ក្មេងស្ទាវ ២ក្រុម បើកឆាកប្រយុទ្ធគ្នាទាំងកណ្តាលអាធ្រាត្រ ស្លា.ប់ម្នាក់ ឯអ្នកឈ្នះ ៧នាក់ ជាប់ខ្នោះ
- ពោធិ៍សាត់
ពោធិ៍សាត់៖ កាលពីម៉ោង ២ និង ៥០នាទី ទៀបភ្លៃថ្ងៃទី២០ ខែមេសា ឆ្នាំ២០២៣ មានករណីហិង្សាដោយចេតនា បណ្ដាលឲ្យស្លា.ប់បុរសម្នាក់…
ពោធិ៍សាត់៖ កាលពីម៉ោង ២ និង ៥០នាទី ទៀបភ្លៃថ្ងៃទី២០ ខែមេសា ឆ្នាំ២០២៣ មានករណីហិង្សាដោយចេតនា បណ្ដាលឲ្យស្លា.ប់បុរសម្នាក់…
ពោធិ៍សាត់៖ កាលពីម៉ោង ២ និង ៥០នាទី ទៀបភ្លៃថ្ងៃទី២០ ខែមេសា ឆ្នាំ២០២៣ មានករណីហិង្សាដោយចេតនា បណ្ដាលឲ្យស្លា.ប់បុរសម្នាក់ នៅចំណុចផ្លូវកៅស៊ូ មុខការាស់សាំងរបស់ឈ្មោះ ធឿន ម៉ូវ ស្ថិតក្នុងភូមិប្រឡាយរំដេង ឃុំរំលេច ស្រុកបាកាន ខេត្តពោធិ៍សាត់។
លោកវរសេនីយ៍ឯក នាង វុធ អធិការនគរបាល ស្រុកបាកាន បានឱ្យដឹងថា ហេតុការណ៍នោះ បង្កឡើងដោយក្រុមក្មេង មកពីឃុំរំលេច មានគ្នា ចំនួន ០៧នាក់ ជិះម៉ូតូចំនួន ០៣គ្រឿង ប្រដាប់ដោយកាំបិត ចំនួន ០១ដើម រួមមាន៖ ១/ ឈ្មោះ ជុន វ៉ាន់ថាវ (ហៅបារាំង) ភេទប្រុស អាយុ ២២ឆ្នាំ រស់នៅក្នុងភូមិប្រឡាយរំដេង ឃុំរំលេច។ ២/ ឈ្មោះ ហេង ធារិទ្ធ ភេទប្រុស អាយុ ១៩ឆ្នាំ រស់នៅភូមិប្រឡាយរំដេង ឃុំរំលេច។ ៣/ ឈ្មោះ ជុន សិរីវុធ ភេទប្រុស អាយុ ១៨ឆ្នាំ រស់នៅភូមិប្រឡាយរំដេង ឃុំរំលេច។ ៤/ ឈ្មោះ សេន ភាស ភេទប្រុស អាយុ ២១ឆ្នាំ រស់នៅភូមិកូនត្នោតឃុំរំលេច។ ៥/ ឈ្មោះ ឡាក់ ម៉េងហុង ភេទប្រុស អាយុ ២១ឆ្នាំ រស់នៅភូមិបាក់មែក ឃុំខ្នារទទឹង។ ៦/ ឈ្មោះ ធី ស៊ីណាត ភេទប្រុស អាយុ ២០ឆ្នាំ រស់នៅភូមិបាក់មែក ឃុំខ្នារទទឹង។ ៧/ ឈ្មោះ សៀន ប៊ុណ្ណា ភេទប្រុស អាយុ ២២ឆ្នាំ រស់នៅភូមិខ្នារទទឹង ឃុំខ្នារទទឹង។
លោកអធិការ បន្តថា ក្រុមយុវជនខាងលើនេះ បានកាប់ទៅលើក្មេងមួយក្រុមទៀត មកពីឃុំមេទឹក ដែលមានគ្នា ចំនួន ៧នាក់ដែរ ជិះម៉ូតូ ០៣គ្រឿង៖ ១/ឈ្មោះ សុខ ហូ ភេទប្រុស អាយុ ២០ឆ្នាំ នៅភូមិតាមុំ ឃុំមេទឹក ២/ឈ្មោះ ធឿន ផានី (ហៅឌុយ) ភេទប្រុស អាយុ ១៧ឆ្នំា នៅភូមិប៉ោឡោ ឃុំមេទឹក ៣/ឈ្មោះ ឈុន វុទ្ធី ភេទប្រុស អាយុ ២០ឆ្នាំ នៅភូមិអូរព្រាល ឃុំមេទឹក ៤/ឈ្មោះ អាយ វណ្ណ(ហៅណើត) ភេទប្រុស អាយុ ២០ឆ្នាំ នៅភូមិតាមុំ ឃុំមេទឹក ៥/ឈ្មោះ ម៉ុក សត់ ភេទប្រុស អាយុ ២៣ឆ្នាំ នៅភូមិប៉ោឡោ ឃុំមេទឹក ៦/ឈ្មោះ កែ សីហា(ហៅសី) ភេទប្រុស អាយុ ២០ឆ្នាំ នៅភូមិ ប៉ោឡោ ឃុំមេទឹក ៧/ឈ្មោះ យឹម ដាវីន ភេទប្រុស អាយុ ២៣ឆ្នាំ នៅភូមិប៉ោឡោ ឃុំមេទឹក (ស្លា.ប់)។
លោកអធិការ បានបញ្ជាក់ថា ហេតុការណ៍នេះ បានបណ្ដាលឲ្យស្លា.ប់ ឈ្មោះ យឹម ដាវីន ភេទប្រុស អាយុ ២៣ឆ្នាំ រស់នៅភូមិប៉ោឡោ ឃុំមេទឹក ត្រូវគុម្ពត្រចៀកខាងស្ដាំ ០១កាំបិត បណ្ដាលឱ្យស្លា.ប់។
មូលហេតុនៃការកាប់ចាក់គ្នានេះ ត្រូវបានលោកអធិការប៉ូលិសស្រុកបាកាន លើកឡើងថា ដោយសារតែក្រុមក្មេង មកពីឃុំមេទឹក បានជិះម៉ូតូ ចេញពីកន្លែងផឹកស៊ី (ផាប់) នៅក្នុងភូមិក្រសាំងគ្រួ ឃុំបឹងខ្នារ ហើយត្រូវក្រុមក្មេង មកពីឃុំរំលេច គប់ដុំថ្មលើ រួចជិះទៅត្បូង ហើយក្រុមក្មេងខាងមេទឹក បានជិះម៉ូតូដេញតាម ក៏ត្រូវក្រុមក្មេងខាងរំលេច ស្ទាក់កាប់។
ក្រោយកើតហេតុ កម្លាំងប៉ូលិសប៉ុស្តិ៍រំលេច បានចុះអន្តរាគមន៍ និងឃាត់ជនបង្កបាន ចំនួន ០៧នាក់ ព្រមទាំងដកហូតកាំបិត ០១ដើម៕
ចែករំលែកព័តមាននេះ