ្នាំ ព្រមទាំងត្រូវនិរទេសចេញពីប្រទេសទៀតផង។
តុលាការក្រុងប៉េកាំង Chaoyang នៅព្រឹកថ្ងៃទី២៤ ខែវិច្ឆិកា ឆ្នាំ២០២២ តុលាការប្រជាជននៃសង្កាត់ Chaoyang ទីក្រុងប៉េកាំង បានប្រកាសជាសាធារណៈថា ជនជាប់ចោទ Wu Yifan បានរំលោ.ភ និងប្រមូលផ្តុំហ្វូងមនុស្ស ក្នុងករណីអំពើផិតក្បត់។ ចុងចោទ Wu Yifan ត្រូវបានកាត់ទោសឱ្យជាប់ពន្ធនា គារ១១ឆ្នាំ៦ខែ ពីបទរំលោ.ភសេពសន្ថវៈ។ គាត់ត្រូវកាត់ទោសឱ្យជាប់ពន្ធនាគារ១ឆ្នាំ១០ខែ សម្រាប់ឧក្រិ.ដ្ឋកម្មនៃការប្រមូលផ្តុំហ្វូងមនុស្សសម្រាប់ការប្រព្រឹត្តខុស ចំពោះឧក្រិ.ដ្ឋកម្មនេះ សម្រេចអនុវត្តទោសជាប់ពន្ធនាគាររយៈពេល១៣ឆ្នាំ រួមទាំងការនិរទេស។
បន្ទាប់ពីការកាត់ក្តី បានរកឃើញថា ចាប់ពីខែវិច្ឆិកា ដល់ខែធ្នូ ឆ្នាំ២០២០ ចុងចោទ Wu Yifan បានឆ្លៀតឱកាសស្ត្រីស្រវឹង៣នាក់ ដែលមិនចេះទប់ទល់ ឬទ្រាំមិនបាន នៅក្នុងគេហដ្ឋានរបស់គាត់។ ហើយបានរួមភេ.ទជាមួយពួកគេដោយបង្ខំ កាលពីថ្ងៃទី១ ខែកក្កដា ឆ្នាំ២០១៨ នៅក្នុងគេហដ្ឋានរបស់គាត់។ Wu Yifan រួមជាមួយនឹងអ្នកផ្សេងទៀត បានរៀបចំស្ត្រី២នាក់ផ្សេងទៀត ឱ្យចូលរួមក្នុងសកម្មភាពមិនសមរម្យនោះ បន្ទាប់ពីផឹកស្រា។ ហើយតុលាការប្រជាជនស្រុក Chaoyang បានចាត់ទុកថា សកម្មភាពរបស់ Wu Yifan បង្កើតជាបទឧក្រិ.ដ្ឋនៃការចាប់រំលោ.ភ និងបទឧក្រិ.ដ្ឋប្រមូលផ្តុំហ្វូងមនុស្សសម្រាប់ការប្រព្រឹត្តខុស ដែលគួរតែត្រូវបានផ្តន្ទាទោសតាមច្បាប់។
យោងតាមអង្គហេតុ នៃឧក្រិដ្ឋកម្មរបស់ Wu Yifan តាមកាលៈទេសៈពិត និងផលវិបាកនៃឧក្រិ.ដ្ឋកម្ម តុលាការបានធ្វើការវិនិច្ឆ័យដូចខាងលើ មន្ត្រីស្ថានទូតកាណាដា ប្រចាំប្រទេសចិន ក៏បានចូលរួមក្នុងការកាត់ទោសនេះដែរ៕ ដោយ ៖ សុភា ដានេត
ចែករំលែកព័តមាននេះ