កងទ័ពជប៉ុនត្រៀមបា.ញ់ស្ទាក់មីស៊ីលបាលីស្ទិកកូរ៉េខាងជើង
ប្រទេសជប៉ុន ៖ ជប៉ុននិយាយថាកាលពីថ្ងៃទី២២មេសាកងទ័ពខ្លួនត្រៀមបា.ញ់ទម្លាក់ មីស៊ីលបាលីស្ទិ
ប្រទេសជប៉ុន ៖ ជប៉ុននិយាយថាកាលពីថ្ងៃទី២២មេសាកងទ័ពខ្លួនត្រៀមបា.ញ់ទម្លាក់ មីស៊ីលបាលីស្ទិ
ប្រទេសជប៉ុន ៖ ជប៉ុននិយាយថាកាលពីថ្ងៃទី២២មេសាកងទ័ពខ្លួនត្រៀមបាញ់ទម្លាក់ មីស៊ីលបាលីស្ទិកកូរ៉េខាងជើងប្រសិនបើត្រូវបាញ់ចេញ។
នាថ្ងៃទី២២មេសានោះជប៉ុនបានបញ្ជាដល់កងទ័ពខ្លួន ឲ្យរៀបចំបាញ់ទម្លាក់មីស៊ីលបាលីស្ទិកកូរ៉េខាងជើងមួយ ដែលក្រុងព្យុងយ៉ាងប្រើសម្រាប់បញ្ជូនទៅកាន់តារាវិថីផ្កាយរណបចារកម្មយោធាដំបូងរបស់គេ។ ក្នុងសេចក្ដីប្រកាសមួយរដ្ឋមន្ត្រីការពារប្រទេសជប៉ុន លោកយ៉ាស៊ូកា ហ្សូហាម៉ាដាបានស្នើដល់កងទ័ពរបស់ប្រទេស ឲ្យអនុវត្តបណ្ដាវិធានការចាំបាច់ ដើម្បីកម្រិតការខូតខាតក្នុងករណីមានការធ្លាក់មីស៊ីលបាលីស្ទិកមួយ។ ការរៀបចំបាញ់ទម្លាក់មីស៊ីលបាលីស្ទិកកូរ៉េខាងជើង រួមមានការដាក់ពង្រាយបណ្ដានាវាពិឃាតបំពាក់មីស៊ីលស្ទាក់កម្ទេចធុនSM-3 និងការប្រុងជើងការរបស់បណ្ដាកងឯកភាពយោធាតំបន់អូគីណាវ៉ាដែលបំពាក់ដោយមីស៊ីលស្ទាក់កម្ទេចធុនPATRIOT PAC-3 ។
កាលពីថ្ងៃទី១៩មេសាមេដឹកនាំកូរ៉េខាង ជើងលោកគីមជុងអ៊ុន បានចេញបញ្ជាឲ្យបាញ់បង្ហោះផ្កាយរណបស៊ើបការណ៍យោធាដំបូងមួយ តែមិនបញ្ជាក់ពីកាលបរិច្ឆេទនៃការបាញ់បង្ហោះនេះឡើយ។ ការបញ្ជូនផ្កាយរណបនោះទៅកាន់តារាវិថីចាំបាច់ត្រូវប្រើកាំជ្រួចរយៈឆ្ងាយមួយ ដែលការបាញ់បង្ហោះកាំជ្រូចប្រភេទនេះ របស់កូរ៉េខាងជើងត្រូវបាន អ.ស.ប ហាមឃាត់ព្រោះចាត់ទុកជាការសាកល្បងមីស៊ីលបាលីស្ទិកដែលតាមទ្រឹស្ដីក្រុងព្យុងយ៉ាងគ្មានសិទ្ធិប្រើ។
រវាងឆ្នាំ២០១២និង២០១៦កូរ៉េខាងជើងធ្លាប់ធ្វើការសាកល្បងមីស៊ីលបាលីស្ទិកនានាដែលខ្លួនចាត់ទុកថា ជាការបាញ់បង្ហោះផ្កាយរណប។ មីស៊ីល២គ្រាប់បានហោះកាត់ពីលើកោះអូគីណាវ៉ាជប៉ុន៕
ចែករំលែកព័តមាននេះ