ឆេះផ្ទះអ្នកលក់អីវ៉ាន់ចាប់ហួយមួយកន្លែង នៅក្នុងផ្សារពន្លៃ
- កំពង់ឆ្នាំង
ខេត្តកំពង់ឆ្នាំង ៖ កាលពីរសៀលម៉ោង៤និង៤៥នាទីថ្ងៃទី២៤ ខែមេសា ឆ្នាំ2023 នេះ មានករណីទុស្សេ
ខេត្តកំពង់ឆ្នាំង ៖ កាលពីរសៀលម៉ោង៤និង៤៥នាទីថ្ងៃទី២៤ ខែមេសា ឆ្នាំ2023 នេះ មានករណីទុស្សេខ្សែភ្លើងផ្ទះលក់អីវ៉ាន់ចាប់ហួយមួយកន្លែង ស្ថិតក្នុងផ្សារពន្លៃ ឃុំពន្លៃ ស្រុកបរិបូណ៌ ខេត្តកំពង់ឆ្នាំង ត្រូវបានសមត្ថកិច្ចយករថយន្តពន្លត់អគ្គីភ័យចំនួន6គ្រឿង ដើម្បីជួយអន្តរាគមន៍បាញ់ទឹកពន្លត់បានទាន់ពេលវេលា ។
ម្ចាស់ផ្ទះកើតហេតុខាងលើឈ្មោះស ចំរើន ភេទស្រី រស់នៅភូមិឃុំកើតហេតុខាងលើ ។
សមត្ថកិច្ចបានឲ្យដឹងថា ហេតុការណ៍ករណីទុស្សេខ្សែភ្លើងនេះ បណ្តាលមកពីឆ្លងចរន្តអគ្គិសនី ខណៈពលរដ្ឋនៅផ្ទះជិតផ្ទះកន្លែងកើតហេតុបានឃើញផ្សែងហុយចេញពីផ្ទះជនរងគ្រោះរួចក៏មានអណ្តាតភ្លើងឆាបឆេះតែម្តង។
ក្នុងនោះលោកលុយ ឌីណា ស្នងការរងនគរបាលខេត្តទទួលបន្ទុកការងារនគរបាលបង្ការពន្លត់អគ្គីភ័យនិងសង្គ្រោះបានដឹកនាំកម្លាំងការអន្តរាគមន៍របស់ស្នងការនគរបាលខេត្តកំពង់
ឆ្នាំង និងសហការជាមួយអធិការនគរបាលស្រុកបរិបូណ៌បានបាញ់ទឹកពន្លត់អគ្គីភ័យខាងលើនេះរលត់ទាំងស្រុងដោយ ប្រើប្រាស់រថយន្តពន្លត់អគ្គីភ័យចំនួន6គ្រឿង ក្នុងនោះ រថយន្តស្នងការនគរបាលខេត្ត5គ្រឿង រថយន្តអធិការដ្ឋាននគរបាលស្រុកបរិបូណ៌ 1គ្រឿងសរុប 6គ្រឿង និងប្រើប្រាស់ទឹកអស់ចំនួន៤ រថយន្ត។
នៅក្នុងហេតុការណ៍ខាងលើនេះ ក៏មានវត្តមានលោកជំទាវកែ ច័ន្ទមុន្នី អ្នកតំណាងរាស្ត្រមណ្ឌលកំពង់ឆ្នាំង និងលោកឧត្តមសេនីយ៍ទោខូវ លី ស្នងការនគរបាលខេត្តកំពង់ឆ្នាំងបានចុះទៅដល់កន្លែងកើតហេតុនិង ជួយអន្តរាគមន៍ពន្លត់អគ្គីភ័យខាងលើនេះផងដែរ ៕
ចែករំលែកព័តមាននេះ