ស្លា.ប់ជិត៣០នាក់នៅឥណ្ឌា ក្រោយផឹកស្រាលួចបិត
ប្រទេសឥណ្ឌា ៖ អាជ្ញាធររាយការណ៍នាថ្ងៃទី១៨មេសាថា មនុស្សយ៉ាងតិច២៧នាក់ស្លា.ប់ ក្រោយនាំគ្នា
ប្រទេសឥណ្ឌា ៖ អាជ្ញាធររាយការណ៍នាថ្ងៃទី១៨មេសាថា មនុស្សយ៉ាងតិច២៧នាក់ស្លា.ប់ ក្រោយនាំគ្នាផឹកស្រាលួចបិត ក្នុងរដ្ឋប៊ី ហាភាគខាងកើតឥណ្ឌា ខណៈក្នុងរដ្ឋនោះស្រាត្រូវបានហាមឃាត់។
ការលក់និងការផឹកស្រាត្រូវហាមឃាត់ក្នុងតំបន់ជាច្រើនរបស់ឥណ្ឌា ដែលបែបនេះបណ្ដាលឲ្យមានការរីកសាយនៃទីផ្សារងងឹតលក់ស្រាលួចបិទ ដែលខ្លាំងហើយពួកអ្នកទិញផឹកជួនកាលត្រូវពុ.លស្លា.ប់។ ក្នុង១ឆ្នាំៗនៅឥណ្ឌាមនុស្សច្រើនរយនាក់ស្លា.ប់ដោយពុ.លស្រាដែលលួចបិត។
តាមលោកJITENDER KUMAR អ្នកទួលខុសត្រូវម្នាក់នៃប៉ូលិសឥណ្ឌាថា មនុស្ស២៧នាក់រកឃើញស្លាប់ ដោយសារពុលស្រា ចាប់តាំងពីថ្ងៃទី១៦មេសាមក។ ភាគច្រើននៃជនរងគ្រោះមានប្រភពពីមជ្ឈដ្ឋានអ្នកក្រ និងមានទម្លាប់ផឹកស្រា ដែលគេលក់ក្នុងតម្លៃថោក ហើយស្រាទាំងនេះផលិតតាមមូលដ្ឋានដែលគេនិយមហៅស្រាថាស្រាADESI DARU។ សារព័ត៌មានក្នុងស្រុកមួយចំនួនរាយការតណ៍ថា ការផឹកស្រាពុលនោះបណ្ដាលឲ្យមានអ្នកស្លាប់ដល់ទៅ៤០នាក់ឯណោះ។
លទ្ធផលដំបូងៗនៃការស៊ើបអង្កេតបង្ហាញថា ក្នុងស្រាដែលពួគេផឹកនោះជាមេស្រាមេតាណុល ខ្លាំងដុនឆេះនិងមានសារធាតុពុល។ រយៈពេល៣ថ្ងៃចុងក្រោយនេះ មនុស្ស១៧៦នាក់ត្រូវចាប់ខ្លួនពីបទលួចផលិតនិងចែកចាយស្រាដោយខុសច្បាប់។ ប៉ូលិសក៏ចាប់រឹបអូសនិងបំផ្លាញចោលស្រាលួចបិទ៩០០លីត្រពេលធ្វើការឆែកឆេរ៕
ចែករំលែកព័តមាននេះ