ប្រធានាធិបតីអ៊ុយក្រែន សន្ទនាតាមទូរស័ព្ទលើកដំបូងជាមួយមេដឹកនាំចិន
សង្គ្រាមអ៊ុយក្រែន ៖ ប្រធានាធិបតីចិនលោកស៊ី ជីនពីង អះអាង កាលពីថ្ងៃទី២៦ មេសា ចំពោះសម
សង្គ្រាមអ៊ុយក្រែន ៖ ប្រធានាធិបតីចិនលោកស៊ី ជីនពីង អះអាង កាលពីថ្ងៃទី២៦ មេសា ចំពោះសម
សង្គ្រាមអ៊ុយក្រែន ៖ ប្រធានាធិបតីចិនលោកស៊ី ជីនពីង អះអាង កាលពីថ្ងៃទី២៦ មេសា ចំពោះសមភាគីអ៊ុយក្រែនលោកវ៉ូឡូឌីមៀរ ហ្សេឡេនស្គី ថា ចិនស្ថិតនៅជានិច្ចខាងសន្តិភាព ហើយអំពាវនាវឲ្យមានការចរចា ក្នុងឱកាសនៃការជួបសន្ទនាគ្នាតាមទូរស័ព្ទលើកដំបូង រវាងមេដឹកនាំទាំង២ពុំធ្លាប់មានតាំងពីការវាយលុករបស់រុស្ស៊ីលើអ៊ុយក្រែនមក។
តាមទូរទស្សន៍ចិនCCTVថា ពេល ជួបសន្ទនាគ្នានោះ លោកស៊ី ជីនពីង ថ្លែងថា លើបញ្ហាវិបត្តិអ៊ុយក្រែន ចិនឈរជានិច្ចខាងសន្តិភាព ហើយជំហរមូលដ្ឋានរបស់ចិនគឺជម្រុ្ញការចរចាសនិ្តភាព។ ការចរចាគឹជាច្រកចេញតែមួយគត់នៃជម្លោះ ដែលកំពុងកើតមានជាមួយរុស្ស៊ី។ លោកស៊ី សន្យាថាប្រទេសរបស់លោកមិនស្វែងរកទាញយកចំណេញពីវិបត្តិនេះឡើយ។ ចំណែកលោកហ្សេឡេនស្គីវិញគ្រាន់តែគូសបញ្ជាក់តាមTWETTERថា បាននិយាយគ្នាយ៉ាងយូរនិងមានន័យជាមួយលោកស៊ី ជីនពីង។
សហរដ្ឋអាមេរិកក៏ដូចជាបារាំងដែរ បានសម្ដែងការអបអរសាទរចំពោះការជួបសន្ទនាគ្នានេះដោយចាត់ទុកថា ជារឿងដ៏ល្អមួយ ដោយនិយាយថា សម្រាប់ពេលនេះគេមិនទាន់ដឹងថាតើ ការជួបគ្នានេះអាចនាំទៅរកការផ្ដួចផ្ដើមគំនិតមួយ សំណើឬផែនការសនិ្តភាពមួយឬយ៉ាងណាឡើយ។
រីឯរុស្ស៊ី វិញកត់សម្គាល់ពីឆន្ទៈរបស់ក្រុងប៉េកាំង ផ្តោតលើការបង្កើតដំណើរការចរចាមួយ រវាងក្រុងមូស្គូនិងក្រុងគៀវតែបានចោទអ៊ុយក្រែនថា បំផ្លាញការចរចាសន្តិភាព តាមរយៈការបដិសេធមិនចរចាជាមួយខ្លួន និងចោទក្រុងគៀវថាបដិសេធរាល់ការផ្ដួចផ្ដើមគំនិត សំដៅដោះស្រាយជម្លោះតាមផ្លូវនយោបាយនិងការទូត។
ម្យ៉ាងវិញទៀតលោកហ្សេឡេនស្គីសង្ឃឹមជម្រុញខ្លាំង ការពង្រីកទំនាក់ទំនងទ្វេភាគីរវាងប្រទេសលោកនិងក្រុងប៉េកាំង ដោយលោកប្រកាសពីការតែងតាំងលោកប៉ាវឡូរីយ៉ាប៊ីគីន អតីតរដ្ឋមន្ត្រីឧស្សាហកម្មយុទ្ធសាស្ត្រអាយុ៥៧ឆ្នាំ ជាឯកអគ្គរដ្ឋទូតអ៊ុយក្រែនប្រចាំប្រទេសចិន ជាតំណែងមួយមិនទាន់មានចាប់តាំងពីខែកុម្ភៈឆ្នាំ២០២១មក។
ការសន្ទនាគ្នានោះមានរយៈពេលក្បែរ១ម៉ោង តាមការផ្ដួចផ្ដើមគំនិតរបស់អ៊ុយក្រែន៕
ចែករំលែកព័តមាននេះ