កូរ៉េខាងជើងបដិសេធការអំពាវនាវរបស់G7ឱ្យរំសាយនុយក្លេអ៊ែរ
ប្រទេសកូរ៉េខាងជើង ៖ កូរ៉េខាងជើងកាលពីថ្ងៃទី២១ មេសាបាន បដិសេធការអំពាវនាវរបស់ក្រុម
ប្រទេសកូរ៉េខាងជើង ៖ កូរ៉េខាងជើងកាលពីថ្ងៃទី២១ មេសាបាន បដិសេធការអំពាវនាវរបស់ក្រុមប្រទេស G7 ឲ្យខ្លួនផ្អាករាល់ការសាកល្បងនុយក្លេអ៊ែរថ្មីឬការបាញ់មីស៊ីលបាលីស្ទិក ហើយអះអាងជាថ្មីថាលក្ខន្តិកៈមហាអំណាចនុយក្លេអ៊ែររបស់ខ្លួននៅរក្សាជាស្ថាពរនិងមិនអាចប្រែក្រឡាស់បានឡើយ ។
រដ្ឋមន្ត្រីកាបរទេសកូរ៉េខាងជើងលោកCHOE SON HUI បានបរិហារសេចក្ដីថ្លែងការណ៍មួយរបស់ G7 ថា ពោរពេញដោយគំនិតអន្តរាគមនិយមជ្រុលបំផុត ដោយអះអាងថា ក្រុមប្រទេសអ្នកមានទាំង៧នៃពិភពលោកលើកឡើងបែបនេះ ហាក់ដូចជាមើលស្រាលពេកហើយដល់ការអនុវត្តដ៏ត្រឹមត្រូវ ដើម្បីការពារអធិបតេយ្យភាពរបស់ប្រទេសលោក ។
លោកថាជំហររបស់កូរ៉េខាងជើង ក្នុងនាមជាមហាអំណាចនុយក្លេអ៊ែរលំដាប់ពិភពលោកមួយ គឺជាស្ថាពរនិងមិនអាចប្រែក្រឡាស់ឡើយ ។ លោកថ្លែងបែបនេះក្នុងសេចក្ដីប្រកាសមួយ ចេញផ្សាយដោយទីភ្នាក់ងារព័ត៌មានផ្លូវការកូរ៉េខាងជើង KCNA ។
សម្រាប់រដ្ឋមន្ត្រីការបរទេសកូរ៉េខាងជើង យល់ថា ក្រុមប្រទេសអត្តទត្ថនិយមមួយក្ដាប់នេះ មិនតំណាងឲ្យសហគមន៍អន្តរជាតិត្រឹមត្រូវមួយ តែគ្រាន់ជាឧបករណ៍នយោបាយសម្រាប់ទ្រទ្រង់ដល់អនុត្តរភាពនិយមអាមេរិកប៉ុណ្ណោះ ។
ប៉ុន្មានថ្ងៃមុននេះរដ្ឋមន្ត្រីការបរទេស G7 ដែលជួបប្រជុំគ្នានៅជប៉ុន បានស្នើដល់ក្រុងព្យុងយ៉ាង ឲ្យផ្អាករាល់អំពើបង្កអស្ថេរភាពឬបង្កហេតុ និងស្នើឲ្យបោះបង់ចោលទាំងស្រុងអាចត្រួតពិនិត្យបាននិងមិនប្រែក្រឡាស់អាវុ.ធនុយក្លេអ៊ែរ ៕
ចែករំលែកព័តមាននេះ