ផ្ទុះក្នុងទីចាត់ការប៉ូលិសមួយនៅប៉ាគីស្ថាន ស្លា.ប់ជាង១០នាក់
ប្រទេសប៉ាគីស្ថាន ៖ យោងតាមប្រមុខប៉ូលិសមូលដ្ឋានថា មនុស្សយ៉ាងតិច១២នាក់ស្លា.ប់និង៥០នាក់
ប្រទេសប៉ាគីស្ថាន ៖ យោងតាមប្រមុខប៉ូលិសមូលដ្ឋានថា មនុស្សយ៉ាងតិច១២នាក់ស្លា.ប់និង៥០នាក់រងរបួស កាលពីថ្ងៃទី២៤ មេសា នៅភាគពាយ័ព្យប៉ាគីស្ថាន ក្រោយការផ្ទុះក្នុងទីចាត់ការប៉ូលិសប្រឆាំងភេរវកម្មមួយកន្លែង។
ការផ្ទុះទាំងនេះបណ្ដាលមកពីទូស្សេខ្សែភ្លើង ក្នុងផ្នែកក្រោមដីនៃទីចាត់ការនោះ ដែលផ្ទុកគ្រាប់បែកដៃនិងគ្រឿងផ្ទុះដទៃៗទៀត។ អាជ្ញាធរដែលពីដំបូងលើកឡើងពីការវា.យប្រហារភេរវកម្មដោយគ្រាប់បែកមួយនោះនិយាយថា ការផ្ទុះគ្រាប់បណ្ដាលមកពីទុស្សេខ្សែភ្លើង កាលពីថ្ងៃទី២៤មេសា ក្នុងទីចាត់ការប៉ូលិសប្រឆាំងភេរវកម្មមួយ បណ្ដាលឲ្យមនុស្សស្លា.ប់យ៉ាងតិច១២នាក់និងរបួស៥០នាក់។ ការផ្ទុះនេះនាំឲ្យទីចាត់ការប៉ូលិសនៅកាបាល់ជាទីក្រុងមួយនៅតំបន់ជ្រលងភ្នំស្វាតភាគពាយ័ព្យប្រទេសត្រូវបាក់។
ប្រមុខប៉ូលិសតំបន់ស្វាតបញ្ជាក់ប្រាប់អ្នកកាសែតថា ការផ្ទុះនោះបណ្ដាលមកពីទូស្សេខ្សែភ្លើងនៅកន្លែងក្រោមដីដែលដាក់គ្រាប់បែកដៃនិងគ្រឿងផ្ទុះដទៃៗទៀត។ ពុំមានការបញ្ជាក់ណាមួយថា វាបណ្ដាលមកពីការវា.យប្រហារភេរវកម្មមួយ ឬការវា.យប្រហារអត្តឃា.តឡើយ។ ជនរងគ្រោះភាគច្រើនជាប៉ូលិស៕
ចែករំលែកព័តមាននេះ